里奧想離隊？全為曼聯著想！

傑斯踢到38歲都仲未想退休，但係34歲既里奧費迪南就已經計劃唔再踢波。《衛報》披露，里奧費迪南同佢朋友講話，原本冇諗過退休既佢都開始考慮應唔應該繼續留系曼聯到踢波。

里奧同曼聯既合同明夏就會到期，日前里奧費迪南公開表示，自己將會系一月再考慮同曼聯續約，而《衛報》則宣稱，明夏里奧好大機會離開奧脫褔，同隊友傑斯，史高斯兩位中場球員唔同，因為踢後衛既里奧好清楚，自己跟唔上比賽節奏既腳步係好可以影響成隊波既比賽結果，今個賽季，好多種後防失誤都關里奧事。今季，維迪、史摩寧同鐘斯先後因傷缺陣，所以現時陣中里奧費迪南既位置係相當重要，目前英超已經進行到第12輪比賽中，其中有10場里奧係踢左成場，而總體表現黎講都算唔錯，但里奧知道，真真正正既考驗係聖誕新年快車期間。里奧會唔會離隊？咁就要睇下佢能唔能夠應付１周三場賽事既挑戰喇！而日前費格遜都好希望自己既愛將繼續踢落去：“里奧仲可以踢多2、3年，雖然速度唔再同以前，但對我黎講並唔系啲咩大問題，經驗係好重要，里奧冇理由唔繼續踢。”而里奧系接受曼聯雜誌採訪時講過：“要在乎開快車果時既狀態，然後先再考慮離隊問題，但聽到教練咁講，我肯定會充滿能量。”
其實《衛報》系今年3月已經講過里奧打算離開曼聯，如今《衛報》再話里奧費迪南會好似杜奧巴同安歷卡體驗一下中國既足球，報導指最少一支中超球隊對里奧感興趣，仲話中超肯定會將目前佢既13萬周薪提高到17.5萬或者杜奧巴既19.5萬，但《衛報》就冇透露係邊支中超球隊對里奧有興趣。