睇左我地之前兩篇既讀者，都知我地仲有兩隊未講，包括係英格蘭及比利時。
係未講兩隊之前，不如比一D未睇之前既球迷重溫先。
歐國論戰 :
https://www.facebook.com/hereisworldball/posts/1746243802280795
歐國論戰—法德篇
https://www.facebook.com/hereisworldball/posts/1750166031888572
爭論不休，各有原因，其中英格蘭同比利時都有奪冠的化學因素。
英格蘭 - 列奧C
「三年又三年，三年又三年，十年都黎緊頭喇，老細！」你以為呢句野得《無間道》陳永仁講過？少年，你實在係太年輕。問一問波齡10年以上嘅英格蘭支持者，佢地都會有陳永仁嘅感受。
「__ __年最強」( __ __ 由1966年開始自己逐年加落去 ) 已經成為英迷，尤其英媒每次大賽大吹特吹嘅標題，結果係點？你知我知啦。難得今年英媒減少自HIGH，球迷注意力都無以往咁集中係英格蘭身上嘅時候，呢隊史上最年輕英軍，同時亦都係歐國杯外圍賽唯一一隊全勝之師，會唔會今年先係真正「英軍成熟時」？
前鋒：今季英格蘭又再少左星級球員，不過就多左份年輕同埋潛力，尤其前鋒線，更加係人才濟濟，任何類型嘅球員都有。能力全面嘅哈利‧卡尼預計會係正選之一；勤力型嘅有係英超射手榜上同佢不相伯仲嘅華迪；無傷無痛個陣嘅史杜列治確實係速度同射術兼備，而且亦都可以兼任右翼內切射手；史達寧今季雖然無以往搶眼，不過強於邊線突破嘅佢相信會係重要棋子；當然「處子戰之王」拉舒福特，同樣有速度，亦可以作為奇兵之一。
由近兩場友誼賽黎睇，英格蘭陣式介乎4-3-3與4-3-1-2之間，意味鋒線上競爭異常激烈。除左哈利‧卡尼有較大正選機會之外，其餘都要為剩低嘅1-2個位爭逐，不過以鶴臣崇尚名牌嘅性格，史達寧同史杜列治跑出機會較大。
中場：
中場人選方面，進攻球員佔大多數，今季係韋斯咸表現出色嘅工兵麥克‧盧保落選，防守中場只有可以同時兼任後防嘅艾歷‧戴亞。羅斯‧巴克利、迪利‧亞尼、拉蘭拿通通攻強於守，所以兩位利物浦球員，佐敦‧軒達臣同占士‧米拿地位更加重要。好多英格蘭支持者會話佢地今季都表現係預期之下，不過兩人經驗、攻守能力，同最重要嘅「無限體能」，係缺少硬朗球員嘅國家隊之中都已經係最好選擇。不過係個人私心上，希望一直被忽視嘅拉蘭拿可以得到更多上場機會。
今屆名單最大爭議嘅地方，係選左全季傷多過踢嘅韋舒亞，反面放棄左今季幫李斯特城勇奪英超嘅真禾特。到底係韋舒亞係訓練期間太過出色，定真禾特係國家隊訓練營貨不對辦，真在係無從知曉。
不過鶴臣事後訪問就講過其實係拉舒福特取代左真禾特嘅一席位(http://www.goal.com/euro2016/en/article/roy-hodgson-chose-marcus-rashford-over-danny-drinkwater-for-england-euro-2016-squad/nc84ldqcafk61ai3ktpmgclmc)，代表韋舒亞早已係佢戰術計劃之中；加上放棄長傳較為出色嘅真禾特 ( 同爛打格嘅盧保 )，其實都反映左鶴臣想打小組足球，反正需要長傳個陣隊中都仲有一位更熱愛分邊嘅「大佬」係到......
如果太多牛奶味，飲水哥就無定企......
