林柏特續約不成,下站好可能係曼聯!?

曼聯聯盟 於 08/01/2013 發表 收藏文章
林柏特下一站去邊最近就成熱話,而今日《太陽報》又出版表示:曼聯下定決心收購林柏特,而林柏特亦都願意成魔!
林柏特依加既合同去到今季結束就會到期。雖然林柏特响車路士功勞甚大,但係老闆阿巴就好似當正佢係眼中釘,要佢非走不可。《太陽報》講出原因係話上季阿巴高薪請黎既保亞斯同林柏特、泰利等老臣子唔多配合到,最後要搞到解約,令阿巴耿耿於懷,再加上車路士需要更新換代,令阿巴堅決要清洗林柏特。

近期林柏特表現非常出色,對愛華頓時就包辦兩個入球幫球隊反勝,足總盃大勝修咸頓都有波入。表現咁出色,車迷都好希望阿巴同佢續約,將佢留低。
不過阿巴始終都要決心清走林柏特,而林柏特既經理人都已經認命。如果林柏特離開,咁夏天佢會去邊呢?《太陽報》稱,曼聯好希望收購到佢,曼聯領隊費格遜表示34歲既林柏特其實仲可以响大賽上陣。史高斯同傑斯仍然可以係大賽發揮出色,自然林柏特都有可能。

據了解,費格遜其實欣賞林柏特多年,林柏特加盟車路士之前,曼聯都曾經出過手。不過曼聯唔會一月購入佢,因為曼聯希望夏天以0身價將佢攞到手。

費格遜不嬲都有30歲以上球員一年一合同既傳統,對林柏特都唔例外,但係紅魔會做出承諾,只要林柏特表現出色就會再續約。只不過呢啲「缺乏保障」既合同模式,林柏特本人願唔願意。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→