分析曼聯同皇馬歐聯16強!!! 精選

皇馬同曼聯都係歐聯戰場到既豪門球隊，佢地一共交手過8次，其中皇馬3勝3平2負稍佔上風。最近一次交手係係2002/03賽季歐聯8強，兩大豪門上演左入球show，皇馬先係主埸3-1擊敗左曼聯，返到奧脫福，曼聯4-3擊敗左皇馬，其中朗拿度既帽子戲法令人印象深刻。


皇馬係今個賽季狀態下滑得好快，摩佬都逐漸失去左佢既魔力，聯賽去到一半已經俾巴塞拋離左16分，呢樣已經係一個唔可能追回既分數，摩佬都承認佢地係時候將精力放係歐聯到。曼聯簽入既雲佩斯成為左曼聯今個賽季既亮點之一，雲佩斯係咁入波為紅魔取得左一場又一場既勝利，目前曼聯高居英超積分榜榜首。另外C朗都將會係今場比賽既焦點人物，係曼聯成名既佢終於重歸舊地，佢又會有咩既表現呢？


如果從牌面實力來睇，皇馬都仲係略勝曼聯，但鑑於近來皇馬好差既狀態，目前兩隊只可以講係一場胜負結果五五開既比賽。不過考慮到皇馬對聯賽基本上放棄左，曼聯仲係要聯賽同埋歐聯雙線作戰，銀河戰艦如果可以係下半個賽季調整好狀態全力衝擊歐聯既話，佢地都仲係值得被看高一線。