「喊出黎」史上最搵笨柒既足球game——FIFA@PSV/PSP

如果FIFA@PS4係眾所周知既好玩，咁PSV版本既FIFA一定係山寨版，可能連山寨版都不如，個種廢唔講得唔笑。我唔係同你講個手感同PS4有幾大差距，而係Game入面太唔真實啦，錯漏百出。





FIFA Ultimate Team係FIFA一大特色，可以喺轉會市場買賣球星等等。你拎部垃圾IPad download FIFA，都有得玩呢個模式，但係PSV版本竟然係冇。我都唔明，PS4同PSV到底係咪同父異母既關係？定PS4係長子嫡孫，PSV係死野種？點撚解同 一隻game，喺家用機同手提機可以有咁大出入？




OK Fine，冇Ultimate Team，我最多唔撚柒買賣啫，咁我揀愛隊得啦掛。仆你個臭街，我隊列斯聯，青訓球員冇，正選球員冇圖，部分名中間粒字仲要係亂碼，英冠最佳學徒球員 Lewis Cook冇樣，已經佔據主力既Alex Mowatt冇樣，外借出去已經歸隊既Charlie Taylor直頭人間蒸發唔見咗，資料咁唔齊全。奇怪在於，PS4版本既列斯聯，係齊人兼有相。





球員慶祝永遠係走去角旗位置，黎黎去去都係成班人搭曬膊頭或者倒地冚棉胎，一d真實感都冇，好似成班機械人咁。




OK，咁作為一隻足球game，起碼都要尊重下足球先啦，睇開波既球迷唔多唔少都會知道球證基本判罰。如果有人犯規，係先吹雞暫停，再行埋去俾牌，而唔係 當個波出咗界，球證先悠悠然過黎俾牌，完全係無厘頭俾牌兼冇重播。我唔撚知個球員係摸人賓周呀係插人屎眼呀，我只係知道明明個攻勢去到落底傳中被擋出界， 個球證先黎俾牌俾企係禁區外既球員。





仲有個個3秒冷靜期，即係話犯規唔撚即刻吹停，無論幾兇狠都好，個球員係唔會受傷，個球隊係有權繼續比賽既，進攻得益呀嘛，但係奇怪在於個3秒時間，你唔 吹暫停，當個球員繼續帶波扭失咗，先黎吹停。成件事真係好on9，都唔明個球證想點撚樣。不過，遊戲入面既FIFA球證判罰有冇越位，係準確過現實球證好 多，唯一值得讃既。




英冠冠軍係咪應該升上英超先？英超冠軍係咪應該踢歐聯先？點撚知，係冇呢回事，聯賽落幕，之後就重新黎過。我辛辛苦苦帶住列斯聯拎到冠軍，但升班被拒，遊 戲發展商有冇諗過咁樣做好Hurt人？我辛辛苦苦儲錢買PSV就係為咗打FIFA，我打FIFA就係為咗帶領列斯聯升班。家陣唯一樂趣都被剝奪埋。我望住 部PSV同垃圾FIFA，我望唔透，到底點解要出隻game玩鳩我地呢班球迷？





鬼唔知PS4好咩？但PS4只能夠喺屋企玩，仲要貴多一倍，屋企部電腦如果太舊，玩PS4又係折磨黎。我買PSV無非喺想感受下FIFA既氣氛，點知貨不對板，仲要當正版掠水，家下好啦，FIFA16都唔撚出啦。好似我等球迷玩家，真係俾FIFA玩撚死。




早知踏實地用電話玩FIFA好過，反正係過下手癮，但有得玩Ultimate Team，資料未必齊全，但球證唔會咁on9呀嘛。



屌你老母，出PSV版本FIFA既人真係好撚殘忍。Hea爆出品，玩殘我等窮窮地既球迷，早知你PSV版本既FIFA咁廢，我拎千幾蚊去All in利物浦拎英超冠軍冇咁嬲。
奉勸各位一句，PSV既FIFA，簡直係噩夢黎，唔好中伏呀！

【課金贊助亞臣計劃】每個月又得，一次性又得，不定期亦得。

https://www.facebook.com/…/a.674708342652…/849198435203516/…