若曼聯失去歐聯資格,莫耶斯必定下課,曼聯已鎖定接任人選!

曼聯聯盟 於 19/02/2014 發表 收藏文章
2月19日,來自英國媒體《洞察越位》既獨家消息,如果莫耶斯今個賽季未能率領曼聯獲得英超前四,失去參加下賽季歐聯聯賽既資格,咁曼聯將係賽季結束後將其解僱,並聘請多蒙特主帥高普擔任球隊新帥。
 
雖然貴為英超衛冕冠軍,但係去年夏天換帥之後,曼聯今個賽季既表現令人大跌眼鏡,英超26輪戰罷僅積42分排名第7,距離第4名利物浦既積分差距已達11分,對陣豪門球隊更係難求一勝,完全無英超頭號霸主既實力同氣質。
曼聯戰績如此糟糕,主帥莫耶斯難辭其咎,佢既執教能力得到左媒體同球迷既一致質疑同聲討,帥位處於搖搖欲墜之中。明面上,曼聯仲係到力挺莫耶斯,但實際上紅魔高層既耐性已經逐漸耗盡。據《洞察越位》消息,曼聯方面已經俾莫耶斯落左最後通牒:如果今個賽季曼聯未能殺入前四,無緣下賽季既歐聯賽場,咁原本既6年合同將成為一張廢紙,佢既帥位將立刻不保。
以目前曼聯既狀態,想要抹平同利物浦超過10分既巨大分差,難度非常之大,所以球隊好有可能缺席下賽季歐冠,莫耶斯既喪鐘實際上已經敲響。曼聯都做好左換帥既準備,佢地將下任主帥既人選鎖定左係多蒙特主教練既高普身上。
作為歐洲足壇既新生代教練代表,高普率領多蒙特取得左非凡成績,奪得2個德甲冠軍同1個歐聯亞軍。不過係執教多特長達6年之後,拜仁一家獨大德甲既局面令高普想要尋求新既挑戰,而英超正係佢個人非常中意既聯賽。
據悉,格沙拉家族認為呢位46歲既少帥執教能力、性格魅力以及善於調教年輕球員既特點都非常適合曼聯,並有信心將佢從多蒙特帶到曼聯。一旦曼聯係未來幾週既比賽到繼續低迷,“挖角高普”既行動就將迅速展開。

如果喜歡我們的文章,請即分享到︰

留言


請按此登錄後留言。未成為會員? 立即註冊
  • Isaac Pang 於 19/02/2014 評論 NO. 1

    咁我寧願曼聯跌出前四
    高普勁好多又可以改變曼聯踢法唔洗斬斬斬

  • 嘉晴何 於 20/02/2014 評論 NO. 2

    洞察越位5洗理

  • 阿仙奴10號 於 20/02/2014 評論 NO. 3

    一日費sir係曼記高層,莫耶C都係到。

  • 李柏夕 於 20/02/2014 評論 NO. 4

    嚟緊歐聯同聯賽Hea打啦喂

快捷鍵:←
快捷鍵:→