足球唔單只係「男人的浪漫」，都可以係「女人的浪漫」
鍾意足球其實可以有好多理由，可以有「阿爺個輩已經開始支持愛隊」的文化傳承，可以有「單純迷戀某個球星靚仔」的感官因由，可以有「一見鍾情」的原始訴求，可以有「生於斯長於斯、梗係撐本地足球」的地區情懷等等，足球的魅力在於不論貧富、不論膚色、不論性別、不論階級同不論地區，總之鍾意踢波，鍾意睇波，每個人都可以盡情享受足球帶來的歡樂，所以當我聽到有人話「女人唔識足球」個陣，我都話反問一句：「點解女人就唔識足球？」「點解足球得男人先識？」我估呢個答案係長期懸空，冇人答到，因為「子非魚，安知魚之樂？」，你又唔係個個女仔，你點知佢唔識足球？
在下就有親身經歷，認識過幾個女仔friend，有兩個係支持曼聯隊，有一個係支持利物浦隊，有一個係支持南華隊，有一個支持阿積士隊,，而我之所以今次「擺佢地上檯」，係因為好想同大家講，真係有女仔對足球好狂熱，絕非「得把口講」。
Grace今年30歲，支持左曼聯接近20年，數下手指應該係96年開始支持，佢個陣其實純粹覺得簡東拿「好man」、碧咸「好型」而支持曼聯隊，梗係喇，個期曼聯威震成個英超，99年拎埋歐聯冠軍，風頭一時無兩，個期興「曼聯」，自然多人like,但時至今日，曼聯都冇乜型男，歐聯亦冇份，Grace依然繼續支持曼聯，「有線」一完約即裝「now」睇英超，為左支持曼聯，三舊幾月費冇問題，再加埋「MU TV」睇埋曼聯花邊新聞等等，總之任何關於曼聯的資訊佢都唔會錯過，記得上季曼聯每逢失分，佢都喊「豬頭咁」，咁又係既，佢支持曼聯咁多年，有幾可會搞到四大皆空又跌出前四？不過佢今季收拾心情，投入曼聯的每一場賽事，我都知佢琴日經歷「狐狸大逆轉擊敗曼聯」，佢一定sad到whatsapp唔覆，但我見到其facebook又更新左買左曼聯海報的自拍，可見曼聯喺佢心目中幾咁重要。
Tracy今年28歲，又係一個忠實曼迷，我記得我問點解鍾意曼聯，佢話佢老豆鍾意，慢慢培養到佢都鍾意曼聯，一路走來都20年，每個週末的夜晚都乖乖留喺屋企睇波，成個房間都佈滿曼聯的物品，同埋Tracy好鍾意旅行，不過佢唔去日韓星馬泰，佢揀親都係三個字：「奧脫福」，一得閒就飛去現場支持，我仲記得我開佢玩笑話佢聽唔明英式英文，佢就話入到球場認波衫咖嘛，身體語言行先，就係咁，佢一年起碼飛幾次去曼徹斯特，梗係支持曼聯喇，佢仲話勁憎曼城，見到曼城球迷會兜路行，費事爆粗口起衝突，我同佢講，見到曼城球迷，咪玩個遊戲，鬥數球會名宿，對方球迷自然會輸俾你兜路行咖啦，至於我點解咁講，係因為Tracy成日「恰」我，話鬥歷史回顧，數球會名宿，大佬啊我係車路士迷，輸梗俾曼聯迷喇！不過點講都好，Tracy幾咁鍾意曼聯，單憑我文字描述都已經成個畫面出曬黎。
Cat今年33歲，13歲開始支持利物浦，個陣時英超剛剛成立冇幾耐，20幾年春秋對利物浦不離不棄，年年買波衫，出街著波衫，如果搞個利物浦球衣展覽，佢絕對夠貨辦供應，每年都至少會去一次晏菲路球場，其實我好佩服利物浦球迷，當然球會歷史係好輝煌，人總是貪心忘舊的物種，而目送球會多年都冇奪得聯賽冠軍，球迷的心「轉會」去其他球會，也是見慣不怪的事情，難得利物浦球迷可以一路支持球會，呢一種精神正如佢地會歌「You 'll never walk alone」一樣，令人肅然起敬，當然Cat經常係冇伴奏之下演唱「YNWA」，亦人如歌詞一樣，佢係一個好夠義氣的朋友，我記得有一年我買唔到車仔來港踢波的「飛」，真係好唔開心，結果佢唔知係咪變魔術咁送左一張飛俾我，原來佢個陣都有訂，想陪我一齊去，如今得返一張佢二話不說送左俾我，當然，作為好朋友，我最後放左張飛，請Cat食餐勁既，正因為足球，我同Cat的友誼深厚，所以上季利物浦輸俾車仔，我又請Cat食餐勁既，因為「勝負雖分，但朋友還是朋友」，我本人就唔鍾意利物浦，但唔鍾意都可以保持理性的，因為我由始至終覺得，足球冇絕對的對與錯，請唔好把私人恩怨加落足球度。
