十位一見你就笑既球星
【奧巴坦，賓特拿，巴神，謝雲奴，麥斯盧比斯，泰利，祖爾巴頓，大衛雷斯，丹迪，伊保爾】
1：奧巴坦
「 雖無犯過，面目可憎。」坦白講，奧巴坦既外貌的確好抽象，即好似黃子華話齋，個鼻好似唔應該擺個個位，個咀又好似唔應該擺個個位……如果奧巴坦去做喜劇演員我覺得一定成功過做足球員，天生個樣係散發喜劇色彩，佢個樣抽象，又生得牛高馬大，正當我地想去關注佢既球技，又發覺佢成日扭失波，或者拎住個波邊靠界外線前走，傳又傳得唔多好，到底想點拿樣呀救命！總之奧巴坦成個人俾人感覺就係gag味濃郁，退役後不妨仿效Mr.Bean做喜劇演員，真係可能殺出一條血路。
2：賓特拿
比起奧巴坦，賓特拿靚仔太多，但靚仔唔代表唔可以搞笑，賓特拿就好似馬德鐘同馬國明咁，靚仔得黎又會帶有一種on9仔既氣質，呢種好反差既現象令佢本身既喜劇色彩更加濃厚，如果佢低調尚可，或者不至於被瘋狂抽水，偏偏佢又太有自信，十足十阿舜咁，所以咪俾人瘋狂恥笑，而賓特拿曾經試過近門擋出隊友既必入球，數下手指都唔少蝦碌鏡頭，咁的確係好難唔俾人笑，希望佢以後少說話努力地踢好波，而我睇佢喺丹麥國家隊，佢就的確幾有大哥風範，所以只要低調d，以後咪冇咁多人笑佢lor。
3：巴神
經典人物巴洛迪利，有關佢既趣事多不勝數，我印象最深係佢唔識著練波既龜背，同埋佢單刀個陣選擇「 思考人生」既方式漫步，結果球波射得冇力水被門將沒收。巴神年紀輕輕，言論有時搞笑得黎又會忽然幾智者feel，例如佢曾經提及前鋒入波冇需要慶祝，就算郵差派信咁，冇乜咁出奇。哈哈哈哈，巴洛迪利，佢勝在天賦高過賓特拿，成就亦看似高D，所以未達到賓特拿個種被抽水既高度。
4：謝雲奴
謝生又係慘D既，明明個樣就唔算太奇特，衰在個髮型奇特，例如冇前陰，成個額頭曬出黎，俾人感覺好搞笑，而且佢效力阿仙奴個陣出彩次數唔多，卻被指鐘意過多盤盤，嚴格黎講，謝雲奴係唔差，係個個髮型累咗佢，謝雲奴既出現，令到其他球星明白到髮型既重要性。男人老狗個髮型唔得，真係慘過死。
5：麥斯盧比斯
我成世都記得佢，冇辦法，鬼叫佢入車仔波咩，佢當年效力巴塞個陣，04-05賽季歐聯十六強首回合，佢後備上陣省2粒擊敗車仔，好彩車仔次回合收復失地得以晉級，如果唔係我一定嬲死佢。講返佢點解搞笑，其實佢都幾慘，以為前途一片光明，點知第二個賽季，成隊波基本上人才盡出，細哨伊度奧同美斯，三個前鋒擺喺度，邊輪到麥斯盧比斯呀？巴塞B隊仲有保贊添，所以呀麥生從此成為魯營球場既大茄，而巴塞喺06年奪得歐聯冠軍，呀麥生成功搶鏡，明明係2打6，慶祝起黎仲High過班主力，都咪話唔惹人發笑。麥生靚仔得黎都叫唔算on9，發展唔算好成功但都叫不過不失，起碼好多人願意俾佢落班，點知2013年爆出前森多利亞隊友莫路伊卡迪偷食自己老婆既新聞，呀麥生卻淡定有錢剩地回應唔追究，雖然好有忍耐力，但網民都對此笑到收唔到聲，點知世事既野真係估佢唔到，勾人老婆既莫路伊卡迪喺14-15賽季勇奪意甲神射手殊榮，前途一片光明，而麥生就繼續喺意大利耕耘，時也，命也。
順便一提，奪冠慶祝太over既仲有保辛華，2012奪得歐聯冠軍，佢就好似隊長咁爭住拎個獎杯，仲要喺霸佔喺手直到影埋大合照都唔放手，簡直係史上搶鏡最成功既球星。
6：泰利
