【論盡球員國際版】普巴成1億﹖究竟值唔值﹖

勁好波 於 13/07/2016 發表 收藏文章
呢個球員係邊個﹖呢個球員好唔好﹖呢個球員轉會後仲掂唔掂﹖想知道答案,快啲睇世界波嘅【論盡球員國際版】系列!我哋都歡迎大家提出你哋意見或疑問,或者下次係寫你想知多啲嘅球員!

盛傳曼聯話要用1億英鎊(折合港幣$10.1億)買法國中場,前自己青訓普巴喎~喂,值唔值呀!
洛迪高就覺得唔值!點解﹖

1. 歐國盃踢得差
當然,筆者唔係想利用一個大賽否定一位球員,而普巴亦唔算一無是處,亦相當努力去希望成為大家期待嘅領袖級人馬,結果佢好想做好多野,但反而犧牲咗自己特點,影響埋自己表現。得23歲人嘅佢,面對全國壓力都期望令表現走樣情有可原,咁孭住1億身價呢﹖會唔會有相同情況﹖呢個價碼隨時害咗佢!
1億買晒呢兩位就差唔多~

2. 時間太早
剛啱提到佢得23歲,最大成就都係幫祖雲達斯稱霸意甲!大家都睇到佢係有派路等大哥壓陣時會發揮得更自如,而今年季初普巴無晒大哥下,要自己孭飛就無咁突出喇!(喺法國隊都係~)扔得咁多錢買佢都係想佢孭飛,但筆者就覺得就算真係呢個價轉會,佢而家都未必發揮到「1億」嘅作用,始終佢而家都唔係「巨星」!

3. 曼聯中場
雖然呢單交易一旦成事,象徵意義大過實際意義,意味有錢有摩佬嘅曼聯就算無歐聯踢都好有實力買人,同買一位潛在巨星可以宣示曼聯矢志回復頂級水平,唔會好似利物浦咁皇朝沉淪,不過而家曼聯中場都有好幾位實力戰將,要唔要用1億嚟買多一位中場中路,甚至進攻中場(朗尼下季預想位置)齊齊爭波踢﹖曼迷仲要怕隨時因為普巴性格張揚,可能同一樣個性突出嘅伊巴相撞搞到不和。
伊巴會唔會教普巴做人…

4. 皇馬都唔畀﹖
呢個理由係前法國國腳比堤講嘅,佢呢個理由幾特別,就係話皇馬如果想買一個球員,如果覺得值嘅多多都會畀,而家皇馬好似已經放棄咗買普巴﹖就係指皇馬覺得佢唔值1億。

講咗呢啲理由,其實唔代表普巴唔係一位好球員。相反,洛迪高覺得而家已經有相當實力嘅普巴仲有好多潛力可以喺日後成為巨星,每一隊買到佢,佢都會交到貨,但試諗下,叫你拎1億出嚟買1個人,你會買邊個﹖美斯﹖C朗﹖全盛時期施丹﹖(如果唔係通貨澎漲,普巴真係會貴過當時轉會皇馬嘅施丹﹖)應該都未到普巴卦…洛迪高估價就6千萬已經算係咁了~(睇球會買人功力)其實1億,大可以買多幾個人,等隊波仲完整啦…
買埋簡迪仲可以買多1,2個人,好似係

文:洛迪高

歡迎大家上黎世界波一齊講下波,風花雪月一番
你嘅LIKE係我地嘅原動力
https://www.facebook.com/hereisworldball
最新Instagram :WORLD_FOOTBALLHK

世界波一週年賀生辰送波衫遊戲 : Click入下面件衫留言參加,中獎嘅隨時係你!
https://goo.gl/q3nL9F

如果喜歡我們的文章,請即分享到︰

標籤: 曼聯  普巴  英超  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→