亞洲之虎-伊朗三寶:阿里代戴伊、卡利美、馬達維基亞 精選

伊朗國家隊作為亞洲傳統勁旅，自然盛產唔少球星，其中阿里•戴伊，卡利米，馬達維基亞更加係享譽盛名。
亞洲球員一直都唔係世界球壇既主流，呢個係事實，不過「弱隊出勁人」呢種案例層出不窮，90年代最早去歐洲搵食個批亞洲球員其中就有阿里•戴伊，之後先到馬達維基亞同卡利美去歐洲闖天下。
阿里•戴伊擁有出色既頭搥功夫，拍埋歐洲高塔後衛度都冇有怕，巔峰時期既佢盤扭技術出眾，係國家隊生涯攻入過過百入球，並且係亞洲杯入波最多既球員，堪稱亞洲超強前鋒之一，晚年體力下降少左盤扭，但取而代之係出色既「精準助攻」，可謂「踢到老，威到老」。 卡利美腳法出眾，外貌俊朗曾被譽為「波斯馬納當拿」，中場能勝任，前鋒能勝任，喺2004年亞洲杯大放異彩，對韓國隊更加上演帽子戲法，成為當屆神射手，同戴伊一樣踢過拜仁，雖然卡利美並非球隊正選，不過落到場一如既往「如狼似虎」，令對手防不勝防，令教練讚賞不已。
最後就介紹下貌不驚人既馬達維基亞。成名於98世界盃，踢右中場，有廣闊既視野，經常助攻隊友得分，有時會客串前鋒，穩定+ 勤力，令佢喺漢堡定國家隊都如魚得水，佢比戴伊同卡利美更加成功既係，佢係長期佔據漢堡主力位置，喺德甲賽場揚名立萬，不停既跑動同百步穿揚罰球既功力，為佢贏得「火箭」綽號，曾經拎過德甲/亞洲杯助攻王殊榮，球場下更加係盡現紳士風度，為人津津樂道。 以上三名球星都拎過亞洲足球先生，可以話代表到亞洲最優秀既足球水平。