貴為世界一流既中堅，泰利既能力不容置疑，但泰利生性好賭又風流喜愛四周圍播種，加上本身有一種傻大哥既氣質，其實有時都幾搞笑。例如有一次唔小心搞咗好友布歷治既老婆，就俾英國奉為大新聞，效力曼城既布歷治喺迎戰車路士個陣就拒絕同泰利握手，場面尷尬得黎又好似帶有一種搞爛gag後既笑，當然泰利本身既氣質先可以令到好多平平無奇既事情變成可笑，又例如07-08賽季歐聯決賽，車仔同曼聯鬥到最後要用十二碼分出勝負，泰利主射第五球，入咗就捧杯，點知泰利冼腳射中柱，之後安歷卡又射失，曼聯得以封王，當時我就喊到收唔到聲，若干年後想起呢單野，其實配合返泰利既特質嗎，成件事當喜劇咁睇都不失為一種忘掉傷痛既途徑。
7：祖爾巴頓
一見到祖爾巴頓，我就知道有大事發生，祖爾巴頓既兇狠唔係話瞪大隻眼，作為一個出色既偶像實力派，祖爾巴頓每一次犯規我都覺得佢係帶住目的，就好似壞學生鐘意整蠱先生咁，佢嘴角似乎總帶著一絲陰笑，因此佢每一次都係想陰人地而令到自己隊有所得益，d犯規似係精心部署，唔係魯莽犯規，佢呢種唔聲唔聲既球員先得人驚，祖爾巴頓個樣子討好，做起壞事上黎唔會令人太討厭佢，如果佢去拍戲我覺得真係fit曬，例如做蝙蝠俠入面既小丑失散咗既細佬，個格都幾似，陰陰地笑呀個種lor，而祖爾巴頓每次落場同人埋身肉搏，都奮不顧身，佢眼中唔會有個驚字，所以睇祖爾巴頓，就隨時要做好睇動作片既準備，巴頓既好笑就好似周星馳電影入面咁，有周星馳既無厘頭吳孟達既搞鬼黃一飛既木納等等，幾種搞笑溝埋一齊咪好笑，巴頓既喜劇色彩體現喺佢出場隨時都有驚喜，係令人喜出望外既笑，尤其係場波悶悶地有佢出黎撩人隻抽，都咪話唔過癮，滿足花生友既需求，巴頓絕對做得到。
8：大衛雷斯
車迷應該好難會認同佢係一個好中堅，非車迷就更加唔會認同佢係好中堅，佢係有得分能力，防守又唔算太差，但仲俾人感覺係炸彈，加上佢本人熱愛搞氣氛搞gag，所以去既搞笑程度好大原因係佢自己一手創造，娛己娛人，有人好鐘意佢，但我見到佢，我永遠係笑聲大於掌聲。
9：丹迪
巴西隊，歷史上應該唯一一次係由兩個爆炸頭組成中堅組合，丹迪遇上大衛雷斯就創造歷史，2014年世界杯四強俾德國隊7:1血洗，忘掉受過的傷，重新的出發，丹迪就好似係黑仔代言人，喺拜仁每次失利都係有佢份，慌失失奇兵一定係丹迪，防守時個種騰雞，係我覺得丹迪哥最應該改善既地方，失驚冇神就擺埋烏龍添，你話啦，丹迪哥，我見到你真係忍笑很困難。
10：伊保爾
謝雲奴既同鄉伊保爾就係不折不扣既球壇大娛樂家，我覺得伊保爾真係僅次於細哨既快樂足球掌門人，佢從慶祝動作到私底下，都係一個搞笑盞鬼既球星，亦係呢十人名單當中最正面帶給別人快樂既球星。佢係想盡辦法去討好隊友同球迷，個種好笑唔係因為滑稽，而係真心得人鐘意，搞笑之餘，佢踢阿記個陣我都覺得佢幾勁。
https://www.youtube.com/watch?v=R8r1KXc4NYM
https://www.youtube.com/watch?v=HnlgHGQeAn0
https://www.youtube.com/watch?v=Vx-kmhRf2Jk
https://www.youtube.com/watch?v=R1zmODae4Vw
My page：https://www.facebook.com/footballtellhistory
PS：純粹借位收藏我文章，請不要轉載，本人無稀罕fanpiece的稿費，本人痛恨其他fanpiece騙取稿費的人。