講左咁耐，大家可能會發覺點解好似少左個肥仔隊長。雖然名單上面朗尼係以前鋒身份入選，不過從佢季尾表現、以致近黎友誼賽中，相信佢以攻擊中場，甚至中場身份上陣會較大機會。呢個位置對於「未老先衰」嘅朗尼黎講，都係一個唔錯嘅選擇。始終佢係球隊隊長，對呢隊「幼獅」黎講，壓場經驗無可取代。30歲嘅佢已經唔可以好似以前咁係前場經常用對手埋身肉搏，專心做個「奶爸」算啦......後防：
門將相信都非祖‧赫特莫屬；而中堅亦毫無懸念，將由史摩寧伙拍卡希爾，雖然史摩寧有相當大嘅進步，但今屆英超同卡希爾一樣，表現只屬中規中距，唯一後備史東斯更在水準之下，雖然仲有艾歷‧戴亞，但係「頭重腳輕」嘅陣容，唯有希望個個都無病無痛......
右閘個人認為防守力較佳嘅基爾‧獲加較出擊力強嘅基利更為適合踢正選；至於左閘，如果唔係盧基‧梳爾受重傷，相信兩個都唔係鶴臣心目中首選，就算丹尼‧路斯同貝查恩特今屆有好表現都好......似乎有大球會優勢嘅丹尼‧路斯會佔優。隱憂：
相信都唔駛講，「唔怕生壞命，最怕改壞名」，「學神」係執教功力上到底有冇進步，影響應該仲大過真禾特定韋舒亞入選。係前線人材濟濟之下，希望鶴臣唔好再走德國同西班牙嘅單箭頭控球踢法條路，而係踢返英格蘭一向嘅快速壓逼加反擊，用自己強項同對手正面交鋒，總好過「東施效颦」。
係而家傳控泛濫，互相消磨 (球迷) 意志先叫華麗嘅球壇，突然懷念個隊長傳急攻，唔怕硬碰嘅英格蘭......
預計陣容：
============================================================================
比利時 - 李威廉
唔講你唔知，比利時現時世界排名第二（剛剛5月頭公布的排名），另外，自2000年與荷蘭合辦後以主辦國身分打入決賽週後，已經三屆外圍賽出局。以上呢兩個資訊代表咩？
正正代表著比利時近四年青訓非常成功，人才輩出，係2014年世界杯分組賽以全勝姿態殺入16強，最後8強對陣現時世界第一阿根廷，才被踢出局。而2000年歐國杯陣容，筆者不才，對全隊並不熟，有所認知的只有效力史浩克零四既伊美梅賓沙，以及比利時現時領隊麥克韋莫斯，當時只能贏到瑞典排小組第三，無緣十六強。
今屆陣容頂盛既比利時，受外界一致睇好，眾多英超球員受港人熟悉，加上眼見各人狀態良好，絕對有力問鼎冠軍。但同組仲有強隊意大利，但今年部分主力受傷患困擾，缺席歐國杯，所以仍然以比利時看高一線。
同組隊手:
比大家睇一睇24人陣容. (仲有一個人會無得隨隊去，因為共選23人)
預想正選陣容：
龍門：高爾圖斯
後衛：艾特韋列特、迪尼耶、華美倫、維頓漢
中場：奇雲迪布尼、費蘭尼、維素爾、夏薩特
前場：勞卡古、奧歷治
龍門 - 高爾圖斯
必然正選，穩定表現贏得一眾球迷的信心。後備米洛列特雖表現不俗，但難以取代高爾圖斯正選位置。
後衛 - 艾特韋列特、迪尼耶、華美倫、維頓漢
比利時後防陣形變化大，因為中堅同閘位球員可換位。網上議論紛紛，艾達同維頓漢今年係熱刺擔當中堅既表現絕對值得讚賞，但閘位亦是過往在國家隊經常負責的位置，所以基本上以過往的擺陣作預測他們亦分別踢左右二閘。中堅位置，甘賓尼傷出令到後防穩健中堅出現空缺，應該會由保亞達與迪納耶競爭。另一中堅將會由華美倫負責。唯一隱憂，華美倫長期居任後備，勝在經歷搭夠。而迪納耶較為年輕，令到配合上需要慢慢配合，希望友誼賽能令雙方既配合加強。
