朗尼希望未來十年都留係曼聯 精選

朗尼响英超已經踢左十年喇,係呢十年入面,佢攞過好多唔同既冠軍,結識到好多好球員,犯過好多太離譜既錯,咁偉大既經歷,朗尼自己又點睇?

响英超呢十年入面,我認為自己非常幸運,因為可以係自己鍾意既球隊出道,然後再加盟曼聯,效力曼聯已經八年有多,我係到非常成功,嬴過好多唔同既冠軍,夢寐以求既歐冠都攞到,而且近幾年,我既入球愈黎愈多,我希望未來十年,可以繼續留响奧脫褔,我見到傑斯同史高斯咁樣既年齡都可以响咁高水平既聯賽入面比賽,我希望自己都做到
兩年前,我認為自己犯左個大錯,我唔應該講出依d咁既說話,如果當時我真係離左隊既話,'成功'依兩隻字一定唔會係我身上發生,但係無論點樣,費爵爺同主席都會比機會我,繼續信任我。果陣時開始,我就只係一心為球隊,為球迷,我要更多更多入球,唔想再令大家失望!
當知道曼城奪冠既時候,我感覺非常可怕,但返入更衣室時,我只係感覺到隊友既決心,我地今季誓要團結一致咁搶番個冠軍,我地必須忘記呢件事,一步一步前往我地既冠軍之路!我認為,曼聯主要隊手都會係曼城&車路士,車仔係一支好有經驗既球隊,要對佢真係一d都唔容易,如果利物浦爭番上黎既話,我唔會覺得驚訝,佢地有一名好教練,只不過係開局唔係幾好,我深信佢地一定會東山再起!
曼聯入面,前進線我遇過好多好球員,沙夏,c朗,依加更出現雲佩斯。雲佩斯係一個好有經驗既球員,上季佢入到咁多波已經顯示到自己既實力,佢改變左自己既打法爭取更多既入球,依加我都會改變自己既打法,上年我要係小豆,韋碧克既後面支援佢地,今年我地買入香川真司,前鋒線既打法一定會變的,點都好,只要信任我地既好教練就得
現時我既傷口恢復得不錯,老實講,我已經係好好彩,因為傷口距離我既主動脈就只要一毫米,目前感覺良好,大約四星期會好番,依加要做既係好好咁治療傷口,我唔想因為太早復出搞到傷口復發,到時傷多四星期就大獲喇,我依加只想個傷口快d好番,之後出返球場與雲佩斯建立默契!