在Britannia獲勝的反思

1：1賽和曼聯後，就如上一篇文章所說，有不少的利迷覺得贏唔到其實非常唔抵！因此，更多的球迷就把所有的期望放在上星期六主場對諾域治的比賽之上。場波的結果我當然不用多提。而在英國的報章亦沒有浪費呢個黃金機會，質疑杜格利殊在用人及戰術上的決定。不過，昨晚作客史篤城反勝2：1後，各位球迷又有何睇法呢？

賽和諾域治 表現仍屬理想 (有數字為証)

如果大家對在主場賽和諾域治仍然耿耿於懷，可能以下的分析可以幫你慢慢、逐步地舒懷。首先，我們看看幾場波的統計數字：

• 利物浦對諾域治： 射門29次（9次中門 — 3次中柱不計在內）；控球率55%；最終1：1和波

• 利物浦對史篤城： 射門12次（7次中門）；控球率48%；最終2：1勝出

• 曼城對曼聯：射門22次（7次中門）；控球率51%；最終6：1勝出

如果大家認為昨晚利物浦好波，我地就冇理由覺得星期六對諾域治踢得差。如果大家認為曼城降魔勁，就更加冇理由覺得利物浦對諾域治踢得唔好！利物浦昨晚只係射12球波，最終都贏波；而曼城週日晚亦只係射22球波，就有權入曼聯6粒！利物浦對諾域治29幾次射門、9球應棍、重有3球中門眉門柱，除係對方龍門好波同埋紅軍欠運外，我真係冇其他解釋。
再深入思考，究竟一隊有如巴塞一樣，有著超級皇者霸氣的球隊，對著升班馬時又係唔係事必打得好過29球射門這個數字呢？傳媒要製造爭議，刺激銷量。但作為紅軍die-hard粉絲、口邊唱著You’ll Never Walk Alone的我們，千祈唔好比外間的閒言閒語擾亂視聽。試想如果利物浦週末可以最終入一球贏2：1，所有人咪又係好似尋晚贏史篤城一樣有讚冇彈！

力壓史篤城 陣容乃有啟發

今場比賽有兩個在陣容上的變動，令筆者帶來期望，他們包括是卡路爾的正選上陣與蘇亞雷斯形成4-4-2陣式攻堅；同埋唐寧的休息。其實，卡路爾的確擁有牽制對方後防的能力，有他在陣，蘇亞雷斯可享更多的空間，不會每次也被兩三個球員緊mark。蘇亞雷斯昨晚所入的兩球就是最佳例證。另外，代替連場表現失色的唐寧的麥斯洛迪古斯亦有上佳的表現。看來除了比拿美之外，杜格利殊在週六對鶴臣的西布朗時應有多一個選擇。
http://www.youtube.com/watch?v=8lG3iVdu2Rkhttp://www.tudou.com/programs/view/21YCAKoL39c/