中場 - 奇雲迪布尼、費蘭尼、維素爾、夏薩特
這個擺法絕對以防守穩健加左右側擊的戰術而設。關鍵在於華素爾，這個box to box球員，可以成為比利時後防的一大屏障，兩位「大少爆炸」絕對係制空上見優勢，而奇雲以及夏薩特絕對有力自製機會及為隊友提供助攻。
同一時間，比利時變陣的話，應該會改成迪布尼放中場中，「大少爆炸」則在兩旁負責掃盪，有迪布尼中間派牌，而前線會改成3前鋒。
前鋒 - 勞卡古、奧歷治
有睇對上一場比利時對陣芬蘭的友誼賽朋友，就會更了解筆者點解選呢個組合。賓迪基再一次空門唔入，相反同一機會勞卡古就把握到，兩位既表現相形見拙。而另一選擇就會係奧歷治，其實佢既位置都並非穩固，因為馬賽前鋒巴舒亞伊近況絕對唔弱。不過中鋒型既勞卡古，伙拍速度型既奧歷治，都絕對係一個唔錯既選擇。
後備球員 - 梅頓斯、卡拉斯高、巴舒亞伊、尼高高蘭
呢4位絕對有力打正選，其中包括以鬥心旺盛出名的梅頓斯、高速盤扭型的卡拉斯高、高產量的巴舒亞伊、踢風隱建的尼高高蘭。
總結 :
比利時今年都屬於人滿之患，但細心一看，前中後三線沒有一個真的必然正選，只有龍門高爾圖斯以及奇雲迪布尼可以稱為必然正選。筆者感到開心之際，同一時間又為他們擔心，人多並非全部夾到，始終比利時國際賽間中會有突然脫腳的表現。不過，仍然睇好佢地可以技壓群雄，奪得歐國杯冠軍。
想知多D，LIKE我地世界波啦!
最新Instagram :WORLD_FOOTBALLHK
世界波最新競爭遊戲 : 歐國論戰 - 快D入黎我地個page估下邊個國家會嬴歐洲國家杯啦!!https://www.facebook.com/hereisworldball/posts/1746243802280795
PES Club Manager 世界波聯盟 :
https://www.facebook.com/hereisworldball/posts/1747474662157709
係未講兩隊之前，不如比一D未睇之前既球迷重溫先。
歐國論戰 :
https://www.facebook.com/hereisworldball/posts/1746243802280795
歐國論戰—法德篇
https://www.facebook.com/hereisworldball/posts/1750166031888572
爭論不休，各有原因，其中英格蘭同比利時都有奪冠的化學因素。
英格蘭 - 列奧C
「三年又三年，三年又三年，十年都黎緊頭喇，老細！」你以為呢句野得《無間道》陳永仁講過？少年，你實在係太年輕。問一問波齡10年以上嘅英格蘭支持者，佢地都會有陳永仁嘅感受。
「__ __年最強」( __ __ 由1966年開始自己逐年加落去 ) 已經成為英迷，尤其英媒每次大賽大吹特吹嘅標題，結果係點？你知我知啦。難得今年英媒減少自HIGH，球迷注意力都無以往咁集中係英格蘭身上嘅時候，呢隊史上最年輕英軍，同時亦都係歐國杯外圍賽唯一一隊全勝之師，會唔會今年先係真正「英軍成熟時」？
前鋒：今季英格蘭又再少左星級球員，不過就多左份年輕同埋潛力，尤其前鋒線，更加係人才濟濟，任何類型嘅球員都有。能力全面嘅哈利‧卡尼預計會係正選之一；勤力型嘅有係英超射手榜上同佢不相伯仲嘅華迪；無傷無痛個陣嘅史杜列治確實係速度同射術兼備，而且亦都可以兼任右翼內切射手；史達寧今季雖然無以往搶眼，不過強於邊線突破嘅佢相信會係重要棋子；當然「處子戰之王」拉舒福特，同樣有速度，亦可以作為奇兵之一。
