PSG搶購曼聯副隊長,費sir認定上年失聯賽關鍵既罪魁禍首係佢!!!

曼聯聯盟 於 07/12/2012 發表 收藏文章
97年艾夫拿曾經係家鄉球隊PSG既訓練營訓練過,但未能捉緊果次機會留隊,後來佢去意大利先開始踢職業比賽。據悉艾夫拿本人希望重返PSG,落葉歸根。 PSG冬季要求買三個人,包括一個左後衛,如果艾夫拿加盟,佢將攞到比曼聯9萬週薪更高既人工。如果求購艾夫拿失敗,PSG可能轉向效力曼城既另一名法國左後衛基治。


 2010年艾夫拿先同曼聯續約,佢宜家既合同仲有2年,考慮到曼聯左後衛暫時無一個合格既後備人選,PSG既報價必須足夠誘人先可以打動費sir,他佢一直係到找緊一個左後衛接班艾夫拿。法比奧太玻璃,今個賽季被租借到QPR,400萬既畢特拿宜家都係唔夠班,難堪大任。


 31歲既艾夫拿狀態下滑嚴重,賽季初多次出現低級失誤俾人入波,費sir認定上個賽季主場4-4被愛華頓逼和係失聯賽冠軍既關鍵原因,而艾夫拿兩次俾對方右後衛東尼輕鬆傳中導致兩個失波,係罪魁禍首。如果價錢合適,費sir會樂意放人。


 費sir最欣賞的既左後衛人選係愛華頓既拜恩斯,夏天曼聯懋買佢但無功而返,如果艾夫拿離隊,費sir勢必強攻。拜恩斯係英超傳威脅球最多既球員,身為一名左後衛但係係愛華頓進攻既源泉,難能可貴。今年一月曼聯曾經將愛爾蘭中場吉遜賣左俾愛華頓,但費sir同愛華頓主席既關係好差。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→