曼聯或2700萬欲羅致費倫天拿前鋒，經紀人到達倫敦！ 精選

在以2000萬歐元簽下德國鋒霸高美斯之後，費倫天拿不再強留佢地既鎮隊之寶祖維迪。 7月11日，英國各大媒體紛紛指出，「黑山美斯」引爆左曼徹斯特既爭購戰，曼聯強勢介入左祖維迪既收購當中。不過，由於曼城搶占先機，曼聯好可能會喺依場搶人戰中失敗。
青春洋溢既祖維迪近年黎喺意甲表現突出，英超不少豪門都有關注佢既一舉一動。除左曼聯曼城，車路士同阿仙奴都係佢既追求者。依個夏天，意甲冠軍祖雲達斯一直都想辦法籌錢收購祖維迪，但遲遲未能取得進展。而喺今個星期初，曼城都加入爭奪。
曼聯雖然喺轉會市場上並無啲咩收穫，但莫耶斯強調，「球隊正係度鑼密鼓收購世界上最優秀既球員。」《太陽報》指出，曼聯決心同曼城爭奪祖維迪。喺錯失了利雲度斯基之後，莫耶斯將祖維迪視為頭號目標。
23歲既祖維迪，合同中有2700萬英鎊既違約金條款，曼市雙雄都準備全額支付依個費用，將祖維迪買斷。費倫天拿已經開出綠燈，允許祖維迪同其他球會接洽。今個星期，佢同經紀人已經黎到倫敦。