話說每個中意足球嘅人，未必會踢波，但相信一定會打機玩足球Game！
世界波眾編輯知道新年正係打機大好時間，紛紛憶起當年打機歲月，同大家分享下各自最愛或者最深刻嘅足球遊戲！
洛迪高
由洛迪高先開始喇！洛迪高係Winning系列死忠，不過喺PS3年代有兩年打Fifa，今年先重投Winning懷抱。不過講起最深刻嘅足球Game，喺一隻足球界「角色扮演」遊戲！（以前洛迪高叫佢做足球RPG…）
佢就係PS嘅Libero Grande 2！
顧名思義，你喺場上只可揀扮演一個人，而你都可以自創角色加入一隊國家隊。記得洛迪高同細佬都加入英格蘭（冇錯，當時我同佢都中意英格蘭，如今兩人回想當年，愧對今天的我。）
佢做前鋒我就龍門，一齊踢世界盃拍住上。揀中等難度嘅我哋，細佬利用屈機招喺世界波入咗97球（去到龍門面前向左/右直角扭一定得…）…至於我呢…唔知係咪遊戲設計，基本上我叫隊友防守，佢哋都一定截到個波，成場波我理論上就行行企企。一時悶得滯我就會唔叫隊友防守等對手攻埋嚟，而佢哋又真係中門大開…結果得兩個，就係單刀畀人入，一係就救完單刀畀人執雞…
其實嗰陣玩得好過癮，仲諗住以後可以多啲呢啲Game，等我可以繼續守龍，點知之後就出咗好少了…
有時都好想搵番PS模擬器玩番架…
────────────────────────────────────────────────────────────────────列奧C
大家睇波咁耐，都知道無論你有波又好，無又好，撞人就好似搞喊細路咁一定係唔啱。不過，近幾年興起一個足球遊戲，衝撞係絕對合法，你不斷去撞，越撞就越刺激。
https://www.youtube.com/watch?v=J1QyJPW_lsA好似條片咁俾杜奧巴撞低嘅人比比皆是，但你又有冇試過係咩感覺？我無，我真係無。
不過玩以下呢個遊戲，你就可以體現下俾人極速衝撞係咩感覺。
無錯，呢個遊戲就係Bubble Soccer。
Bubble Soccer 通常於室內以5人足球規則進行，係「理論角度」應該係男女都啱玩。而經驗話俾我知，女仔嘅戰鬥力比男仔更強。
諗唔明點玩？唔知有咩正？唔緊要，挪威有兩隊職業足球隊為大家做左個示範，一齊去片。https://www.youtube.com/watch?v=xIl45f6i1PU
四腳朝天踢波應該無咩人試過，呢個遊戲列奧C親身體驗過，絕對係比普通足球比賽更能燃燒脂肪。
你以為最慘係俾人撞？撞完你要用全身力盡快起身，企得返係到個下先係最折磨人......如果唔係，你就只會係地下到俾人無間斷咁滾動......
玩呢個遊戲有冇貼士？
有，如果唔想好似俾車撞咁，記得搵一個最大隻嘅朋友做隊友。
────────────────────────────────────────────────────────────────────
謝利
實況足球 4
實況足球，講個名大家實R曬頭，咩實況呀？咩足球呀？winning，大家實有聽過啦？
勝利11人，呢隻咁經典既game，直到依家都仲有新版本比玩家，但玩過PS年代winning eleven 4既讀者們，仲記唔記得係待機畫面時有隻CD係右下角狂轉，等左一段時間，有時都唔肯定佢係load唔load到？筆者真係有親身經歷過，之後聽到坊間傳聞話打直部機會有幫助，（試過既讀者們，麻煩舉一舉手)，係有成功過但唔知打直部機係叫做有無幫助@@
入正題，點解會選呢隻game做推薦呢？首先，winning當時係比左足球愛好者一種全新既感覺，Master League 第一次出現係game 入面。咩係Master League?唔使我多講啦，就係比一次你做油王的機會，招兵買馬。
遊戲片段
https://www.youtube.com/watch?v=pQ8YVNPgX6k
當時，遊戲入邊有好多「屈機」既球員，例如速度99既朗拿度，射門力量99既巴迪高、羅拔圖卡路士等，撲救99既舒米高。買齊巨星們要耗用龐大資金，但一開始你選用曼聯、米蘭等強隊，都係由「蝦兵蟹將」素人們組成，如何挑戰列強？當年，不同game書都有教技巧，但我認為最好用既就係用低價買下尼日尼亞既「巴巴基達」，呢位加速99既神人，已經可以幫你係邊線製造好大既威脅，包括傳中、或擺大位射門，有玩過既讀者會唔會有同感呢？
朗拿度
卡路士
呢隻game都有一貫日本遊戲既特色，隱藏模式/技巧。「上上下下左右左右」呢組按鍵，熟悉嗎？係exhibition mode變出明星隊出黎比你揀，雖然無咩特別，但當時大家對陣只可以選國家隊既時候，呢兩隊明星隊係絕對吸引！
兩隊既陣容係大家都耳熟能詳既，包括碧咸、施丹、朗拿度、利華度、卡路士等！
Winning eleven係大家心目中都屬於一隻好遊戲，但相信近年大家都會轉左玩FIFA，因為FIFA 感覺上不論在遊戲畫面、操控及遊戲模式都技勝一籌。唔知道下一代既winning會唔會比到機迷驚喜呢？我地拭目以待..