由近兩場友誼賽黎睇，英格蘭陣式介乎4-3-3與4-3-1-2之間，意味鋒線上競爭異常激烈。除左哈利‧卡尼有較大正選機會之外，其餘都要為剩低嘅1-2個位爭逐，不過以鶴臣崇尚名牌嘅性格，史達寧同史杜列治跑出機會較大。
中場：
中場人選方面，進攻球員佔大多數，今季係韋斯咸表現出色嘅工兵麥克‧盧保落選，防守中場只有可以同時兼任後防嘅艾歷‧戴亞。羅斯‧巴克利、迪利‧亞尼、拉蘭拿通通攻強於守，所以兩位利物浦球員，佐敦‧軒達臣同占士‧米拿地位更加重要。好多英格蘭支持者會話佢地今季都表現係預期之下，不過兩人經驗、攻守能力，同最重要嘅「無限體能」，係缺少硬朗球員嘅國家隊之中都已經係最好選擇。不過係個人私心上，希望一直被忽視嘅拉蘭拿可以得到更多上場機會。
今屆名單最大爭議嘅地方，係選左全季傷多過踢嘅韋舒亞，反面放棄左今季幫李斯特城勇奪英超嘅真禾特。到底係韋舒亞係訓練期間太過出色，定真禾特係國家隊訓練營貨不對辦，真在係無從知曉。
不過鶴臣事後訪問就講過其實係拉舒福特取代左真禾特嘅一席位(http://www.goal.com/euro2016/en/article/roy-hodgson-chose-marcus-rashford-over-danny-drinkwater-for-england-euro-2016-squad/nc84ldqcafk61ai3ktpmgclmc)，代表韋舒亞早已係佢戰術計劃之中；加上放棄長傳較為出色嘅真禾特 ( 同爛打格嘅盧保 )，其實都反映左鶴臣想打小組足球，反正需要長傳個陣隊中都仲有一位更熱愛分邊嘅「大佬」係到......
如果太多牛奶味，飲水哥就無定企......
講左咁耐，大家可能會發覺點解好似少左個肥仔隊長。雖然名單上面朗尼係以前鋒身份入選，不過從佢季尾表現、以致近黎友誼賽中，相信佢以攻擊中場，甚至中場身份上陣會較大機會。呢個位置對於「未老先衰」嘅朗尼黎講，都係一個唔錯嘅選擇。始終佢係球隊隊長，對呢隊「幼獅」黎講，壓場經驗無可取代。30歲嘅佢已經唔可以好似以前咁係前場經常用對手埋身肉搏，專心做個「奶爸」算啦......後防：
門將相信都非祖‧赫特莫屬；而中堅亦毫無懸念，將由史摩寧伙拍卡希爾，雖然史摩寧有相當大嘅進步，但今屆英超同卡希爾一樣，表現只屬中規中距，唯一後備史東斯更在水準之下，雖然仲有艾歷‧戴亞，但係「頭重腳輕」嘅陣容，唯有希望個個都無病無痛......
右閘個人認為防守力較佳嘅基爾‧獲加較出擊力強嘅基利更為適合踢正選；至於左閘，如果唔係盧基‧梳爾受重傷，相信兩個都唔係鶴臣心目中首選，就算丹尼‧路斯同貝查恩特今屆有好表現都好......似乎有大球會優勢嘅丹尼‧路斯會佔優。隱憂：
相信都唔駛講，「唔怕生壞命，最怕改壞名」，「學神」係執教功力上到底有冇進步，影響應該仲大過真禾特定韋舒亞入選。係前線人材濟濟之下，希望鶴臣唔好再走德國同西班牙嘅單箭頭控球踢法條路，而係踢返英格蘭一向嘅快速壓逼加反擊，用自己強項同對手正面交鋒，總好過「東施效颦」。
係而家傳控泛濫，互相消磨 (球迷) 意志先叫華麗嘅球壇，突然懷念個隊長傳急攻，唔怕硬碰嘅英格蘭......
