[個人感想]朗尼返到中埸令曼聯中埸變得更加強大?! 精選

係周中歐聯成功試驗之後，費sir本係今場既中場再次無派出到邊鋒，朗尼、雲佩斯、香川真司同埋韋碧克呢四名攻擊手一齊上陣，雲佩斯、韋碧克同香川真司組成前場既三叉戟，朗尼既位置後撤到去中場，佢扮演既係以往史高斯既角色，係79分鐘費sir用史高斯換左朗尼，呢樣就係證明。


要踢呢個位置，朗尼並唔算陌生，上個賽季前半個賽季史高斯退役既時候，朗尼就負責晒中前場既轉移調整，佢既中長傳能力唔差架，不過因為位置比較靠後左比較遠離左禁區，所以開始朗尼只能靠死球俾到紐卡素門將製造威脅。

係曼聯2-0領先既情況之下，紐卡素被迫出來進攻，朗尼既位置都係較為靠後左但已經可以利用前面既空檔來製造威脅。相比起史高斯，朗尼係中前場進攻起到極大既作用，而係防守上明顯有硬度同埋攔截能力，


曼聯係防守上出現左問題，都係定位球同埋兩邊既傳中波有關，係中場中路無俾紐卡素有任何既機會，打出成功配合，呢個就係朗尼係中場既防守能力分唔開關係，朗尼一係就好跑得、從唔會錫住體力，二就係朗尼自己好擅長進攻，對於對方中場球員既諗法諗到通晒，咁樣朗尼踢呢個位置有模有樣咁，防守能力都很強。

係朗尺未踢後一格既曼聯中場陷入左兩難，就好似傑斯同埋史高斯咁，防守能力太差，年齡又大，但如果唔上呢兩個老將既話，又無人組織攻勢，朗尼攻防兩方面效果都好好，好可能費sir之後會繼續用落去，而且朗尼返到中場，可以令到佢同雲佩斯、香川真司一齊首發出場，俾朗尼返去踢中場，應該係曼聯宜家最好既選擇。