Tina同Ceci就分別係南華球迷同阿積士球迷，見親佢地都好似上歷史堂，佢地會好詳盡去介紹佢地球會，當中Ceci係因為男朋友支持阿積士而成為球迷的，Tina係港甲迷，Ceci係荷甲迷，如果我同佢地講港甲同荷甲，實俾佢地問到口啞啞，但係認識到佢地係我的榮幸，因為係佢地教曉我何為對愛隊的忠誠，同埋睇波唔懂波係一件好慘的事情，所以係佢地身上學到好多野，其他男仔球迷friend身上都未必有既野，就係「少D謾罵，多D思考」，因為人有三衰六旺，球隊都有，冇可能有隊波可以永遠無敵，與其口水戰中「逞一時威風」，不如認真考慮下「他朝君體也相同」的道理，今日抽人水者，難保明日不會被反抽，如果抽水是一種娛樂，但應該互相尊重，而非漫無目的的辱罵。
做球迷，始終感性大於理性，當如果完全失去理性，恐怕「講波經」只會淪為一件為鬧而鬧的無聊事情。
如果今日仲有人質疑女球迷的熱誠，我會同佢講：「不如睇下呢篇文」，交流下。但我覺得，做得球迷，切忌做「三姓家奴」，即幾乎隊隊都撐，就好似大埔首席球迷咁，然後見到愛隊輸4：1都仲可以笑笑口擺4：1的手勢黎影相，無論點兜，都兜唔到喇，黃子華雖然講過「搵食姐，犯法啊？」，唔代表足球係可以咁樣俾人利用，因為真正球迷，真係可以喺愛隊輸波個陣「訓唔安，坐唔落，食唔好」，縱使你可以保持「絕對理性」，都冇可能係其他球迷傷口上撒鹽，舉多個例子，如果有一個人，生於外國並自稱係曼聯球迷，結果於曼聯輸俾李斯特城後擺住5:3的手勢並笑笑口咁黎影相，除非佢匿名留言、唔出樣自拍，否則佢出街麻煩帶定面具先啦，唔俾人打咪算好彩，冇人規定一個球迷應該要對足球有幾咁認識，亦唔係考試，冇人測量到你愛球隊的程度到底係屬於高分定唔合格，只不過某些角色，係扮唔到咖，唔係一句「我好鐘意，我好熱血」就搞掂，因為係咪真球迷，有目共睹。
鍾意足球其實可以有好多理由，可以有「阿爺個輩已經開始支持愛隊」的文化傳承，可以有「單純迷戀某個球星靚仔」的感官因由，可以有「一見鍾情」的原始訴求，可以有「生於斯長於斯、梗係撐本地足球」的地區情懷等等，足球的魅力在於不論貧富、不論膚色、不論性別、不論階級同不論地區，總之鍾意踢波，鍾意睇波，每個人都可以盡情享受足球帶來的歡樂，所以當我聽到有人話「女人唔識足球」個陣，我都話反問一句：「點解女人就唔識足球？」「點解足球得男人先識？」我估呢個答案係長期懸空，冇人答到，因為「子非魚，安知魚之樂？」，你又唔係個個女仔，你點知佢唔識足球？
在下就有親身經歷，認識過幾個女仔friend，有兩個係支持曼聯隊，有一個係支持利物浦隊，有一個係支持南華隊，有一個支持阿積士隊,，而我之所以今次「擺佢地上檯」，係因為好想同大家講，真係有女仔對足球好狂熱，絕非「得把口講」。
Grace今年30歲，支持左曼聯接近20年，數下手指應該係96年開始支持，佢個陣其實純粹覺得簡東拿「好man」、碧咸「好型」而支持曼聯隊，梗係喇，個期曼聯威震成個英超，99年拎埋歐聯冠軍，風頭一時無兩，個期興「曼聯」，自然多人like,但時至今日，曼聯都冇乜型男，歐聯亦冇份，Grace依然繼續支持曼聯，「有線」一完約即裝「now」睇英超，為左支持曼聯，三舊幾月費冇問題，再加埋「MU TV」睇埋曼聯花邊新聞等等，總之任何關於曼聯的資訊佢都唔會錯過，記得上季曼聯每逢失分，佢都喊「豬頭咁」，咁又係既，佢支持曼聯咁多年，有幾可會搞到四大皆空又跌出前四？不過佢今季收拾心情，投入曼聯的每一場賽事，我都知佢琴日經歷「狐狸大逆轉擊敗曼聯」，佢一定sad到whatsapp唔覆，但我見到其facebook又更新左買左曼聯海報的自拍，可見曼聯喺佢心目中幾咁重要。
