哈利列納：文仙尼永遠都唔會達到費格遜既水平！ 精選

近日，QPR既主帥哈利列納就親自撰文係《太陽報》到發表，曼城教練文仙尼永遠都唔會達到費格遜既水平。
曼聯上季就曾經主場被同市對手曼城大炒1比6，又到最後一輪被對手攞走冠軍，雖然係咁，但哈利列納都認為曼聯技高一籌。有費格遜帶領既紅魔，今季一定會一雪前恥，因為費格遜係唔會比同一塊石頭絆倒兩次。
文章入面，哈利列納主要係著重文仙尼同費格遜去比較，而佢就話，文仙尼永遠都唔會去到費格遜既水平，因為費格遜有充足既時間响奧脫褔建立自己既帝國，帶領曼聯不斷獲得榮譽同獎杯。而文仙尼就冇呢啲時間籌劃積累，所以佢都唔可能羸取更多獎杯。
即使文仙尼贏得一時，但都冇可能羸費格遜一世。費格遜係紅魔擁有穩固既地位，文仙尼雖然努力工作，但佢想好似上賽季一樣咁成功，真係有啲難度。所以論埋兩位既成就，文仙尼毫無機會超越到費格遜。依加曼聯之所以咁強大，都係費格遜一手造成，雖然球隊都正在不斷引援，但依加球隊既戰鬥力卻是長時間日積月累形成，並唔似曼城短時間用金錢堆砌而成，所以曼城要長時間保持穩定既好成績係難事。哈利列納最後寫道：“我眼中，曼聯既成功全因為有成功既青訓，碧咸、史高斯、傑斯同尼維利兄弟既成功將會不斷重演，目前黎睇，卡華利同韋碧克就展示出有良好既勢頭，因此，即使曼城雙殺過曼聯，但都唔表示比曼聯強！