阿仙奴維持深夜西波傳統，主場迎來韋拉帶領嘅水晶宮，表現不濟，所幸完場前靠拿卡錫迪取回1分。事實上，正如本欄喺過起幾場比賽後指出，阿仙奴雖然近期戰績脫離谷底，但球隊根本問題從來未有解決，分別係(1)前場心臟地帶進攻套路不足，以及(2)後場組織無力應付壓逼，睇完今場波之後，筆者認為上述兩個問題延續，而且可以歸疚於同一個嘅癥結——傳球選擇不足，簡單講就係球員一而再再而三搵唔到隊友接應，咁點樣組織攻勢，點樣後場猜傳？
失誤頻頻全因現位不足
正如之前所講，筆者認為即使阿仙奴早前贏波嘅時候，其實喺前場製造威脅方面，及應付對手壓逼方面，都有不足。近仗嘅不敗走勢，好大程度上係由於己隊陣地戰防守方面有所改善。其實今仗即使失咗兩球，但喺陣地戰時後防已經算稱職，兩個失波都係自己失誤造成「人少打人少」嘅情況之下發生。
要講防守問題的話，兩球都係己方中堅單對單冇俾到對手足夠壓力。關於中堅單防能力同做錯決定嘅問題，本文唔打算多講，大家睇返精華都會知咩事。但點解呢兩個情況會發生？就係自己俾人偷咗個波。
如果係一個人俾人偷波或者交失波，咁係球員個人犯錯，可以唔係戰術問題，但筆者觀察到今場呢個情況已出現喺多位球員身上，而且頻繁發生，種種跡象說明應該唔係巧合咁簡單。其實個問題係傳球選擇不足，一個球員接到傳球之後，抬頭搵極都搵唔到隊友交，要諗要等，決定做慢咗之後對手已經拍到埋身。
柏堤嗰一球，當然佢決定轉身先係致命，但其實佢接波嗰一剎那已經冇任何向前傳波嘅選擇，全部被對手封死，就算右邊有兩個隊友，都係佢傳咗一半身先可以睇到佢哋嘅位置，同時對手已經封死右路，可能柏堤嗰一剎那覺得交落去都係大腳解圍，最後決定轉個波去左路，但被對手偷到。
第二球係盧干加喺前場帶失。類似情況，右路兩個隊友都俾對手睇住，唔係好嘅傳球選擇，於是盧干加稍一遲疑，又俾對手偷波。當然仲有一個問題係佢點解仲嘗試帶右邊呢？作為中場球員，接波前起碼要觀察到身前180度隊友位置，咁佢應該見到中路冇人右路塞車，一接波就可以控個波推返中路，呢點就係個人經驗不足。
雖然兩球都有個人決定出錯嘅情況，但呢個個人決定出錯只係90分鐘內不斷發生嘅其中2次，睇晒全場就會發現阿仙奴球員好多時都搵唔到人交波，冇人幫波，例如尼高拉比比同馬天尼利都試過喺邊路以一敵二，搞咗成10秒，畫面中都冇隊友出現埋去幫（畫面唔係近鏡），當呢啲場面不斷發生，遲早都會俾人逼甩。同時，當球員次次拎波都冇乜傳球對象，自然做決定會慢咗。所以好多教練著重如何喺球賽中不斷製造球員之間嘅「三角形」，自然係為咗製造及確保傳球選擇，當呢啲選擇足夠及清晰，球員相對容易作出決定。
柏堤的最佳拍檔是沙加
講到呢度，固然唔知阿迪達喺度做乜，點解啲人好似一見隊友拎波就走鬼散開咁（如果係踢長傳嘅球隊咁樣做就可以理解），但亦都要講一個可能令人反感及引起誤會嘅意見，就係格列沙加嘅作用。會引起誤會，係因為好多人睇到呢度就會以為筆者係格列沙加嘅死忠，因為坊間對佢嘅評價相當兩極，好容易墮入非黑即白嘅陷阱。
事實上，筆者絕非、絕非、絕非格列沙加嘅死忠，相反小弟對沙加係偏負面評價，一直希望球隊可以將佢賣出，因為佢嘅重大缺點係顯然易見嘅，出腳魯莽、防守動作大、易領牌、轉身慢，始終覺得英超節奏唔太適合佢，筆者絕對希望球隊可以喺呢個位置上搵到升級版。不過實話實說，點解由雲加、艾馬利、阿迪達，以至瑞士國家隊，多年嚟都重用佢，自然係有佢嘅優點，大家都知道佢喺球隊嘅主要作用係中後場組織及控制節奏，其實咁講係好籠統，只要睇一睇呢幾場阿仙奴嘅問題就會明白佢嘅作用。
