從瀟灑既萬人迷變成大踢風流波既衰仔，紐卡素，呢二十年黎，真係令人又愛又恨。
無緣見證真路拿@紐卡素既風采應該係人生一個遺憾。個年我先6歲，仲睇緊多拉A夢（應該仲係叫叮噹），而紐卡素連續兩年都成為英超亞軍，曾經一度喺奪冠路上領先曼聯十幾分，結果下半賽季黎個大暴走，將冠軍拱手相讓俾曼聯，呢個賽季成為球迷心中永恆的痛。
如果話一個球星可以撐起成隊波，咁英格蘭傳球球星舒利亞將自己寶貴既十年青春都奉獻曬俾紐卡素，可惜，呢十年，紐卡素依然同冠軍無緣，仲開始從英超勁旅變成英超中游份子。
舒利亞退役後，紐卡素就正式變成一隊不在傳媒焦點之列既球隊，換句話黎講，越黎越少人關注紐卡素，而佢地亦成為一隊無欲無求既球隊，好似職場上普遍既打工仔咁，返工等放工，放工等訓覺，冇咗爭勝既鬥志，卒之玩埋出火，09年降咗落去英冠反省。時隔一年，佢地以英冠冠軍身份重返英超。
咦，落過去英冠打滾，的確有一種知恥近乎勇既感覺，而隊中射手卡路爾頻頻入波，一躍成為當紅炸子雞，成為傳媒同球迷心中既寵兒，紐卡素亦因此受惠，成績節節高升，然而，人紅自然多人爭，雖然卡路爾為人都幾狂妄，曾經話想同艾殊利高爾老婆共度良宵，但狂妄唔緊要最緊要有Market，結果就俾利物浦喺冬季窗口中帶走。
冇咗皇牌射手，唔代表紐卡素唔識踢波，路蘭,祖爾巴頓,古迪利斯,高洛仙尼,告路爾等人成為擔起大旗既球星，仲有名不見經傳既前鋒貝斯，就係呢班人，將卡路爾離隊既影響降到最低。應該好多人記得個個賽季阿仙奴同紐卡素曾經踢出過4:4既賽事，上半場頭30分鐘阿仙奴已經4：0遙遙領先，但迪亞比之後俾人紅牌趕出場，阿仙奴球員都未覺得會失分，下半場頻頻被紐卡素施壓都未至於失波，比賽去到69分鐘，紐卡素獲得十二碼，祖爾巴頓一句唔該都冇就入咗。之後75分鐘又係貝斯建功，明明球波用頭控落黎係唔好，但佢快腳射入，又幫紐卡素追到2：4，之後80分鐘祖爾巴頓又射入十二碼，直到88分鐘迪奧迪遠射建功，一場經典既落後4球然後追和既賽事，就係由紐卡素奉獻的。
個年夏天，紐卡素羅致到新科法甲冠軍里爾既功臣卡巴耶，仲有買埋塞爾加爾前鋒丹巴巴亞等人，彌補咗巴頓路蘭離隊既空洞。而隨著丹巴巴亞既半程發威入咗14球，紐卡素高居聯賽前五名內。而冬季羅致既另一個塞內加爾前鋒帕比斯施斯，又喺下半季發威入十幾球，紐卡素就係靠呢兩個塞內加爾雙子星踢出近十年代表作——聯賽第第五名，甚至高過當年既歐聯冠軍車路士。
浮浮沉沉，就係紐卡素近十年既關鍵詞。原本教練柏祖既氣質，同紐卡素就好像似，風流波，搵夠積分就收工，心情靚可以做低強隊，心情唔靚可以輸比護級隊，紐卡素仲能無驚無險又留守英超，直到上季炒咗柏祖，紐卡素就開始墮落了，明明係前十球隊，踏入下半季成隊波變成不知所謂，竟然可以喺季尾締造七連敗既紀錄，最後都可以唔使降班，唔係因為運氣好，而係柏祖上半季已經搶夠積分等收工。
今年冇埋柏祖，開季2和4敗，同東北打比死敵新特蘭排喺榜尾。
呢二十年，紐卡素好多野都變咗，唯一冇變係球迷對球隊既忠心。我前幾日先撞返一個朋友，佢就係紐卡素球迷，支持咗十幾年，無怨無悔。
比起好多貪圖佳績既勝利球迷，輸一場波可以好似世界末日咁，仲要鬧埋自己球員，喺呢個扭曲價值觀既社會，我感動既係仲可以見到愛華頓球迷，熱刺球迷，紐卡素球迷等等，呢班人就真係對球會出自真愛啦，風雨不改。
上季紐卡素護級，好值得開心咩？其實紐卡素根本唔需要搞成咁，怪就怪個個班主喜怒無常得閒冇事就賣球員同炒教練，但球迷總是無奈的，球迷可以點做啫？難能可貴既係仲有好多人支持紐卡素，呢d就係真愛。我在此祝福紐卡素可以重返勁旅行列，我本身對佢地冇乜野感覺，只係感歎佢地呢隊波曾經風光過，但宜家身處降班區掙扎。但冇辦法，呢d就係人生，旁人可以做到既就只有祝福。
my page：https://www.facebook.com/footballtellhistory
PS:球迷世界唔好轉載我文章，唔稀罕d所謂稿費，留俾其他騙取稿費的人啦
