巴塞用兩名球員+400萬就可以買朗尼！？ 精選

7月8日最新既《每日體育報》表示，引入朗尼並非係巴塞真正既想法。曼聯已經同巴塞傳達左願意談判朗尼轉會既意願，依加只係睇巴塞會唔會出手。另外巴塞高層依加正喺到等緊堤亞高轉會一事既結果，當堤亞高離開巴塞已成定局既話，巴塞就希望從曼聯身上攞得更多轉會費。
喺新賽季仲有一個星期就要開始既時候，維蘭路華仍然未全面確定球隊既陣容，不過佢對於球會既引援同清洗行動係一清二楚的。喺引進尼馬之後，巴塞依加主要任務係引入一名中堅，不過突然之間，朗尼既名字出現喺巴塞高層既視野中。而且，原本係唔可能既轉會，依加竟變成可行既計劃。
喺清楚引進朗尼完全有可能之後，巴塞主席開始考慮用韋拿同堤亞高交換朗尼，目的係降低現金既支出，而曼聯方面都開始考慮巴塞提出既方案。巴塞高層好清楚，唔單單只係巴塞球迷支持球隊引進朗尼，巴塞球員都非常歡迎朗尼既到來，美斯等球員都曾對朗尼讚不絕口。巴薩主席羅塞爾則表示：「朗尼會令人諗起史岱哲哥夫。」
從經濟方面考慮，引入朗尼係合算既。按照《每日體育報》既算法，巴塞引入朗尼只要400萬歐元，咁既話就可以咁算出：朗尼既身價係3000萬歐元，減左堤亞高既1800萬歐元轉會費、韋拿既800萬歐元轉會費，所以巴塞實際支出只需要400萬歐元。當然，400萬歐元就可以搞掂朗尼依啲大牌球員，對巴塞黎講目前仲停留喺夢幻般既設想階段。