曼聯再打算簽入阿仙奴隊長！ 精選

係哥斯爾尼同梅迪薩卡成為阿仙奴主力中堅後，有關華美倫既去向係近期英媒炒作的重點。 《鏡報》披露，除左巴塞有興趣引進呢名比利時球星外，曼聯都對呢名阿仙奴隊長好感興趣！
 《鏡報》指出，自從3月份對熱刺既比賽後，華美倫就淪為左阿仙奴既後備，而且更重要既係，當時佢仲係阿仙奴既隊長。而數據都顯示，華美倫不在場時阿仙奴既成績更好一場均失球係0.33:1.17，場均攞分係2.11:1.86，而係哥斯爾尼同梅迪薩卡成為主力中堅搭檔後，阿仙奴係最後10輪取得8勝2和驕人戰績。
《鏡報》指出，華美倫和舊年雲佩斯既情況並唔完全相同，當時雲佩斯係阿仙奴絕對主力同領袖，阿仙奴並不願意賣走佢，但現在既華美倫已經淪為阿仙奴邊緣球員。據悉，溫格已經準備聽取其他球會既報價，而為左明年既世界杯，27歲華美倫都希望自己能夠每週都上場以保持良好狀態。
該報都披露，其實華美倫更想繼續留係阿仙奴或者留係倫敦，畢竟佢既家人已經係呢到安定左，而且佢既合同要到2016年先到期，但宜家佢係阿仙奴未來非常唔確定，遠有巴塞對佢虎視眈眈，近有曼聯伸出橄欖枝，華美倫既呢個夏天恐會非常心神不寧。曼聯方面雖然都有唔少中堅，有老將里奧、維迪，仲有伊雲斯、史犘寧同鍾斯三名小將，但史摩寧岩岩做左手術，鍾斯都有改打防中既傾向，加上里奧好有可能仲有一年就退役，華美倫加盟紅魔都不愁無出場機會。