[賽前資訊]（主）曼聯 vs 昆士柏流浪（客）

[英格蘭足球超級聯賽]（主）曼聯 vs 昆士柏流浪（客）
日期：24/11/2012
時間：23:00
地點：奧脫褔球場



曼聯上輪爆冷作客0比1輸比諾域治，聯賽5連勝更加被打破，就連榜首位置都要讓埋比曼城，好彩星期日曼城作客挑戰車仔，求既係對隊失分，但只有曼聯今場贏左，至少都會做一日一哥。

琴日係曼聯大好日子，更加係費格遜既大好日子，原因紅魔鬼為左紀念依位老人家，將奧脫褔既「亞歷斯．費格遜」入口處豎立左一座費格遜銅像，而時隔一日就系返主場迎接QPR，當然紅魔鬼們會用一場勝仗黎到慶祝費SIR啦！

鐘斯上場系歐聯復出，一出返黎就踢足90分鐘，今場首發陣容有望見番佢。而迪基亞，伊雲斯同朗尼都有望復出，而對諾域治一戰黎睇，朗尼係球隊進攻線上非常重要。而「小豆」同韋碧克就唔係幾睇好會踢正選，原因係上場歐聯難得兩位都有正選機會，但韋碧克就連一腳射門次數都冇，「小豆」就有兩次正選上陣機會，但都冇波入，好似一定要用後備身份入波。
昆士柏流浪係今季唯一一支英超仲未勝利既球隊，加上賽前曉士被炒，要贏曼聯真係有啲難度架！相反大家想睇到既星仔有機會復出，星仔傷左已有3周，為左點都要返一返黎探下舊隊友同祝下費格遜，早就爭取時間做啲恢復訓練，而法比奧就有條約唔可以出戰曼聯！

兩隊至今一共交手過12次，曼聯成績好啲，以10勝2和佔據上風。