喺對諾域治、般尼同白禮頓呢兩場波賽後，筆者都指出，阿仙奴面對對手前場壓逼，完全無力應對，其中復出後表現出色嘅柏堤，其實喺呢一方面表現係較為令人失望。因為大家都知道柏堤唔係純掃盪型防中，佢係有一定腳下功夫及組織能力，但呢幾場比賽中，對手明顯透過孤立佢去減低阿仙奴中後場組織能力，而且相當成功，但柏堤表現得十分被動，佢冇嘗試改變自己當下位置，去現返個位出嚟，而呢個問題其實一直帶到落今場，仍然見到柏堤喺現位方面較弱。亦都可以話，柏堤助攻助守，兼顧唔到太多，的確係，只係以柏堤嘅角色及技術特點嚟睇，對佢有呢個期望其實係合理（年輕嘅盧干加固然火候未到，表現麻麻）。但講咁多唔係要批評柏堤，因為佢必然係阿仙奴中場嘅鐵膽，筆者亦相當喜歡柏堤，只係想講強如柏堤都有佢嘅短板，而拼圖缺少嘅一塊，不情願地講，現時只能夠係格列沙加（希望未來唔係）。另一方面，縱使筆者再不喜歡沙加，亦無法否定佢嘅作用，反而只可以無奈感嘆：阿仙奴居然要靠沙加……
細心嘅讀者會留意到，小弟講阿仙奴破唔到壓逼嘅問題，中間對熱刺嘅勝仗係冇講，因為呢個問題唯獨喺嗰場波入面冇乜出現，而剛巧嗰場波嘅中場組合係柏堤配沙加。的確，該仗阿仙奴主要係靠反擊入球，唔算係靠後場組織，但防守後擊都要由後場策動，沙加又有冇功勞呢？其實，沙加對於喺中場及後場現位拎波嘅意識係相對地好。大膽講句，喺兩幅傳球選擇嘅圖中，沙加正正慣常出現喺圖中無人地帶。
現時因為沙加養傷，阿迪達不論派奧迪加特或盧干加到同一位置，都唔係做緊/做到沙加做嘅嘢。喺盧干加配柏堤嘅情況下，其實係要求柏堤做沙加嘅工作，盧干加做返柏堤嘅工作，而柏堤本身踢法比較box to box，喺後場作為支點參與傳控嘅意識似乎有所欠缺。筆者並冇選擇性忽視開季頭三場嘅慘敗係有沙加在陣呢個事實，但睇返陣容的話，其實今季嘅柏堤，係只有對熱刺一仗同沙加拍檔，前三場係有沙加冇柏堤，其餘時間係有柏堤冇沙加。
沙加養傷不如起用青年軍？
前面講過，傳球選擇不足係阿仙奴近仗不斷出現嘅問題，其實唔係換一個球員就可以根治，講到底係「體系」、「套路」問題，係可以透過操練走位配位提升嘅。不過，有時候球員個人能力的確可以解決到部分問題。因為沙加落返場，唔只係多一個傳球點嘅問題，而係柏堤都會解放返。球員能力嗰部分，除咗沙加，仲有拿卡錫迪嘅配合作用都係立竿見影，呢點本欄已經唔係第一次講，留返下次有機會再詳談。如果話拿卡錫迪係前場支點，咁沙加就係中後場支點，唔係佢好唔好波咁簡單，而係技術特點、意識、習慣嘅問題。正如世上只有一個派路，不過你會搵到冇派路咁好波，但踢法類似嘅劣化版派路。當然唔係每一個體系都必須要有一個「墮後組織中場」(deeplying playmaker)，但由雲加、艾馬利、阿迪達之所以要用沙加，係因為佢哋大致上都行緊呢一條路，而今日陣中係只有沙加係呢一類型。
如果青年軍中嘅阿施斯（Miguel Azeez）或者柏天奴（Charlie Patino）可以做到呢個效果，當然係最好。如果要喺市場上搵，相信係要搵一個「佐真奴類型」（注意係類型）嘅中場。題外話，最近見過有不可靠轉會傳聞聲稱阿仙奴正關注拿玻里嘅法比安雷斯（Fabián Ruiz），但肯定唔平同埋有更強嘅球隊想爭（唔怕尷尬講句，小弟試過打機買佢去阿仙奴取代沙加）。
喺上述事件都未發生之前，現階段陣中最佳中場組合，無疑係沙加搭柏堤，係冇辦法中最好嘅辦法。煩惱在於官方9 月底宣布沙加因膝傷缺陣約3個月，即係話不論你喜歡或討厭佢，都可以暫時忘記佢。咁仲可以點？教練又換唔到，人又未有得買（亦未必會買），重新啟用前場支點拿卡錫迪可以解決前面嘅問題。至於後面，不如大膽啲玩盡佢，俾柏天奴（阿施斯已外借）試吓？最佳機會：10月26日聯賽盃對列斯聯。