預計陣容：
============================================================================
比利時 - 李威廉
唔講你唔知，比利時現時世界排名第二（剛剛5月頭公布的排名），另外，自2000年與荷蘭合辦後以主辦國身分打入決賽週後，已經三屆外圍賽出局。以上呢兩個資訊代表咩？
正正代表著比利時近四年青訓非常成功，人才輩出，係2014年世界杯分組賽以全勝姿態殺入16強，最後8強對陣現時世界第一阿根廷，才被踢出局。而2000年歐國杯陣容，筆者不才，對全隊並不熟，有所認知的只有效力史浩克零四既伊美梅賓沙，以及比利時現時領隊麥克韋莫斯，當時只能贏到瑞典排小組第三，無緣十六強。
今屆陣容頂盛既比利時，受外界一致睇好，眾多英超球員受港人熟悉，加上眼見各人狀態良好，絕對有力問鼎冠軍。但同組仲有強隊意大利，但今年部分主力受傷患困擾，缺席歐國杯，所以仍然以比利時看高一線。
同組隊手:
比大家睇一睇24人陣容. (仲有一個人會無得隨隊去，因為共選23人)
預想正選陣容：
龍門：高爾圖斯
後衛：艾特韋列特、迪尼耶、華美倫、維頓漢
中場：奇雲迪布尼、費蘭尼、維素爾、夏薩特
前場：勞卡古、奧歷治
龍門 - 高爾圖斯
必然正選，穩定表現贏得一眾球迷的信心。後備米洛列特雖表現不俗，但難以取代高爾圖斯正選位置。
後衛 - 艾特韋列特、迪尼耶、華美倫、維頓漢
比利時後防陣形變化大，因為中堅同閘位球員可換位。網上議論紛紛，艾達同維頓漢今年係熱刺擔當中堅既表現絕對值得讚賞，但閘位亦是過往在國家隊經常負責的位置，所以基本上以過往的擺陣作預測他們亦分別踢左右二閘。中堅位置，甘賓尼傷出令到後防穩健中堅出現空缺，應該會由保亞達與迪納耶競爭。另一中堅將會由華美倫負責。唯一隱憂，華美倫長期居任後備，勝在經歷搭夠。而迪納耶較為年輕，令到配合上需要慢慢配合，希望友誼賽能令雙方既配合加強。
中場 - 奇雲迪布尼、費蘭尼、維素爾、夏薩特
這個擺法絕對以防守穩健加左右側擊的戰術而設。關鍵在於華素爾，這個box to box球員，可以成為比利時後防的一大屏障，兩位「大少爆炸」絕對係制空上見優勢，而奇雲以及夏薩特絕對有力自製機會及為隊友提供助攻。
同一時間，比利時變陣的話，應該會改成迪布尼放中場中，「大少爆炸」則在兩旁負責掃盪，有迪布尼中間派牌，而前線會改成3前鋒。
前鋒 - 勞卡古、奧歷治
有睇對上一場比利時對陣芬蘭的友誼賽朋友，就會更了解筆者點解選呢個組合。賓迪基再一次空門唔入，相反同一機會勞卡古就把握到，兩位既表現相形見拙。而另一選擇就會係奧歷治，其實佢既位置都並非穩固，因為馬賽前鋒巴舒亞伊近況絕對唔弱。不過中鋒型既勞卡古，伙拍速度型既奧歷治，都絕對係一個唔錯既選擇。
後備球員 - 梅頓斯、卡拉斯高、巴舒亞伊、尼高高蘭
呢4位絕對有力打正選，其中包括以鬥心旺盛出名的梅頓斯、高速盤扭型的卡拉斯高、高產量的巴舒亞伊、踢風隱建的尼高高蘭。
總結 :
比利時今年都屬於人滿之患，但細心一看，前中後三線沒有一個真的必然正選，只有龍門高爾圖斯以及奇雲迪布尼可以稱為必然正選。筆者感到開心之際，同一時間又為他們擔心，人多並非全部夾到，始終比利時國際賽間中會有突然脫腳的表現。不過，仍然睇好佢地可以技壓群雄，奪得歐國杯冠軍。
想知多D，LIKE我地世界波啦!
最新Instagram :WORLD_FOOTBALLHK
世界波最新競爭遊戲 : 歐國論戰 - 快D入黎我地個page估下邊個國家會嬴歐洲國家杯啦!!https://www.facebook.com/hereisworldball/posts/1746243802280795
PES Club Manager 世界波聯盟 :
https://www.facebook.com/hereisworldball/posts/1747474662157709
請按此登錄後留言。未成為會員? 立即註冊