早前讀畢 Facebook 專頁 《西波達人》https://www.facebook.com/westballmaster/ 文章，：https://football.fanpiece.com/m/westballmaster/c1374272.html
內裡亦提及唔少七人場戰術，包括「企籃底」，同231及321企位，而自問有少少七人場經驗，但絕對打滾唔深嘅洛迪高，都想分享下自己見識過嘅一啲平時喺大場都唔會見到嘅踢法。洛迪高相信大家一定見得多過我，大家如果見過有其他特別踢法嘅，都不妨同我哋分享！
企籃底/企底線
洛迪高有次面對一隊波，前鋒永遠企底線，當然未去到企到近龍門口，反而喺較近角旗位置。負責做啲咩？簡單嘅，就係令到你嘅中堅或者閘位球員囉囉攣，你中堅企開啲想mark佢，咁就令中路大開；你閘位埋啲，就令到三閘線嘅邊線多咗空位，要隊友補位，咁同樣可以創造空間。如果你唔特別睇佢，當佢接到波嗰陣就有好多空位，佢中意控定殺入嚟分波也好，扣大位射波也好，你都要頻撲一輪，而當你頻撲，隨時走甩佢隊友！如果佢企埋啲去到禁區邊嘅底線位置就仲危險，試想像人哋一個高波扔埋嚟，喺你轉身搵人嘅時候，對手已經將個波set入中間，個中路同未封關嘅香港一樣...而放得喺嗰個位置嘅，緊係唔會係盧卡古類型嘅heavy touch之王啦...
至於你封到佢直接搵個前鋒嘅傳波，企底嗰個就可以變身做最常見嘅兜底前鋒，走番出嚟兜底迎波，當佢迎完波，幫隊友拖延時間等佢哋可以打番出嚟後，佢又可以番條底線，而佢哋喺底線由左去到右，又會由右去到左，真係縱向橫向都顧到...
柱躉中鋒同大場一樣，前鋒通常前啲，方便隊友放長傳畀自己，而呢位前鋒唔一定要大隻或者頂得，只要控波好，識孭位就得！而呢種踢法唔洗前鋒又好強個人能力，因為控球後，佢都多數等隊友上嚟，較少會轉身自己埋門，除非個人能力好強啦！
前鋒拉邊
同樣用前鋒做重心，又可算係一個反擊戰術，但同柱躉中鋒作用唔同，當前鋒拉邊時，前鋒唔洗擔心四面都有人（有一條邊線），佢可以選擇嘅方向多好多，可以唔急反擊回傳又得，一個人去又得，再等中場嚟到撞下牆又得，咁呢個情況下，孭位能力未算好重要，因為已經少咗背住龍門，反之由於中路球員進佔中路後，前鋒就需要若干傳送、盤球甚至突破能力，因為當佢拉邊嘅時候，佢已經唔算前鋒了，隨時落底出波添！
無鋒陣洛迪高早幾日同朋友傾開，原來佢仲見識過喺七人場嘅無鋒陣！無鋒陣312為陣式，但前場嘅2會打得邊啲，而中間個1就係全隊重心，仲係一個全能球員！
312，而前線球員企得近邊線
1可以選擇後上，呢個時候陣式變成123，剛才嘅中場會變成「前鋒」，兩閘此時內收到中場，邊線交由本身2負責，令前場兩翼更有威脅，如果1埋去邊線幫波，咁邊線就可以人多打人少，而喺前線出現3人時，中場都仲有兩個球員保護後防。123踢法令前場人數可以同對手防線一樣，而加上兩個中場保護後場。
而當1選擇唔後上，再加上兩隻閘內收中場，陣式變成132，增加中場力度。而當1唔後上，多數踢3後衛嘅球隊，就會好尷尬。中堅行唔行前去應付唔後上嘅中場﹖如果去，咁就令邊線出現1對1局面，容易被突破，而且當本身嘅2走背脊入中路，咁中堅就變相失位。中堅唔上，就令中場多咗空間畀對手，而當內收中場嘅兩閘選擇後上幫助邊線，就令邊線出現人多打人少。132下，中場有人數優勢，令對手中堅唔上唔落，兩個前場坎位更自由！
咁睇係咪好似哥迪奧拿嘅曼城呢﹖閘位球員入中場，好似史達寧咁就好似本身312嘅2咁。而本身七人場嘅位置同球員定位較模糊，用上呢種全能踢法，配合適當球員，可能仲好睇過踢大場！
當然，洛迪高再戴一次頭盔，自己見識唔多，唔知大家踢七人場又見識過啲咩﹖快啲同我哋分享啦！