────────────────────────────────────────────────────────────────────
李威廉
而家既管理球會既遊戲真係多不勝數，由最出名既Football Manager，到手機上林林種種既乜乜Manager，真係睇到人花多眼亂。筆者當然都有玩過FM啦，入面所有野都做得好細緻。不過要講到第一次玩呢種類型既遊戲，就一定要講SEGA既育成足球系列，可以話係筆者既童年回憶黎!
筆者第一次接觸育成足球，係響SEGA SATURN上發售既系列既第2作，果陣譯做J. League創造職業球會2， 一接觸真係玩到停唔到手! 不過果陣仲讀緊小學，攻略都冇錢買，又唔識日文，所以玩到一PAT_咁! 之後開始認真玩，就係響Dreamcast上面既育成足球特大號1同2，果陣開始有買攻略玩，簽左一大堆既架空球員: 河本鬼荗、三神尚紀、平塚浪馬、荻原忠志……相信有玩開呢個系列既朋友都一定唔會陌生! 之後DC停產，同埋後尾知道SEGA會響PS2出新一集既育成足球之後，筆者就決定投入PS2既懷抱! 之後GBA同PSP上面既育成足球，仲有一路由J League一直打到去歐洲我都有玩! 雖然手持一大班老作出黎既日本球員去挑戰世界好似幾 _ _ 咁，但係果陣又真係玩得好過癮! 果份情懷係FM所沒有的!
順帶一提，系列其中一個賣點就一班秘書，不過當時機能所限，D秘書個樣反而怪怪地...
由於現實生活較忙，最近已經冇乜點接觸育成足球了，不過育成足球呢個系列，真係為筆者帶來很多歡樂! 希望將來有機會回味一下!
歡迎大家上黎世界波一齊講下波，風花雪月一番
你嘅LIKE係我地嘅原動力
https://www.facebook.com/hereisworldball
世界波眾編輯知道新年正係打機大好時間，紛紛憶起當年打機歲月，同大家分享下各自最愛或者最深刻嘅足球遊戲！
洛迪高
由洛迪高先開始喇！洛迪高係Winning系列死忠，不過喺PS3年代有兩年打Fifa，今年先重投Winning懷抱。不過講起最深刻嘅足球Game，喺一隻足球界「角色扮演」遊戲！（以前洛迪高叫佢做足球RPG…）
佢就係PS嘅Libero Grande 2！
顧名思義，你喺場上只可揀扮演一個人，而你都可以自創角色加入一隊國家隊。記得洛迪高同細佬都加入英格蘭（冇錯，當時我同佢都中意英格蘭，如今兩人回想當年，愧對今天的我。）
佢做前鋒我就龍門，一齊踢世界盃拍住上。揀中等難度嘅我哋，細佬利用屈機招喺世界波入咗97球（去到龍門面前向左/右直角扭一定得…）…至於我呢…唔知係咪遊戲設計，基本上我叫隊友防守，佢哋都一定截到個波，成場波我理論上就行行企企。一時悶得滯我就會唔叫隊友防守等對手攻埋嚟，而佢哋又真係中門大開…結果得兩個，就係單刀畀人入，一係就救完單刀畀人執雞…
其實嗰陣玩得好過癮，仲諗住以後可以多啲呢啲Game，等我可以繼續守龍，點知之後就出咗好少了…
有時都好想搵番PS模擬器玩番架…
────────────────────────────────────────────────────────────────────列奧C
大家睇波咁耐，都知道無論你有波又好，無又好，撞人就好似搞喊細路咁一定係唔啱。不過，近幾年興起一個足球遊戲，衝撞係絕對合法，你不斷去撞，越撞就越刺激。
https://www.youtube.com/watch?v=J1QyJPW_lsA好似條片咁俾杜奧巴撞低嘅人比比皆是，但你又有冇試過係咩感覺？我無，我真係無。
不過玩以下呢個遊戲，你就可以體現下俾人極速衝撞係咩感覺。
無錯，呢個遊戲就係Bubble Soccer。
Bubble Soccer 通常於室內以5人足球規則進行，係「理論角度」應該係男女都啱玩。而經驗話俾我知，女仔嘅戰鬥力比男仔更強。
諗唔明點玩？唔知有咩正？唔緊要，挪威有兩隊職業足球隊為大家做左個示範，一齊去片。https://www.youtube.com/watch?v=xIl45f6i1PU
四腳朝天踢波應該無咩人試過，呢個遊戲列奧C親身體驗過，絕對係比普通足球比賽更能燃燒脂肪。
你以為最慘係俾人撞？撞完你要用全身力盡快起身，企得返係到個下先係最折磨人......如果唔係，你就只會係地下到俾人無間斷咁滾動......
