費格遜下周飛往紐約參加活動，欲與哥帥討論接班問題！ 精選

今個週末，曼聯將會迎戰新特蘭，而呢場比賽完左之後，費格遜就會飛去紐約作為曼聯大使參加球會既活動，《鏡報》指出，到時費格遜好可能會同正响紐約度假既哥迪奧拿商談佢入曼聯接替自己既事宜。
其實，呢兩位主帥已經系今年9月見過面，地方又係响紐約，有消息指當時兩位已經傾緊哥迪奧拿接替費格遜執教曼聯既話題，而費格遜系紐約都擁有一套公寓，依加由佢大仔同佢既屋企人一齊居住，距離哥迪奧拿所住既地方只不過得幾個街口既距離，下周中曼聯冇比賽要踢，費格遜大把時間同哥迪奧拿見面。
哥迪奧拿會係聖誕前返西班牙，依加英超各大豪門都對哥迪奧拿有興趣，有傳聞哥迪奧拿已經將執教阿仙奴作為頭號目標，更有消息指，車路士、曼聯、曼城同阿仙奴哥迪奧拿都願意執教，而且佢之所以選擇黎紐約度假，其中一個主要目的係磨練好自己既英語，方便將來既執教。

當然，曼聯方面就冇安排費格遜同哥迪奧拿正式會面，而曼聯日前都公開宣布話，佢地已經開始考慮費格遜既接班人選，依加黎睇，最有可能接班費格遜既係哥迪奧拿。