三將將強勢復出!!!

曼聯聯盟 於 11/10/2012 發表 收藏文章
《每日郵報》證實,艾殊利楊格已經開始恢復訓練,好可能,下場對住史篤城會同史摩寧一齊上陣。

楊格8月對富咸果陣,因為突然覺得膝蓋唔舒服,所以一直養傷至到依加,所以,費SIR邊鋒只可以選擇蘭尼,韋碧克,華倫西亞,又或者係38歲既傑斯,近幾場,費爵爺更嘗試收起邊鋒球員,改革由中場發動攻勢,上場對紐卡素就係一個好例子,卡域克殿後,主要負責防守工作,真司,聰明仔同朗尼就做策應,韋碧克同雲佩斯做前鋒,結果相當唔錯。如果有埋楊格,費sir响左,中,右既位置上都有多一個選擇

依加曼聯一線隊好多球只都返番自己國家報到,只有好少球員仲响曼聯到堅持訓練,而楊格就係其中一員,會同餘低既球員一齊完成訓練,希望盡快再為紅魔鬼上陣!

令外,上場大名單雖然見唔到史摩寧個名,但琴日已經同楊格開始復操。下星期六復出應該不成問題,起碼可以減少一下後防既壓力,加上今日有報導指,鍾斯都好可能响對車仔果時復出!


原來曼聯上場對紐卡素,楊格都系現場都睇架!
http://www.youtube.com/watch?v=u1-jHPPPzyo

留言


請按此登錄後留言。未成為會員? 立即註冊
    快捷鍵:←
    快捷鍵:→