【如何踢波不失霸氣?】花式足球篇三 單人篇

勁好波 於 02/08/2015 發表 收藏文章
筆者寫左兩篇花式足球雙人組合,係時候寫下單人表演者,實在太多人可以寫,一開始都諗左好耐,心血來潮醒起一個扮老人家踢波既廣告,同佢踢既對手就唔係好滋味,但每位旁觀者都津津樂道既...Sean Garnier!

大佬,講完個英文名都唔知佢邊個啦。比個樣大家睇下先..

欣賞下化身老人家的英姿..

認唔認得佢呢?佢既來頭就絕對唔野少,佢係2008年巴西舉行既Red Bull Street World Finals既冠軍,自此開始受人認識,之後連續兩年拎到French Freestyle既冠軍。佢磋波絕對係世界級,基本上對手好難拎到佢個波,玩完一輪就會試下的起 / 通坑渠過人,連夏神都無計,唔信你睇下片。

中國街頭片段

夏神challenge片段

本地薑
香港卧虎藏龍,大家都知,當中花式足球既表表者就一定係近期曝光率好高既..施寶盛 Lyson Sze。

先講銜頭,佢獲得2010全港花式控球挑戰賽冠軍,2014年中國紅牛花式足球(上海站)冠軍,代表出戰世界花式足球世界杯,係首位登上呢個大舞台既華人,能夠同世界排名前16既選手過招。雖然最後贏唔到任何獎項,以第21名完成比賽,但換來既係大眾既掌聲、注目以及支持,依家係花式足球界絕對係一位舉足輕重既代表人物。

佢平時會教小朋友踢波,仲有係香港街頭(旺角、銅鑼灣等)表演,吸引不少圍觀者,有時足球發燒友都忍唔住同佢過兩招,場面墟冚 ,掌聲不絕!呢種以球會友既方式,值得我們尊敬甚至借鏡!

筆者十分欣賞施寶盛,係香港呢個生活壓力咁大既社會體系下,放棄正常既工作,努力咁去追逐自己夢想既人為數不多,當中成功例子更少之有少。佢依家係香港逐漸增加知名度,作為香港花式足球既先鋒,不少球迷(包括筆者在內)都會支持你,希望你能夠培育更多後起之秀,同你一齊為香港花式足球建立更好既基礎,贏取更多既榮譽!

施寶盛精彩表演片段..

花式足球絕對唔係大眾喜好,有時有D街坊仲覺得係玩緊雜耍咁。因為花式足球講求個人表演,以特別招式娛賓;相反,傳統足球講求團隊合作,隊制競技性較強,兩者本質上互走極端。但只要各位運用得宜,學多幾招花式旁身,往往就會幫你係比賽短短幾秒間多了選擇,輕易擺脫對手,為球隊獲得勝利! 係時候,跟各位大師們學野,或者自己自創招式啦! 有特別既過人花式,或者有意見既,不妨留言大家交流下!!

花式足球篇完
資料來源:
1. http://www.sean-garnier.com/biographie.php
2. http://www.redbull.com/en/athletes/1331580266280/sean-garnier
3.http://www.redbull.com/hk/zh/stories/1331658313727/%E6%96%BD%E5%AF%B6%E7%9B%9B%E5%AF%A6%E7%8F%BE%E8%8A%B1%E5%BC%8F%E8%B6%B3%E7%90%83%E4%B8%96%E6%9D%AF%E5%A4%A2-%E8%BC%B8%E4%BA%86%E4%B9%9F%E8%B3%BA%E5%88%B0%E4%BA%86
4. https://www.facebook.com/Hkfreestyler/timeline?ref=page_internal

歡迎大家上黎世界波一齊講下波,風花雪月一番
你嘅LIKE係我地嘅原動力
https://m.facebook.com/hereisworldball

如果喜歡我們的文章,請即分享到︰

標籤: 世界波  花式足球  施寶盛  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→