無緣見證真路拿@紐卡素既風采應該係人生一個遺憾。個年我先6歲，仲睇緊多拉A夢（應該仲係叫叮噹），而紐卡素連續兩年都成為英超亞軍，曾經一度喺奪冠路上領先曼聯十幾分，結果下半賽季黎個大暴走，將冠軍拱手相讓俾曼聯，呢個賽季成為球迷心中永恆的痛。
如果話一個球星可以撐起成隊波，咁英格蘭傳球球星舒利亞將自己寶貴既十年青春都奉獻曬俾紐卡素，可惜，呢十年，紐卡素依然同冠軍無緣，仲開始從英超勁旅變成英超中游份子。
舒利亞退役後，紐卡素就正式變成一隊不在傳媒焦點之列既球隊，換句話黎講，越黎越少人關注紐卡素，而佢地亦成為一隊無欲無求既球隊，好似職場上普遍既打工仔咁，返工等放工，放工等訓覺，冇咗爭勝既鬥志，卒之玩埋出火，09年降咗落去英冠反省。時隔一年，佢地以英冠冠軍身份重返英超。
咦，落過去英冠打滾，的確有一種知恥近乎勇既感覺，而隊中射手卡路爾頻頻入波，一躍成為當紅炸子雞，成為傳媒同球迷心中既寵兒，紐卡素亦因此受惠，成績節節高升，然而，人紅自然多人爭，雖然卡路爾為人都幾狂妄，曾經話想同艾殊利高爾老婆共度良宵，但狂妄唔緊要最緊要有Market，結果就俾利物浦喺冬季窗口中帶走。
冇咗皇牌射手，唔代表紐卡素唔識踢波，路蘭,祖爾巴頓,古迪利斯,高洛仙尼,告路爾等人成為擔起大旗既球星，仲有名不見經傳既前鋒貝斯，就係呢班人，將卡路爾離隊既影響降到最低。應該好多人記得個個賽季阿仙奴同紐卡素曾經踢出過4:4既賽事，上半場頭30分鐘阿仙奴已經4：0遙遙領先，但迪亞比之後俾人紅牌趕出場，阿仙奴球員都未覺得會失分，下半場頻頻被紐卡素施壓都未至於失波，比賽去到69分鐘，紐卡素獲得十二碼，祖爾巴頓一句唔該都冇就入咗。之後75分鐘又係貝斯建功，明明球波用頭控落黎係唔好，但佢快腳射入，又幫紐卡素追到2：4，之後80分鐘祖爾巴頓又射入十二碼，直到88分鐘迪奧迪遠射建功，一場經典既落後4球然後追和既賽事，就係由紐卡素奉獻的。
個年夏天，紐卡素羅致到新科法甲冠軍里爾既功臣卡巴耶，仲有買埋塞爾加爾前鋒丹巴巴亞等人，彌補咗巴頓路蘭離隊既空洞。而隨著丹巴巴亞既半程發威入咗14球，紐卡素高居聯賽前五名內。而冬季羅致既另一個塞內加爾前鋒帕比斯施斯，又喺下半季發威入十幾球，紐卡素就係靠呢兩個塞內加爾雙子星踢出近十年代表作——聯賽第第五名，甚至高過當年既歐聯冠軍車路士。
浮浮沉沉，就係紐卡素近十年既關鍵詞。原本教練柏祖既氣質，同紐卡素就好像似，風流波，搵夠積分就收工，心情靚可以做低強隊，心情唔靚可以輸比護級隊，紐卡素仲能無驚無險又留守英超，直到上季炒咗柏祖，紐卡素就開始墮落了，明明係前十球隊，踏入下半季成隊波變成不知所謂，竟然可以喺季尾締造七連敗既紀錄，最後都可以唔使降班，唔係因為運氣好，而係柏祖上半季已經搶夠積分等收工。
今年冇埋柏祖，開季2和4敗，同東北打比死敵新特蘭排喺榜尾。
呢二十年，紐卡素好多野都變咗，唯一冇變係球迷對球隊既忠心。我前幾日先撞返一個朋友，佢就係紐卡素球迷，支持咗十幾年，無怨無悔。
比起好多貪圖佳績既勝利球迷，輸一場波可以好似世界末日咁，仲要鬧埋自己球員，喺呢個扭曲價值觀既社會，我感動既係仲可以見到愛華頓球迷，熱刺球迷，紐卡素球迷等等，呢班人就真係對球會出自真愛啦，風雨不改。
上季紐卡素護級，好值得開心咩？其實紐卡素根本唔需要搞成咁，怪就怪個個班主喜怒無常得閒冇事就賣球員同炒教練，但球迷總是無奈的，球迷可以點做啫？難能可貴既係仲有好多人支持紐卡素，呢d就係真愛。我在此祝福紐卡素可以重返勁旅行列，我本身對佢地冇乜野感覺，只係感歎佢地呢隊波曾經風光過，但宜家身處降班區掙扎。但冇辦法，呢d就係人生，旁人可以做到既就只有祝福。
my page：https://www.facebook.com/footballtellhistory
PS:球迷世界唔好轉載我文章，唔稀罕d所謂稿費，留俾其他騙取稿費的人啦
請按此登錄後留言。未成為會員? 立即註冊