失誤頻頻全因現位不足
正如之前所講，筆者認為即使阿仙奴早前贏波嘅時候，其實喺前場製造威脅方面，及應付對手壓逼方面，都有不足。近仗嘅不敗走勢，好大程度上係由於己隊陣地戰防守方面有所改善。其實今仗即使失咗兩球，但喺陣地戰時後防已經算稱職，兩個失波都係自己失誤造成「人少打人少」嘅情況之下發生。
要講防守問題的話，兩球都係己方中堅單對單冇俾到對手足夠壓力。關於中堅單防能力同做錯決定嘅問題，本文唔打算多講，大家睇返精華都會知咩事。但點解呢兩個情況會發生？就係自己俾人偷咗個波。
如果係一個人俾人偷波或者交失波，咁係球員個人犯錯，可以唔係戰術問題，但筆者觀察到今場呢個情況已出現喺多位球員身上，而且頻繁發生，種種跡象說明應該唔係巧合咁簡單。其實個問題係傳球選擇不足，一個球員接到傳球之後，抬頭搵極都搵唔到隊友交，要諗要等，決定做慢咗之後對手已經拍到埋身。
柏堤嗰一球，當然佢決定轉身先係致命，但其實佢接波嗰一剎那已經冇任何向前傳波嘅選擇，全部被對手封死，就算右邊有兩個隊友，都係佢傳咗一半身先可以睇到佢哋嘅位置，同時對手已經封死右路，可能柏堤嗰一剎那覺得交落去都係大腳解圍，最後決定轉個波去左路，但被對手偷到。
第二球係盧干加喺前場帶失。類似情況，右路兩個隊友都俾對手睇住，唔係好嘅傳球選擇，於是盧干加稍一遲疑，又俾對手偷波。當然仲有一個問題係佢點解仲嘗試帶右邊呢？作為中場球員，接波前起碼要觀察到身前180度隊友位置，咁佢應該見到中路冇人右路塞車，一接波就可以控個波推返中路，呢點就係個人經驗不足。
雖然兩球都有個人決定出錯嘅情況，但呢個個人決定出錯只係90分鐘內不斷發生嘅其中2次，睇晒全場就會發現阿仙奴球員好多時都搵唔到人交波，冇人幫波，例如尼高拉比比同馬天尼利都試過喺邊路以一敵二，搞咗成10秒，畫面中都冇隊友出現埋去幫（畫面唔係近鏡），當呢啲場面不斷發生，遲早都會俾人逼甩。同時，當球員次次拎波都冇乜傳球對象，自然做決定會慢咗。所以好多教練著重如何喺球賽中不斷製造球員之間嘅「三角形」，自然係為咗製造及確保傳球選擇，當呢啲選擇足夠及清晰，球員相對容易作出決定。
柏堤的最佳拍檔是沙加
講到呢度，固然唔知阿迪達喺度做乜，點解啲人好似一見隊友拎波就走鬼散開咁（如果係踢長傳嘅球隊咁樣做就可以理解），但亦都要講一個可能令人反感及引起誤會嘅意見，就係格列沙加嘅作用。會引起誤會，係因為好多人睇到呢度就會以為筆者係格列沙加嘅死忠，因為坊間對佢嘅評價相當兩極，好容易墮入非黑即白嘅陷阱。
事實上，筆者絕非、絕非、絕非格列沙加嘅死忠，相反小弟對沙加係偏負面評價，一直希望球隊可以將佢賣出，因為佢嘅重大缺點係顯然易見嘅，出腳魯莽、防守動作大、易領牌、轉身慢，始終覺得英超節奏唔太適合佢，筆者絕對希望球隊可以喺呢個位置上搵到升級版。不過實話實說，點解由雲加、艾馬利、阿迪達，以至瑞士國家隊，多年嚟都重用佢，自然係有佢嘅優點，大家都知道佢喺球隊嘅主要作用係中後場組織及控制節奏，其實咁講係好籠統，只要睇一睇呢幾場阿仙奴嘅問題就會明白佢嘅作用。
