講起意大利足球，大家會諗到小世界盃、都靈（祖雲達斯）、米蘭同羅馬。講起羅馬足球，會諗起羅馬、托迪、迪羅斯同卡斯辛奴。咦好似少咗樣野，就係「雄鷹」拉素…
當大家講起末落意甲豪門，會諗起邊一隊﹖費倫天拿﹖帕爾馬﹖意甲「七姊妹」時期大放異彩嘅兩隊，前者而家不時製造驚喜，後者因為財困已暫別頂級聯賽，比起羅馬、國際米蘭嘅輝煌，祖雲達斯嘅壟斷，剩低嘅拉素就再浮再沉，曾經經歷唔少困難，亦曾經稍有起色(2014-15球季排名第3) 但上季又回落到第8位，嚟到今年夏天，拉素終於再成主角，不過卻係因為一齣鬧劇…
瘋狂的比爾沙
唔好話拉素無「上進心」，因為佢哋一早搵定阿根廷「狂人」比爾沙。比爾沙雖然脾氣怪怪地，但教波不嬲有保證，作為一位足球狂人，戰術唔只唔out，仲好識睇餸食飯，唔使點用錢都可以幫到隊波升到lv，仲好擅長資料搜集針對對手排陣，教畢爾包時可以帶到佢哋拎歐霸盃同西班牙盃亞軍，執教馬賽初期仲可以喺法甲追住巴黎。不過頭先講過比爾沙脾氣大，不時同老細嘈交而同球會不歡而去。繼同馬賽老細不和喺開季踢咗第一場就辭職，去到拉素仲誇張，教咗兩日就走，比爾沙就話係因為要球會係開操前起碼要有四個目標球員可以到埗，但結果一個都冇買到喎...本來拉素仲諗住搵比爾沙對足球嘅熱情刺激下對波，點知而家隨時仲衰...雖然而家球會搵咗球隊名宿，之前教學拉素青年軍嘅細恩，施蒙尼恩沙基執教，令士氣不致跌得太勁，但就要睇下細恩功力如何喇!
遲到的買人
雖然失去咗球隊核心兼國家隊主力簡達華(賣去國際米蘭)，但諷刺嘅係喺比爾沙離開後，就開始有新球員加盟，包括同樣踢過國家隊嘅恩莫比利，比利時前鋒盧卡古細佬佐敦盧卡古以及由多蒙特來投嘅年輕中場列拿。
世界波洛迪高相信拉素都會陸續買人，不過最重要係拉素其他重要球員，包括隊長碧基利亞同兩位新星基達以及菲臘比安達臣仲留係度，配合其他實力球好似柏路同盧列治等，當然不志至於沉淪，但對於對上一次贏聯賽已係1999-2000年度嘅拉素(有趣嘅係主帥細恩當時在陣中)，復興之路都有排行，或者將目標放喺歐洲賽資格，再睇下贏唔贏到意大利盃(對上一次奪冠為12-13年度，細恩喺08-09年度都幫球會拎過)，咁樣似乎仲實際。
===========================================================================
歡迎大家上黎世界波一齊講下波，風花雪月一番
你嘅LIKE係我地嘅原動力https://www.facebook.com/hereisworldball
最新Instagram :WORLD_FOOTBALLHK
請按此登錄後留言。未成為會員? 立即註冊