曼聯欲與車路士爭奪皇馬中場球星 精選

據《每日鏡報》報導，莫迪歷將會係曼聯新任領隊莫耶斯夏季轉會中主要目標。據悉莫耶斯已經謹慎詢問左依位皇馬球星離隊既可能性，而佢既身價會係2400萬英鎊左右。
但咁樣可能會打亂摩連奴既計劃，因為有傳即將入主車路士既佢曾表示希望帶住莫迪歷一齊去史丹福橋球場，英媒3月初曾報導過此事。

莫耶斯渴望喺7月1日轉會窗打開之後以2400萬英鎊搶購前熱刺球星莫迪歷。莫耶斯非常喜歡莫迪歷，而佢曾經都係費格遜既目標。費格遜認為熱刺過高既要價係轉會最大障礙，所以最終都放棄左依筆交易。但曼聯再次喺依位27歲既球星身上望見希望，因為今夏隨著摩連奴既離開，皇馬必定會發生巨大變化。
莫迪歷1年前離開熱刺，以3300萬英鎊轉會到皇馬，但今季摩連奴更喜歡選擇沙比阿朗素首發。莫迪歷喺歐聯16強對曼聯既次回合比賽中發揮出色，蘭尼被罰後佢就替補登場，並且攻入重要既一球，幫助皇馬2比1帶走勝利。

其實莫迪歷仍然係摩連奴心目中既關鍵球員，但如果皇馬允許莫迪歷離隊，莫耶斯就希望喺依次交易中占得先機。