薪火相傳-德國後衛既浪漫：從福士到高拿 精選

1974年，西德奪得世界盃冠軍；1990年，西德再次奪得世界盃冠軍；而冥冥中令到荷蘭隊無法擺脫「二奶命」既人，就係福士/高拿領銜既西德隊。

荷蘭隊出過兩位標誌性既曠世奇才，一個係告老夫，一個係雲巴士頓。冇人會質疑佢地既球王地位，佢地都係各自時代既天之驕子。text然而「一物治一物，無人係無敵」，最鋒利既茅最終都俾最堅硬既盾擊敗—1974年世盃決賽福士完美凍結告老夫；1990年世盃十六強高拿封殺雲巴士頓，就係咁，令到兩代華麗既荷蘭隊淪為歷史上淒美既碎片，那麼美，卻那麼令人惋惜。
雖然74年西德隊同90年西德隊高手雲集，但如果冇福士同高拿強橫既表演，恐怕西德隊未必可以奪冠，事關荷蘭呢舊「豬骨頭」堪稱史上最強。

74年被公認係大熱門，告老夫+尼斯堅斯掀起「全攻全守」既風暴席捲歐洲，雖然德國隊當時仲有「教父」碧根鮑華同「轟炸機」蓋德梅拿，但真係「五五波」甚至「四六」波，全靠福士呢支後防「定海神針」頂住，「教父」先放膽上去指揮同進攻，結果2：1險勝荷蘭；

90年西德隊整體發揮出色，名將如奇利士文、馬特烏斯、馬圖斯等皆「意氣風發」，十六強迎戰「荷蘭三劍客」領銜既橙衣兵團，高拿殺傷性既防守同死纏爛打既作風，逼到荷蘭隊「冇啖好食」，搞到雲巴士頓受傷落場，為英年退役留下伏線，結果西德隊1：0擊敗88年歐國盃冠軍荷蘭隊；高拿喺決賽再次壓抑馬勒當拿既進攻，令德國隊得以1：0擊敗阿根廷。
睇到06世界盃義大利憑藉團隊既「鏈式防守」奪冠，其實數十年前，西德隊已經有獨當一面、捨我其誰既防守巨人。「我要打十個」，就係福斯/高拿既防守理念。