曼聯英超競爭對手 (一) ── 利物浦 精選

大家好, 呢個系列想講下曼聯同幾隊英超競爭球隊之間既關係, 繼而再講下點解會咁大仇口。

先至聲明, 呢篇文章跟據事實及歷史所寫, 絕對無意貶低任何球隊。但以下內容可能不夠完全完整,請大家見諒

我相信問咁多曼聯球迷覺得邊隊英超球隊同曼聯競爭得最激烈都只會得出一個答案:利物浦, 所以呢個系列第一篇先講利物浦。

• 我地由歷史講起: 曼徹斯特係一個工業城市而利物浦係一個港口城市, 原本一直互惠互利。直至曼徹斯特市有人興建一條由海邊直通曼市既運河之後, 利物浦市出動船隊堵塞運河出入口, 兩個城市關係就開始交惡了。
  曼徹斯特市舊照
  
  按此觀看圖片
  
  利物浦市舊照
  
  按此觀看圖片
  
  有左呢個歷史背景, 利物浦同曼聯好自然就容易競爭得好激烈。利物浦由70年代中期至90年代初期主宰英國足球, 期間佢地一共取得11個聯賽冠軍同4個歐洲盃;而 曼聯就由90年代中期至費格遜退休主宰英國足球, 一共取得13個聯賽冠軍同2個歐洲盃。

• 曼聯同利物浦都係英格蘭入最成功既球隊。
  -兩隊合共取得121項冠軍, 利物浦有59個而曼聯有62個。
  另外有個有趣既研究指出為左增加傳媒體收益同防止兩隊球迷因醉酒而鬧事, 兩隊對賽多數會安排係中午或午餐時間進行。

• 至於兩隊對賽成績曼聯稍稍佔優。
  -兩隊對賽合共190場, 其中曼聯贏75次, 利物浦贏64次, 和51次。
  雖然係咁, 最大入球差卻由利物浦做出, 係1895年以7:1贏左當時仲叫緊Newton Heath既曼聯!!

• 曼聯同利物浦之間既競爭同隔膜延伸至球員, 最好既例子: 加利. 尼維利同謝拉特。
  
  按此觀看圖片
  
  -曼聯同利物浦既導火線普遍認為係朗尼加盟曼聯之後向傳媒表示佢有幾憎利物浦, 跟住謝老四帶左隊電影攝製隊去佢屋企拍攝一個特別節目指自己其實好鍾意賽後同對面球員交換球衣但佢特別指出屋企無一件而將來亦唔會有一件曼聯球衣。加利仔之後公開表示佢自己好憎謝拉特再加上奧沙當時係晏菲路球場補時階段入左一球協助曼聯取勝後向利物浦球迷大叫, 咁亦令利物浦球迷好憎恨加利仔。
  其實兩人關係係加利佬退休後大幅改善。雙方都係對方既世界最佳十一人入面。

• 既然講得球員點可以唔講艾夫拿同蘇亞雷斯呢?
  
  按此觀看圖片
  
  -事關11-12年球季, 利物浦同曼聯比賽期間, 蘇亞雷斯稱呼艾夫拿做”Negrito”(中文意思係黑鬼)。事後有人向英超紀律委員會投訴有人種族歧視艾夫拿, 翻睇比賽影帶後委員會認定蘇亞雷斯前後7次稱呼艾夫拿做”Negrito”。蘇亞雷斯辯稱佢只講左1次”Negrito”同否認有種族歧視艾夫拿, 但紀律委員會仍然將佢禁賽8場。之後係12年2月利物浦作客曼聯, 賽前握手艾夫拿伸手打算同蘇亞雷斯握手冰釋前嫌, 但蘇亞雷斯無視艾夫拿隻手行過就算, 韋碧克同里奧. 費迪南見到咁既情況後拒絕同蘇亞雷斯握手而里奧更大動作地將蘇亞雷斯隻手撥開。賽後費sir指責蘇亞雷斯係足球界既恥辱而杜格利殊就指蘇亞雷斯只係咁岩睇唔到艾夫拿隻手, 唔係有心唔握手。之後一日, 蘇亞雷斯、杜格利殊同利物浦更因為握手事件發出道歉聲明。

• 講完球員一定要講埋球迷啦!
  兩隊球迷經常用「希斯堡慘劇」* 同「慕尼黑空難」** 去諷刺對方。
  希斯堡慘劇現場
  
  按此觀看圖片
  
  *合共死左96人。最後一名死者經過4年既植物人奮鬥後, 佢屋企人決定終止治療。
  
  慕尼黑空難現場
  
  按此觀看圖片
  
  **當年球員生還者到而家只得返前鋒卜比‧查爾頓同龍門哈利‧賀治。

圖中右邊為哈利‧賀治。

• 費sir接任曼聯領隊第2日就講有一日曼聯會超越利物浦, 而利迷反擊指曼聯永遠無可能贏冠軍多過利物浦。
  
  按此觀看圖片
  

1. 自1964年起至現在, 曼聯同利物浦兩隊球員之間都無直接轉會。

2. 1996年既足總盃決賽, 曼聯小勝利物浦1:0。曼聯球員行上觀眾席頒獎台領獎期間, 簡東拿同一名利物浦球迷發生口角被人分隔開後呢名利物浦球迷更向費sir投擲一個拳套。

3. 1997年足總盃四強, 利物浦球迷於利物浦係奧脫福對賽車路士完場後破壞球場設施, 更寫上歌頌當時連環殺死250人殺人犯既字句。

4. 90年代尾利物浦球迷係晏菲路球場被足總禁止接近作客球員入口一段短時間, 事件起因係有利物浦球迷向費sir投擲雞蛋。

5. 2011年一場由利物浦青年隊對曼聯青年隊既青年足總盃賽事當中, 有曼聯球迷唱歌諷刺”希斯堡慘劇”引致雙方球員發生爭執。經足總調查後, 共有6名曼聯球迷被終生禁止進入晏菲路球場。

就係因為呢一連串事件令曼聯, 曼聯球迷同利物浦, 利物浦球迷都對對方恨之入骨。


希望呢篇文可以令唔明白既人知道點解曼聯同利物浦之間有咁大仇口。


多謝大家!!!!


By 主編:Brian Y. & 編輯:Anthony