【奧巴坦，賓特拿，巴神，謝雲奴，麥斯盧比斯，泰利，祖爾巴頓，大衛雷斯，丹迪，伊保爾】
1：奧巴坦
「 雖無犯過，面目可憎。」坦白講，奧巴坦既外貌的確好抽象，即好似黃子華話齋，個鼻好似唔應該擺個個位，個咀又好似唔應該擺個個位……如果奧巴坦去做喜劇演員我覺得一定成功過做足球員，天生個樣係散發喜劇色彩，佢個樣抽象，又生得牛高馬大，正當我地想去關注佢既球技，又發覺佢成日扭失波，或者拎住個波邊靠界外線前走，傳又傳得唔多好，到底想點拿樣呀救命！總之奧巴坦成個人俾人感覺就係gag味濃郁，退役後不妨仿效Mr.Bean做喜劇演員，真係可能殺出一條血路。
2：賓特拿
比起奧巴坦，賓特拿靚仔太多，但靚仔唔代表唔可以搞笑，賓特拿就好似馬德鐘同馬國明咁，靚仔得黎又會帶有一種on9仔既氣質，呢種好反差既現象令佢本身既喜劇色彩更加濃厚，如果佢低調尚可，或者不至於被瘋狂抽水，偏偏佢又太有自信，十足十阿舜咁，所以咪俾人瘋狂恥笑，而賓特拿曾經試過近門擋出隊友既必入球，數下手指都唔少蝦碌鏡頭，咁的確係好難唔俾人笑，希望佢以後少說話努力地踢好波，而我睇佢喺丹麥國家隊，佢就的確幾有大哥風範，所以只要低調d，以後咪冇咁多人笑佢lor。
3：巴神
經典人物巴洛迪利，有關佢既趣事多不勝數，我印象最深係佢唔識著練波既龜背，同埋佢單刀個陣選擇「 思考人生」既方式漫步，結果球波射得冇力水被門將沒收。巴神年紀輕輕，言論有時搞笑得黎又會忽然幾智者feel，例如佢曾經提及前鋒入波冇需要慶祝，就算郵差派信咁，冇乜咁出奇。哈哈哈哈，巴洛迪利，佢勝在天賦高過賓特拿，成就亦看似高D，所以未達到賓特拿個種被抽水既高度。
4：謝雲奴
謝生又係慘D既，明明個樣就唔算太奇特，衰在個髮型奇特，例如冇前陰，成個額頭曬出黎，俾人感覺好搞笑，而且佢效力阿仙奴個陣出彩次數唔多，卻被指鐘意過多盤盤，嚴格黎講，謝雲奴係唔差，係個個髮型累咗佢，謝雲奴既出現，令到其他球星明白到髮型既重要性。男人老狗個髮型唔得，真係慘過死。
5：麥斯盧比斯
我成世都記得佢，冇辦法，鬼叫佢入車仔波咩，佢當年效力巴塞個陣，04-05賽季歐聯十六強首回合，佢後備上陣省2粒擊敗車仔，好彩車仔次回合收復失地得以晉級，如果唔係我一定嬲死佢。講返佢點解搞笑，其實佢都幾慘，以為前途一片光明，點知第二個賽季，成隊波基本上人才盡出，細哨伊度奧同美斯，三個前鋒擺喺度，邊輪到麥斯盧比斯呀？巴塞B隊仲有保贊添，所以呀麥生從此成為魯營球場既大茄，而巴塞喺06年奪得歐聯冠軍，呀麥生成功搶鏡，明明係2打6，慶祝起黎仲High過班主力，都咪話唔惹人發笑。麥生靚仔得黎都叫唔算on9，發展唔算好成功但都叫不過不失，起碼好多人願意俾佢落班，點知2013年爆出前森多利亞隊友莫路伊卡迪偷食自己老婆既新聞，呀麥生卻淡定有錢剩地回應唔追究，雖然好有忍耐力，但網民都對此笑到收唔到聲，點知世事既野真係估佢唔到，勾人老婆既莫路伊卡迪喺14-15賽季勇奪意甲神射手殊榮，前途一片光明，而麥生就繼續喺意大利耕耘，時也，命也。
順便一提，奪冠慶祝太over既仲有保辛華，2012奪得歐聯冠軍，佢就好似隊長咁爭住拎個獎杯，仲要喺霸佔喺手直到影埋大合照都唔放手，簡直係史上搶鏡最成功既球星。
6：泰利
