雲佩斯正式加盟曼聯 精選

by:曼聯聯盟
曼聯官方網站正式宣佈上季英超神射手-雲佩斯正式加盟曼聯...

曼聯大約用左2400萬鎊收購,只要搞掂埋個人條款同體測,應該會同曼聯簽下四年約。

由最初話唔同阿仙奴續約,直到曼聯擊敗曼城同祖雲達斯取得他,相信費sir應該係最開心果個,,但係又有好多人認為,買左佢曼聯未免太多前鋒,韋碧克,貝碧托夫,小豆,三位都有資格爭正選位置,加埋雲佩斯,想打正選就一定表現非常出色喇,到左依加,雲佩斯加盟曼聯已經係事實,我地作為球迷應該信任費sir,因為費sir買佢一定有佢自己既想法!為雲佩斯打氣!
朗尼+雲佩斯,曼聯日後又會打咩陣呢!?
http://www.youtube.com/watch?v=zaK4_aRk0vE但係雲佩斯入左黎既話,貝碧/小豆會唔會走人呢,韋碧克最近就同曼聯簽左五年約,依個又係一個疑問...
之前傳佢都會入黎,我諗依加唔會了...
前鋒多左個喇,但係我諗球迷最關注既都係左閘同防中...
-自從法比奧被外借,曼聯依加得番艾夫拿e個左閘,唔通費sir真係想艾夫拿打足38場!?
-上季曼聯中場實力大家有眼睇,攻擊型中場就買左香川真司,但係防中呢?費查!?