喺對諾域治、般尼同白禮頓呢兩場波賽後，筆者都指出，阿仙奴面對對手前場壓逼，完全無力應對，其中復出後表現出色嘅柏堤，其實喺呢一方面表現係較為令人失望。因為大家都知道柏堤唔係純掃盪型防中，佢係有一定腳下功夫及組織能力，但呢幾場比賽中，對手明顯透過孤立佢去減低阿仙奴中後場組織能力，而且相當成功，但柏堤表現得十分被動，佢冇嘗試改變自己當下位置，去現返個位出嚟，而呢個問題其實一直帶到落今場，仍然見到柏堤喺現位方面較弱。亦都可以話，柏堤助攻助守，兼顧唔到太多，的確係，只係以柏堤嘅角色及技術特點嚟睇，對佢有呢個期望其實係合理（年輕嘅盧干加固然火候未到，表現麻麻）。但講咁多唔係要批評柏堤，因為佢必然係阿仙奴中場嘅鐵膽，筆者亦相當喜歡柏堤，只係想講強如柏堤都有佢嘅短板，而拼圖缺少嘅一塊，不情願地講，現時只能夠係格列沙加（希望未來唔係）。另一方面，縱使筆者再不喜歡沙加，亦無法否定佢嘅作用，反而只可以無奈感嘆：阿仙奴居然要靠沙加……
細心嘅讀者會留意到，小弟講阿仙奴破唔到壓逼嘅問題，中間對熱刺嘅勝仗係冇講，因為呢個問題唯獨喺嗰場波入面冇乜出現，而剛巧嗰場波嘅中場組合係柏堤配沙加。的確，該仗阿仙奴主要係靠反擊入球，唔算係靠後場組織，但防守後擊都要由後場策動，沙加又有冇功勞呢？其實，沙加對於喺中場及後場現位拎波嘅意識係相對地好。大膽講句，喺兩幅傳球選擇嘅圖中，沙加正正慣常出現喺圖中無人地帶。
現時因為沙加養傷，阿迪達不論派奧迪加特或盧干加到同一位置，都唔係做緊/做到沙加做嘅嘢。喺盧干加配柏堤嘅情況下，其實係要求柏堤做沙加嘅工作，盧干加做返柏堤嘅工作，而柏堤本身踢法比較box to box，喺後場作為支點參與傳控嘅意識似乎有所欠缺。筆者並冇選擇性忽視開季頭三場嘅慘敗係有沙加在陣呢個事實，但睇返陣容的話，其實今季嘅柏堤，係只有對熱刺一仗同沙加拍檔，前三場係有沙加冇柏堤，其餘時間係有柏堤冇沙加。
沙加養傷不如起用青年軍？
前面講過，傳球選擇不足係阿仙奴近仗不斷出現嘅問題，其實唔係換一個球員就可以根治，講到底係「體系」、「套路」問題，係可以透過操練走位配位提升嘅。不過，有時候球員個人能力的確可以解決到部分問題。因為沙加落返場，唔只係多一個傳球點嘅問題，而係柏堤都會解放返。球員能力嗰部分，除咗沙加，仲有拿卡錫迪嘅配合作用都係立竿見影，呢點本欄已經唔係第一次講，留返下次有機會再詳談。如果話拿卡錫迪係前場支點，咁沙加就係中後場支點，唔係佢好唔好波咁簡單，而係技術特點、意識、習慣嘅問題。正如世上只有一個派路，不過你會搵到冇派路咁好波，但踢法類似嘅劣化版派路。當然唔係每一個體系都必須要有一個「墮後組織中場」(deeplying playmaker)，但由雲加、艾馬利、阿迪達之所以要用沙加，係因為佢哋大致上都行緊呢一條路，而今日陣中係只有沙加係呢一類型。
如果青年軍中嘅阿施斯（Miguel Azeez）或者柏天奴（Charlie Patino）可以做到呢個效果，當然係最好。如果要喺市場上搵，相信係要搵一個「佐真奴類型」（注意係類型）嘅中場。題外話，最近見過有不可靠轉會傳聞聲稱阿仙奴正關注拿玻里嘅法比安雷斯（Fabián Ruiz），但肯定唔平同埋有更強嘅球隊想爭（唔怕尷尬講句，小弟試過打機買佢去阿仙奴取代沙加）。
喺上述事件都未發生之前，現階段陣中最佳中場組合，無疑係沙加搭柏堤，係冇辦法中最好嘅辦法。煩惱在於官方9 月底宣布沙加因膝傷缺陣約3個月，即係話不論你喜歡或討厭佢，都可以暫時忘記佢。咁仲可以點？教練又換唔到，人又未有得買（亦未必會買），重新啟用前場支點拿卡錫迪可以解決前面嘅問題。至於後面，不如大膽啲玩盡佢，俾柏天奴（阿施斯已外借）試吓？最佳機會：10月26日聯賽盃對列斯聯。
請按此登錄後留言。未成為會員? 立即註冊