傳曼聯希望碧咸回歸！ 精選

據曼徹斯特晚報消息指，曾效力過曼聯既碧咸宣布今季結束後退休，因此曼聯希望將依位中場球員重新帶到奧脫褔球場。

其實碧咸同曼聯一直保持住緊密既聯繫，儘管佢之前離開曼聯效力過皇馬、AC米蘭、洛杉磯銀河以及巴黎聖日耳門多間豪門。

曼聯老闆格拉沙家族知道碧咸系洛杉磯銀河隊效力既5年半時間內非常受到當地人歡迎，佢既人氣系遠東都相當旺盛。
碧咸系去年既倫敦奧運會中扮演左重要角色，同時佢之前都曾經幫助過英格蘭申辦2018年既世界盃。如果曼聯想要擴展全球市場的話，碧咸將會係一位好有影響力既人物，就好卜比SIR士以及碧根鮑華一樣，佢地都係權威既存在。
碧咸系去年11月透露希望自己成為曼聯既榮譽大使，佢話：「我好希望成為曼聯既榮譽大使，亦都好希望可以發生。曼聯係一間歷史悠久既球會，其它球會可能係用大量既金錢先收購得到球員，但當曼聯想收購人時，球員們係難以拒絕的。就好似雲佩斯咁既球員系阿仙奴效力左咁長時間，但當曼聯對佢有意時，佢都好難說不，無論其他球會花幾多金錢都顯得無關緊要。」碧咸可能會好似其他傳奇球星一樣成為球會既形像大使，例如卜比查爾頓、笠臣、舒米高同加利佬等人。而曼聯主帥費格遜都會系今季退休之後擔任球會大使。