曼聯將公佈財政報告,負債有望降到7年最低!! 精選

自從阿布宣布將車路士既債務「清零」，曼城又利用贊助合同消除所有債務後，曼聯响英超負債榜既榜首位置更加顯眼，不過，隨住曼聯即將公佈一季度既財報，英媒預測，今季曼聯既債務有望2005年之後首次低於4億。

自從格拉沙家族响2005年借債5.15億從而用7.9億收購曼聯之後，曼聯既負債金額可以話一直都「有升冇降」，但隨住今夏曼聯系紐約證交所上市並成功籌資6800萬鎊後，曼聯既債務有望系7年之後首次低於4億大關，而上個財政年度，曼聯負債為4.365億，今夏曼聯即將公佈2012/13賽季一季度財報，姐係話7、8同9月既收支報告，其中包括簽下多份贊助合同既收入，其中包括Bwin，東芝、Yanmar（日本洋馬）、富士電視台、桑坦德銀行（挪威）、新生銀行（日本）和美信銀行（美國）。當然啦，曼聯既轉會支出同球員薪水都會有所提升，包括今夏加盟既雲佩斯同香川真司等人，但《電訊報》認為曼聯既負債可以減少到4億鎊以下，但可以肯定，曼聯球迷肯定仍然不滿意咁樣既進度。
與此同時，《電訊報》仲披露，曼聯已經接到亞太區多個夏季踢熱身賽既邀請，包括新南威爾士洲政府以200萬鎊邀請曼聯明夏去悉尼既ANZ球場踢一場熱身賽，而布里斯班、墨爾本、印度同香港都先後邀請左紅魔前往踢夏季熱身賽，不過，曼聯方面仲未作出最反既決定。