「費sir時間」新詞語，受益並不是曼聯!!! 精選

費sir執教曼聯既26年就奪得大大小小都有成37個冠軍，而費sir被都被譽為英國足壇同埋世界足壇最成功既教練之一。不過，費sir既成功並唔係每個人都信服。有一種論調就講，由於費sir威望太大啦，曼聯成日受到裁判既照顧。其中之一，就係曼聯係奧脫福比賽落後既時侯，裁判都鍾意係補時階段俾紅魔額外既補時，呢段時間都被人話“費sir時間”。


曼聯主場2-3負輸左俾熱刺之後，費sir就係賽後公開批評裁判果埸補時時間唔夠，“呢埸比賽有缺陷，裁判唔應該負責補時，裁判補時左4分鐘，呢個係一種侮辱，係荒謬，咁斷送左你贏呢埸比賽既機會。佢地既門將肯定已經浪費左2分鐘，佢地每次都用左好長時間開龍門球，所有人都睇到架。”費sir此話一說出呀，又勾起左對“費sir時間”的既爭論。


如果話曼聯係比賽到會得到額外既補時，咁樣，補時對於紅魔既成績有幾大既影響呢？一項技術統計顯示就話啦，從英超1992-1993賽季創建以來到2011-2012賽季結束，曼聯係補時階段入既波總共有76球，係所有英超球隊中排係第3，排名榜首既係阿仙奴同埋車路士，都有82球。

咁講呀，曼聯係補時階段受益既程度細過阿仙奴同車路士。所謂既“費sir時間”多少有D垃圾時間既味道。從1992-1993賽季到今個賽季11輪過後，曼聯總共係英超入左1570球，失左676球，攞到1690分，可以話，曼聯能夠係英超時代長久不衰，靠既係費sir既英明指揮，靠既都係球隊既絕對實力。