曼聯三顧草廬不成,巴塞高層證實紅魔放棄收購法比仔!

曼聯聯盟 於 05/08/2013 發表 收藏文章
今年夏天,曼聯收購法比加斯已經瘋傳左好幾星期。而至今為止,曼聯已經為佢報價過三次,分別係2000萬英鎊、3000萬英鎊同3500萬英鎊。但曼聯既三次報價中,都被巴塞通通拒絕。曼聯會唔會進行第四次既報價?答案係唔會,因為據巴塞體育主管蘇比沙列特透露,曼聯已經放棄收購法比加斯既念頭。

蘇比沙列特表示:「我地需要法比加斯,而且我地都對佢既表現感到非常滿意。曼聯同我講過,佢地已經明白我地既立場,佢地亦唔會再嘗試簽入法比加斯。法比加斯同我地都非常尊重合同,其他一切都只不過係流言蜚語。」
另外阿仙奴領隊雲加向來都被法比加斯視為「第二個父親」,教授亦都確認法比仔會留喺巴塞隆拿:「就我得到既消息黎睇,法比加斯會繼續留喺巴塞至少一年。」就蘇比沙列特同雲加依兩番說話,意味住法比加斯今夏係唔會離開巴塞隆拿。

曼聯今夏先傳出係苦追堤亞高,但堤亞高最終既選擇係拜仁。然而曼聯有希望收購法比仔既念頭,但法比加斯最終都唔願意離開巴塞。接下來曼聯既引援對象可能會係舒韋恩史迪加,但拜仁放走依位中場核心既可能性近乎為零。

留言


請按此登錄後留言。未成為會員? 立即註冊
  • @michael@ 於 05/08/2013 評論 NO. 1

    其實中埸線人腳係有,點解唔試下比新人上位?汲取經驗,長遠發展!而家係更新代,戰績唔太差,球迷都會接受!

快捷鍵:←
快捷鍵:→