曼聯7號球衣新主人成謎,有傳莫耶斯想將7號留比C朗。

曼聯聯盟 於 12/08/2013 發表 收藏文章
對於曼聯而言,7號係個相當具有傳奇色彩既號碼。簡東拿、碧咸、C朗等傳奇巨星效力曼聯時都曾經著過。上賽季,華倫西亞穿上7號球衣,但表現卻變得相當糟糕。今季中,華倫西亞就重新將球衣號碼換番自己曾經著過既25號。曼聯既7號球衣亦都咁冇左主人。英格蘭《每日郵報》明確指出,莫耶斯想將依個號碼留比C朗!
曼聯希望C朗重返奧脫褔球場,依個早就已經唔係秘密。今年夏天,曼聯仲曾經喺新加坡派代表接觸過C朗及其經紀人。 C朗同皇馬既合同將會喺2015年夏天到期,迄今為止佢仲未同皇馬完成續約。據《國家報》名記托利斯透露,曼聯當時建議C朗喺2015年夏天自由轉會重返奧脫褔,屆時曼聯會為佢送上5000萬歐元既簽字費,佢既稅後年薪亦唔會低過1700萬歐元。當時C朗表態會考慮曼聯既報價,而會於兩個月內做出決定。
但從目前情況黎睇,C朗似乎更傾向於留喺皇馬。 《馬卡報》不久前曾宣稱,C朗將會同皇馬續約到2018年,稅後年薪將上漲到1700萬歐元。

曼聯想再次得到C朗,只靠一件7號球衣打感情牌可無濟於事。一旦C朗同皇馬完成續約,曼聯將無法喺2015年等待佢自由轉會。想要得到C朗,曼聯只係得番同皇馬談判依條路可走。費倫天奴早就講過,任何想收購C朗既球會,都必須為佢準備好十億歐元違約金。對於曼聯而言,十億歐元係一個不可想像既天文數字。

如果喜歡我們的文章,請即分享到︰

留言


請按此登錄後留言。未成為會員? 立即註冊
  • Yiu Lung 於 12/08/2013 評論 NO. 1

    曼聯7號留比巴爾

  • fenom207 於 15/08/2013 評論 NO. 2

    10億歐元毀約金?
    咪=球皇4倍@@

快捷鍵:←
快捷鍵:→