死性不改!曼聯繼續追費比加斯進行第三次報價3200萬鎊 精選

上星期費比加斯公開表態留守魯營,曼聯買呢名前阿仙奴隊長既希望睇黎已經完全破滅...不過,星期四出版既《郵報》就披露,如果費比加斯系新賽季頭幾場比賽無正選位置,曼聯將會對費比加斯進行最後既攻勢!

莫耶斯已經明確表態,曼聯今夏會收購一個強力中場,系收購堤亞高失敗後,莫耶斯就將注意力放系費比加斯身上,曼聯都先後報價2600萬同3100萬鎊買呢名前阿仙奴隊長,但都被巴塞拒絕...等到上星期費比加斯召開新聞發布會公開表態會留守巴塞之後,曼聯方面不得不尊重佢既決定.....

不過,費比加斯肯留守巴塞並希望能夠盡快接班沙維同恩尼斯達成為中場核心,如果呢個願望遲遲都未實現,曼聯方面認為,呢個就係挖費比加斯過黎既最好時機... 《郵報》披露,曼聯仍然繼續睇實費比加斯既情況,如果費比加斯無得踢正選,曼聯考慮第三次報價3200萬鎊黎求購呢名西班牙中場....
因為受傷,費比加斯無法參加本星期巴塞對利雲特既西甲揭幕戰,不過,費比加斯就能及時康復參加下星期三同馬體會既超級杯,而系9月2日轉會窗口關閉前,西甲仲要再踢多兩輪,新主帥馬天奴會唔會重用費比加斯到時就會知道,而如果費比加斯到時對自己既出場時間不滿,曼聯就會捲土重來利用正選位置黎引誘費比加斯轉投紅魔...

By Anthony