【球壇ICQ-趙俊傑】

勁好波 於 19/08/2015 發表 收藏文章
深受球迷愛戴嘅超聯球星趙俊傑,上季仲效力緊天行元朗,截至訪問依然未有落班消息,球迷們都非常關心佢!世界波就特別訪問咗佢,講東講西咩都講,好似以前ICQ咁!我哋唔只講到佢前景,仲講到點解佢會留長髮!

世:世界波;趙:趙俊傑

世:如果之後有球會下一季想簽你,你會唔會考慮再繼續征戰超聯?
趙:其實之前一直執著於自己是全職及表現應該拿取合理薪金,但不增反減在同一球會過不了自己,亦很燥一班隊友被這樣對待,但亦明白,社會現實,很難有感情講,但那一刻真的好燥,而去季最後一場前亦估計自己不會再踢,因這幾年遇到的已覺灰心,但在老婆,朋友,球迷的支持下亦覺得自己仍狀態良好,想趁仍當打繼續,而現在已經諗住番多兩份工之後繼續踢波,繼續做到喜歡的事,但不抱有好價錢的期望。

世:會否踢低組別聯賽?
趙:次一組別想踢的兩支球隊都不需要我,其實不太有興趣,習慣每天訓練,每星期訓練一次去比賽的方式不太喜歡,除非價錢很高。

世:而家會點KEEP住狀態?
趙:講真很難,職業每天訓練跟自己操是兩件事。

世:如果而家再次效力南華, 有冇信心成功?
趙:成功不敢講,太多好球員,但一定更懂點去面對,多謝之前教導我運動心理學的李老師。


世:今年好多當打既球星退役,點睇呢個現象?
趙:主因係香港球圈習慣球員到某一歲數便被淘汰,如早年,范俊業、陳志康及楊正光等仍然踢得但亦轉為教練,其實球員應看能力,表現同態度去決定是否值得留低,但可惜香港唔係,反而外援就好老都仲可以繼續。

世:點睇最新一季既港超爭標形勢?
趙:傑志始終最好,因夾慣及有一套長期的踢法,比起其他球隊有隊形。

世:點睇近期香港隊主場賽事觀眾席坐滿情況?
趙:好現象,剛好有話題性,但點樣將佢既熱情帶到港超才是重點,始終香港足球最重要的是聯賽,球員收入都是在聯賽。


世:點睇香港嘅老細足球文化?
趙:換角度講,冇佢地點有我地,只是覺得足球應是用球會去運作,不是球隊,即係老闆唔搞唔會散班,會換其他人再搞。

世:如果日後投身教練工作,會比較想教青訓定成人?點解會咁揀?
趙:我貪心^^,兩種都愛,因滿足感不同,教青訓看著他們由零到進步,很有滿足感,教大人同職業就更易明白係所教。如業餘的將他們少時未學過的教到他們,令他們更明白足球;如職業隊帶出成績更可測試自己的執教能力,有挑戰性,而要管理好一隊球隊亦不只是訓練這麼簡單,隊中氣氛,紀律,所有安排更重要,很想將自己的想法建立一隊職業專業的球隊,最好是球會^^

世:點解會一直留長髮嘅?
趙:其實讀書時開始已經是比其他人較長,但到踢波時更長,覺得自己短髮唔好睇,所以長髮了很久,但後來踢大埔時到現在失業都碰巧轉了較短髮,所以應該都唔會再敢剪短了,信下自己條命較合適長髮^^


世:我哋都寫左幾位退役球星既新內容, 但佢地瀏覽量都唔夠你多, 足證阿傑你好受歡迎。你又點睇自己呢?
趙:多謝大家俾面同支持,由大埔開始已經慢慢儲到現在,真係算多人支持,主要應是落場的拚搏與堅持的態度,但可惜未能因被認同而獲得更多!我自己當然開心多人支持,但並沒有因此驕傲,繼續默默耕耘,在此再次多謝大家。

有球迷會架!

世界波祝阿傑嚟緊事事如意喇,事業順利!

歡迎大家上黎世界波一齊講下波,風花雪月一番
你嘅LIKE係我地嘅原動力
https://m.facebook.com/hereisworldball

如果喜歡我們的文章,請即分享到︰

標籤: 趙俊傑  

留言


請按此登錄後留言。未成為會員? 立即註冊
    快捷鍵:←
    快捷鍵:→