玩呢個遊戲有冇貼士？
有，如果唔想好似俾車撞咁，記得搵一個最大隻嘅朋友做隊友。
────────────────────────────────────────────────────────────────────
謝利
實況足球 4
實況足球，講個名大家實R曬頭，咩實況呀？咩足球呀？winning，大家實有聽過啦？
勝利11人，呢隻咁經典既game，直到依家都仲有新版本比玩家，但玩過PS年代winning eleven 4既讀者們，仲記唔記得係待機畫面時有隻CD係右下角狂轉，等左一段時間，有時都唔肯定佢係load唔load到？筆者真係有親身經歷過，之後聽到坊間傳聞話打直部機會有幫助，（試過既讀者們，麻煩舉一舉手)，係有成功過但唔知打直部機係叫做有無幫助@@
入正題，點解會選呢隻game做推薦呢？首先，winning當時係比左足球愛好者一種全新既感覺，Master League 第一次出現係game 入面。咩係Master League?唔使我多講啦，就係比一次你做油王的機會，招兵買馬。
遊戲片段
https://www.youtube.com/watch?v=pQ8YVNPgX6k
當時，遊戲入邊有好多「屈機」既球員，例如速度99既朗拿度，射門力量99既巴迪高、羅拔圖卡路士等，撲救99既舒米高。買齊巨星們要耗用龐大資金，但一開始你選用曼聯、米蘭等強隊，都係由「蝦兵蟹將」素人們組成，如何挑戰列強？當年，不同game書都有教技巧，但我認為最好用既就係用低價買下尼日尼亞既「巴巴基達」，呢位加速99既神人，已經可以幫你係邊線製造好大既威脅，包括傳中、或擺大位射門，有玩過既讀者會唔會有同感呢？
朗拿度
卡路士
呢隻game都有一貫日本遊戲既特色，隱藏模式/技巧。「上上下下左右左右」呢組按鍵，熟悉嗎？係exhibition mode變出明星隊出黎比你揀，雖然無咩特別，但當時大家對陣只可以選國家隊既時候，呢兩隊明星隊係絕對吸引！
兩隊既陣容係大家都耳熟能詳既，包括碧咸、施丹、朗拿度、利華度、卡路士等！
Winning eleven係大家心目中都屬於一隻好遊戲，但相信近年大家都會轉左玩FIFA，因為FIFA 感覺上不論在遊戲畫面、操控及遊戲模式都技勝一籌。唔知道下一代既winning會唔會比到機迷驚喜呢？我地拭目以待..
────────────────────────────────────────────────────────────────────
李威廉
而家既管理球會既遊戲真係多不勝數，由最出名既Football Manager，到手機上林林種種既乜乜Manager，真係睇到人花多眼亂。筆者當然都有玩過FM啦，入面所有野都做得好細緻。不過要講到第一次玩呢種類型既遊戲，就一定要講SEGA既育成足球系列，可以話係筆者既童年回憶黎!
筆者第一次接觸育成足球，係響SEGA SATURN上發售既系列既第2作，果陣譯做J. League創造職業球會2， 一接觸真係玩到停唔到手! 不過果陣仲讀緊小學，攻略都冇錢買，又唔識日文，所以玩到一PAT_咁! 之後開始認真玩，就係響Dreamcast上面既育成足球特大號1同2，果陣開始有買攻略玩，簽左一大堆既架空球員: 河本鬼荗、三神尚紀、平塚浪馬、荻原忠志……相信有玩開呢個系列既朋友都一定唔會陌生! 之後DC停產，同埋後尾知道SEGA會響PS2出新一集既育成足球之後，筆者就決定投入PS2既懷抱! 之後GBA同PSP上面既育成足球，仲有一路由J League一直打到去歐洲我都有玩! 雖然手持一大班老作出黎既日本球員去挑戰世界好似幾 _ _ 咁，但係果陣又真係玩得好過癮! 果份情懷係FM所沒有的!
順帶一提，系列其中一個賣點就一班秘書，不過當時機能所限，D秘書個樣反而怪怪地...
由於現實生活較忙，最近已經冇乜點接觸育成足球了，不過育成足球呢個系列，真係為筆者帶來很多歡樂! 希望將來有機會回味一下!
歡迎大家上黎世界波一齊講下波，風花雪月一番
你嘅LIKE係我地嘅原動力
https://www.facebook.com/hereisworldball
請按此登錄後留言。未成為會員? 立即註冊