最後…好想落番街場踢波呀！
(特別鳴謝洛迪高友人，前世界波編輯清風)
內裡亦提及唔少七人場戰術，包括「企籃底」，同231及321企位，而自問有少少七人場經驗，但絕對打滾唔深嘅洛迪高，都想分享下自己見識過嘅一啲平時喺大場都唔會見到嘅踢法。洛迪高相信大家一定見得多過我，大家如果見過有其他特別踢法嘅，都不妨同我哋分享！
企籃底/企底線
洛迪高有次面對一隊波，前鋒永遠企底線，當然未去到企到近龍門口，反而喺較近角旗位置。負責做啲咩？簡單嘅，就係令到你嘅中堅或者閘位球員囉囉攣，你中堅企開啲想mark佢，咁就令中路大開；你閘位埋啲，就令到三閘線嘅邊線多咗空位，要隊友補位，咁同樣可以創造空間。如果你唔特別睇佢，當佢接到波嗰陣就有好多空位，佢中意控定殺入嚟分波也好，扣大位射波也好，你都要頻撲一輪，而當你頻撲，隨時走甩佢隊友！如果佢企埋啲去到禁區邊嘅底線位置就仲危險，試想像人哋一個高波扔埋嚟，喺你轉身搵人嘅時候，對手已經將個波set入中間，個中路同未封關嘅香港一樣...而放得喺嗰個位置嘅，緊係唔會係盧卡古類型嘅heavy touch之王啦...
至於你封到佢直接搵個前鋒嘅傳波，企底嗰個就可以變身做最常見嘅兜底前鋒，走番出嚟兜底迎波，當佢迎完波，幫隊友拖延時間等佢哋可以打番出嚟後，佢又可以番條底線，而佢哋喺底線由左去到右，又會由右去到左，真係縱向橫向都顧到...
柱躉中鋒同大場一樣，前鋒通常前啲，方便隊友放長傳畀自己，而呢位前鋒唔一定要大隻或者頂得，只要控波好，識孭位就得！而呢種踢法唔洗前鋒又好強個人能力，因為控球後，佢都多數等隊友上嚟，較少會轉身自己埋門，除非個人能力好強啦！
前鋒拉邊
同樣用前鋒做重心，又可算係一個反擊戰術，但同柱躉中鋒作用唔同，當前鋒拉邊時，前鋒唔洗擔心四面都有人（有一條邊線），佢可以選擇嘅方向多好多，可以唔急反擊回傳又得，一個人去又得，再等中場嚟到撞下牆又得，咁呢個情況下，孭位能力未算好重要，因為已經少咗背住龍門，反之由於中路球員進佔中路後，前鋒就需要若干傳送、盤球甚至突破能力，因為當佢拉邊嘅時候，佢已經唔算前鋒了，隨時落底出波添！
無鋒陣洛迪高早幾日同朋友傾開，原來佢仲見識過喺七人場嘅無鋒陣！無鋒陣312為陣式，但前場嘅2會打得邊啲，而中間個1就係全隊重心，仲係一個全能球員！
312，而前線球員企得近邊線
1可以選擇後上，呢個時候陣式變成123，剛才嘅中場會變成「前鋒」，兩閘此時內收到中場，邊線交由本身2負責，令前場兩翼更有威脅，如果1埋去邊線幫波，咁邊線就可以人多打人少，而喺前線出現3人時，中場都仲有兩個球員保護後防。123踢法令前場人數可以同對手防線一樣，而加上兩個中場保護後場。
而當1選擇唔後上，再加上兩隻閘內收中場，陣式變成132，增加中場力度。而當1唔後上，多數踢3後衛嘅球隊，就會好尷尬。中堅行唔行前去應付唔後上嘅中場﹖如果去，咁就令邊線出現1對1局面，容易被突破，而且當本身嘅2走背脊入中路，咁中堅就變相失位。中堅唔上，就令中場多咗空間畀對手，而當內收中場嘅兩閘選擇後上幫助邊線，就令邊線出現人多打人少。132下，中場有人數優勢，令對手中堅唔上唔落，兩個前場坎位更自由！
咁睇係咪好似哥迪奧拿嘅曼城呢﹖閘位球員入中場，好似史達寧咁就好似本身312嘅2咁。而本身七人場嘅位置同球員定位較模糊，用上呢種全能踢法，配合適當球員，可能仲好睇過踢大場！
當然，洛迪高再戴一次頭盔，自己見識唔多，唔知大家踢七人場又見識過啲咩﹖快啲同我哋分享啦！
最後…好想落番街場踢波呀！
(特別鳴謝洛迪高友人，前世界波編輯清風)
請按此登錄後留言。未成為會員? 立即註冊