Tracy今年28歲，又係一個忠實曼迷，我記得我問點解鍾意曼聯，佢話佢老豆鍾意，慢慢培養到佢都鍾意曼聯，一路走來都20年，每個週末的夜晚都乖乖留喺屋企睇波，成個房間都佈滿曼聯的物品，同埋Tracy好鍾意旅行，不過佢唔去日韓星馬泰，佢揀親都係三個字：「奧脫福」，一得閒就飛去現場支持，我仲記得我開佢玩笑話佢聽唔明英式英文，佢就話入到球場認波衫咖嘛，身體語言行先，就係咁，佢一年起碼飛幾次去曼徹斯特，梗係支持曼聯喇，佢仲話勁憎曼城，見到曼城球迷會兜路行，費事爆粗口起衝突，我同佢講，見到曼城球迷，咪玩個遊戲，鬥數球會名宿，對方球迷自然會輸俾你兜路行咖啦，至於我點解咁講，係因為Tracy成日「恰」我，話鬥歷史回顧，數球會名宿，大佬啊我係車路士迷，輸梗俾曼聯迷喇！不過點講都好，Tracy幾咁鍾意曼聯，單憑我文字描述都已經成個畫面出曬黎。
Cat今年33歲，13歲開始支持利物浦，個陣時英超剛剛成立冇幾耐，20幾年春秋對利物浦不離不棄，年年買波衫，出街著波衫，如果搞個利物浦球衣展覽，佢絕對夠貨辦供應，每年都至少會去一次晏菲路球場，其實我好佩服利物浦球迷，當然球會歷史係好輝煌，人總是貪心忘舊的物種，而目送球會多年都冇奪得聯賽冠軍，球迷的心「轉會」去其他球會，也是見慣不怪的事情，難得利物浦球迷可以一路支持球會，呢一種精神正如佢地會歌「You 'll never walk alone」一樣，令人肅然起敬，當然Cat經常係冇伴奏之下演唱「YNWA」，亦人如歌詞一樣，佢係一個好夠義氣的朋友，我記得有一年我買唔到車仔來港踢波的「飛」，真係好唔開心，結果佢唔知係咪變魔術咁送左一張飛俾我，原來佢個陣都有訂，想陪我一齊去，如今得返一張佢二話不說送左俾我，當然，作為好朋友，我最後放左張飛，請Cat食餐勁既，正因為足球，我同Cat的友誼深厚，所以上季利物浦輸俾車仔，我又請Cat食餐勁既，因為「勝負雖分，但朋友還是朋友」，我本人就唔鍾意利物浦，但唔鍾意都可以保持理性的，因為我由始至終覺得，足球冇絕對的對與錯，請唔好把私人恩怨加落足球度。
Tina同Ceci就分別係南華球迷同阿積士球迷，見親佢地都好似上歷史堂，佢地會好詳盡去介紹佢地球會，當中Ceci係因為男朋友支持阿積士而成為球迷的，Tina係港甲迷，Ceci係荷甲迷，如果我同佢地講港甲同荷甲，實俾佢地問到口啞啞，但係認識到佢地係我的榮幸，因為係佢地教曉我何為對愛隊的忠誠，同埋睇波唔懂波係一件好慘的事情，所以係佢地身上學到好多野，其他男仔球迷friend身上都未必有既野，就係「少D謾罵，多D思考」，因為人有三衰六旺，球隊都有，冇可能有隊波可以永遠無敵，與其口水戰中「逞一時威風」，不如認真考慮下「他朝君體也相同」的道理，今日抽人水者，難保明日不會被反抽，如果抽水是一種娛樂，但應該互相尊重，而非漫無目的的辱罵。
做球迷，始終感性大於理性，當如果完全失去理性，恐怕「講波經」只會淪為一件為鬧而鬧的無聊事情。
如果今日仲有人質疑女球迷的熱誠，我會同佢講：「不如睇下呢篇文」，交流下。但我覺得，做得球迷，切忌做「三姓家奴」，即幾乎隊隊都撐，就好似大埔首席球迷咁，然後見到愛隊輸4：1都仲可以笑笑口擺4：1的手勢黎影相，無論點兜，都兜唔到喇，黃子華雖然講過「搵食姐，犯法啊？」，唔代表足球係可以咁樣俾人利用，因為真正球迷，真係可以喺愛隊輸波個陣「訓唔安，坐唔落，食唔好」，縱使你可以保持「絕對理性」，都冇可能係其他球迷傷口上撒鹽，舉多個例子，如果有一個人，生於外國並自稱係曼聯球迷，結果於曼聯輸俾李斯特城後擺住5:3的手勢並笑笑口咁黎影相，除非佢匿名留言、唔出樣自拍，否則佢出街麻煩帶定面具先啦，唔俾人打咪算好彩，冇人規定一個球迷應該要對足球有幾咁認識，亦唔係考試，冇人測量到你愛球隊的程度到底係屬於高分定唔合格，只不過某些角色，係扮唔到咖，唔係一句「我好鐘意，我好熱血」就搞掂，因為係咪真球迷，有目共睹。
請按此登錄後留言。未成為會員? 立即註冊