[賽前分析]利物浦 vs 曼聯 精選

曼聯近幾場聯賽開始發威，但係面對宿敵利物浦，又能唔能夠展現魔性，响晏菲路球場到全取三分?

[英超第5輪](主)利物浦 vs 曼聯(客)
日期:9月23
時間:20:30
地點:晏菲路球場

自2007年後，曼聯就一值都未响利物浦主場贏過波，近5個主場賽事當中，有4勝1平既好成績，雖然開局並唔係好順利，但係利物浦每次主場對曼聯都會有出色既表現，如果曼聯唔想又失分既話，條防線真係要打醒十二分精神!
曼聯兩前鋒有阻嚇能力，維迪戰鳥常食紅
靴南迪斯近２次作客利物浦都有波入，費SIR又會唔會用佢黎嚇下利物浦!?令外值得一提係，今季加盟冇耐既雲佩斯响阿仙奴果時5次面對紅軍入過4球，計費SIR証實朗尼不會在今場賽事復出之後，毫無意外繼續由雲佩斯正選上陣。令外，曼聯隊長維迪响英超生涯只係攞過紅牌只有4次，有3都係對利物浦果時攞，希望今次唔會再出現係佢身上!

艾夫拿正選成疑
艾夫拿必然是今場其中一個焦點,事關雙方球迷都想知道佢同蘇亞雷斯會唔會握手了事，但係如果艾夫拿真係正選上陣既話，我諗佢地兩位都會進行握手，因為早前利物浦CEO講到明要求蘇亞雷斯唔好响咁特別既日子壞事。但係如果咁諗既話，費格遜照樣可以唔出艾夫拿，因為費SIR都唔想自己弟子成為今場既焦點，令佢增加壓力，加上艾夫拿今季實力開始下滑，左閘位置愈黎愈弱，而費SIR今場又會唔會選用精力旺盛既畢特拿!?
大家欣賞番最上一次雙紅會既全場精華,當時曼聯主場贏2:1
http://www.youtube.com/watch?v=5LxWJxUvAbI
昔日的對決:
http://www.youtube.com/watch?v=DmDA6A-qVP0