曼聯教練組一個不留,菲臘尼維利隨三名愛華頓教練組成員入魔!

曼聯聯盟 於 28/05/2013 發表 收藏文章
《衛報》消息指,曾經效力過曼聯既菲臘尼維利即將重返奧脫褔,但依一次有啲唔同,佢係將會以助理教練既身份回歸。
喺費格遜大力舉薦之下,莫耶斯成為曼聯新賽季既領隊。過去依一段時間,莫耶斯一直都考慮組閣既問題。目前既國際慣例係,新領隊往往都會將自己既原班人馬帶到去新東家,而今次莫耶斯都會咁樣做。
對於費格遜既教練組,莫耶斯一個都唔會留。助理教練費蘭、一線隊教練梅倫史甸、守門員教練艾歷史迪尼以及首席球探馬田費格遜,無一個可以例外。

按照《衛報》既最新說法,莫耶斯已經謀劃好全新既「四人幫」。而佢既教練組成員中,最引人關注既莫過於菲臘尼維利。雖然職業成就難比哥哥,但菲臘尼維利始終終都係曼聯92黃金一代成員。而佢都為曼聯出場接近400次,然後於2005年轉會到愛華頓。去到愛華頓佢都能夠取得成功,成為隊中之長。

36歲既菲臘尼維利今個賽季結束之後就挂靴,佢本身係希望接替莫耶斯成為愛華頓新領隊。但因為毫無執教經驗,所以呢個願望難度非常大,所以佢將會由助教做起。 《衛報》稱,菲臘尼維利將會頂任梅倫史甸,成為曼聯新既一線隊教練。
另外,從2008年開始一直擔任愛華頓助教既史提夫隆特(Steve Round)將會接替費蘭,而基士活士(Chris Woods)將取代艾歷史迪尼成為曼聯新既守門員教練;喺愛華頓做首席球探既羅比曲基(Robbie Cooke),自然替代既係是馬田費格遜。

留言


請按此登錄後留言。未成為會員? 立即註冊
    快捷鍵:←
    快捷鍵:→