雙紅對決艾夫拿或被冷藏,主力位置不保!!

週末紅魔作客大戰利記,好多人既焦點都會放係艾夫拿同蘇亞雷斯兩位會唔會握手,但係《每日郵報》就話費sir唔會使用艾夫拿,費事又引起爭議,而代佢既會係邊個!?當然係第一次首發上陣就有波入既畢特拿啦!
點解費sir會棄用佢?
‧歐聯場波艾夫拿踢得好差,左路既位置真係可以話任爆唔嬲,論速度艾夫拿真係輸人成條街,如果想保住自己正選位既話,我諗佢真係要俾多兩錢肉緊先得啦!!
‧當日對於利物浦黎講具有特別意義,費sir唔想因為艾夫拿响果日又成為焦點,所以逼不得已才選擇畢特拿


由昔日既最佳左閘變成現時既計時炸彈!?
艾夫拿只係用左550萬英鎊既轉會費就加盟曼聯,當時好多人都覺得佢唔會有較多既正選上陣,但只係一個賽季,艾夫拿就表現得像一位世界級後衛,就連紅魔鬼既正選左閘必然屬於佢。但係艾夫拿响上季差唔多每場都要踢足90分鐘,所以狀態開始下滑,不久可能更被畢特拿搶走正選位置,到底邊個搞成佢咁樣!?係因為曼聯太依賴佢,定係其他原因...?