貴為世界一流既中堅，泰利既能力不容置疑，但泰利生性好賭又風流喜愛四周圍播種，加上本身有一種傻大哥既氣質，其實有時都幾搞笑。例如有一次唔小心搞咗好友布歷治既老婆，就俾英國奉為大新聞，效力曼城既布歷治喺迎戰車路士個陣就拒絕同泰利握手，場面尷尬得黎又好似帶有一種搞爛gag後既笑，當然泰利本身既氣質先可以令到好多平平無奇既事情變成可笑，又例如07-08賽季歐聯決賽，車仔同曼聯鬥到最後要用十二碼分出勝負，泰利主射第五球，入咗就捧杯，點知泰利冼腳射中柱，之後安歷卡又射失，曼聯得以封王，當時我就喊到收唔到聲，若干年後想起呢單野，其實配合返泰利既特質嗎，成件事當喜劇咁睇都不失為一種忘掉傷痛既途徑。
7：祖爾巴頓
一見到祖爾巴頓，我就知道有大事發生，祖爾巴頓既兇狠唔係話瞪大隻眼，作為一個出色既偶像實力派，祖爾巴頓每一次犯規我都覺得佢係帶住目的，就好似壞學生鐘意整蠱先生咁，佢嘴角似乎總帶著一絲陰笑，因此佢每一次都係想陰人地而令到自己隊有所得益，d犯規似係精心部署，唔係魯莽犯規，佢呢種唔聲唔聲既球員先得人驚，祖爾巴頓個樣子討好，做起壞事上黎唔會令人太討厭佢，如果佢去拍戲我覺得真係fit曬，例如做蝙蝠俠入面既小丑失散咗既細佬，個格都幾似，陰陰地笑呀個種lor，而祖爾巴頓每次落場同人埋身肉搏，都奮不顧身，佢眼中唔會有個驚字，所以睇祖爾巴頓，就隨時要做好睇動作片既準備，巴頓既好笑就好似周星馳電影入面咁，有周星馳既無厘頭吳孟達既搞鬼黃一飛既木納等等，幾種搞笑溝埋一齊咪好笑，巴頓既喜劇色彩體現喺佢出場隨時都有驚喜，係令人喜出望外既笑，尤其係場波悶悶地有佢出黎撩人隻抽，都咪話唔過癮，滿足花生友既需求，巴頓絕對做得到。
8：大衛雷斯
車迷應該好難會認同佢係一個好中堅，非車迷就更加唔會認同佢係好中堅，佢係有得分能力，防守又唔算太差，但仲俾人感覺係炸彈，加上佢本人熱愛搞氣氛搞gag，所以去既搞笑程度好大原因係佢自己一手創造，娛己娛人，有人好鐘意佢，但我見到佢，我永遠係笑聲大於掌聲。
9：丹迪
巴西隊，歷史上應該唯一一次係由兩個爆炸頭組成中堅組合，丹迪遇上大衛雷斯就創造歷史，2014年世界杯四強俾德國隊7:1血洗，忘掉受過的傷，重新的出發，丹迪就好似係黑仔代言人，喺拜仁每次失利都係有佢份，慌失失奇兵一定係丹迪，防守時個種騰雞，係我覺得丹迪哥最應該改善既地方，失驚冇神就擺埋烏龍添，你話啦，丹迪哥，我見到你真係忍笑很困難。
10：伊保爾
謝雲奴既同鄉伊保爾就係不折不扣既球壇大娛樂家，我覺得伊保爾真係僅次於細哨既快樂足球掌門人，佢從慶祝動作到私底下，都係一個搞笑盞鬼既球星，亦係呢十人名單當中最正面帶給別人快樂既球星。佢係想盡辦法去討好隊友同球迷，個種好笑唔係因為滑稽，而係真心得人鐘意，搞笑之餘，佢踢阿記個陣我都覺得佢幾勁。
https://www.youtube.com/watch?v=R8r1KXc4NYM
https://www.youtube.com/watch?v=HnlgHGQeAn0
https://www.youtube.com/watch?v=Vx-kmhRf2Jk
https://www.youtube.com/watch?v=R1zmODae4Vw
My page：https://www.facebook.com/footballtellhistory
PS：純粹借位收藏我文章，請不要轉載，本人無稀罕fanpiece的稿費，本人痛恨其他fanpiece騙取稿費的人。
請按此登錄後留言。未成為會員? 立即註冊