嚟到今季英超嘅最後5輪喇，依家暫時仲剩返利物浦（Liverpool）同曼城（Man City）兩隊爭緊聯賽冠軍。前四嘅競爭亦都好激烈，第三位同第六位相隔只有5分，總共有4隊爭2個位。
咁先講返今個星期，今週都係一個Double Gameweek，但只係得白禮頓（Brighton）同卡迪夫城（Cardiff）係踢兩場。而下個星期先係一個大嘅Double Gameweek。正因為咁，今個星期用Wild Card，就係為咗下個星期可以出Bench Boost，用盡晒15名球員。因為一週只可以使用一個法寶嘅關係，所以就要提早一個星期入定上陣時間比較多嘅球員，希望到第35週就可以人人都落場。咁所以筆者買人嘅策略最主要都係睇第34週同第35週嘅賽程，因為始終都用咗Wild Card，所以季尾嘅賽程都要睇，但相對就冇咁重要，到其時可以用免費轉會買人。另外，咁梗係盡量入啲一週雙賽嘅球員啦，試諗下，到時用Bench Boost，如果15名球員都踢足兩場，淨係出場基本分都每位有4分，總分就已經有60分。除此之外，都可能要諗下冇一週雙賽嘅球員，例如係利物浦嘅球員，亦都要考慮下賽程極難打嘅球員，例如曼城嘅球員。原因係佢哋仲有嘢爭緊，仲有個要搏命嘅目標。再加上佢哋排得喺聯賽頭二，都唔會怕咩球隊嫁喇。無論對手係點，佢哋都要贏出，先至有機會捧盃。簡單嚟講，筆者嘅買人嘅策略係希望買啲喺呢兩週俾到我最高分嘅球員，例如白禮頓咁，雖然佢哋下週要對熱刺（Spurs），但佢哋兩週要踢四場，我相信靠「量」都可以取勝。另外想講嘅就係屈福特（Watford），雖然佢哋今週要對阿仙奴（Arsenal），但我都照買入3名屈福特球員，原因係佢哋第35週嘅賽程實在太正喇，一週雙賽嘅對手分別係已經篤定降班嘅哈特斯菲爾德（Huddersfield）同修咸頓（Southampton）。雖然今週屈福特嘅賽程唔好，但我大可以將佢哋放晒喺後備席，留返下週先出。咁依家就睇下筆者今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2
本週陣容
球隊價值（Squad value）： 102.0M剩餘資金（In the bank）： 0.5M
守門員
賴恩（Ryan）
今週白禮頓會踢兩場比賽，先係主場對般尼茅夫（Bournemouth），然後再主場對卡迪夫城。兩個對手嘅近況都麻麻，般尼茅夫近4場錄得1勝1和2負，而卡迪夫城近4場就錄得1勝3負。白禮頓嘅近況就稍稍比佢哋好，近4場錄得2勝2負。般尼茅夫近4場攻入5球，而卡迪夫城近4場就只係攻入3球，兩隊嘅攻力都係一般。不過，白禮頓近4場失咗5球，只係得1場能夠保持不失球。希望白禮頓兩場裏面都有至少一場唔失波啦。
後衛
查比亞（Trippier）
今場熱刺（Spurs）會主場出擊對已經篤定降班嘅哈特斯菲爾德，兩支球隊嘅近況都唔係太好，哈特斯菲爾德近4場全敗，而熱刺就近4場錄得1勝2和1負。哈特斯菲爾德近4場入咗4球，攻力一般。熱刺近4場只係得1場冇失波，同埋近4場失咗5球，希望佢哋今場對住暫時今季聯賽入球最少嘅球隊可以唔失波啦。杜菲（Duffy）- Captain
杜菲雖然係一名後衛，但今季入咗5球嘅佢就已經係球隊嘅次席射手。喺2019年，杜菲總共作出咗19次射門，係射門次數最多嘅後衛。入佢嘅一大原因就係睇中佢嘅入球能力，今週佢有兩場比賽，咁即係有多一個機會俾佢爭取入球，所以搏一鋪揀埋佢做隊長。
羅拔臣（Robertson）
今場利物浦會主場對車路士（Chelsea），呢一場嘅賽果就關鍵喇，因為利物浦對Big 6球隊嘅比賽就只係淨返呢場，只要佢哋贏到，奪冠機會就大增。相反，曼城就仲要對熱刺同曼聯（Man Utd），難度比利物浦高。講返今場，兩隊嘅近況都好唔錯，車路士近4場錄得3勝1負，而利物浦近4場就錄得全勝。修咸頓近4場攻入7球，攻力唔差。利物浦嘅防守就一般喇，近4場失咗5球，場場有失波，希望佢哋為咗英超冠軍可以做好防守，唔失波啦。
高拿仙歷（Kolasinac）今場阿仙奴會作客對屈福特，屈福特近4場錄得2勝2負，表現不過不失。而阿仙奴近4場就錄得2勝1和1負，表現稍稍比屈福特好。屈福特近4場攻入8球，攻力絕對不容忽視。阿仙奴近4場只係失咗2球，防守幾好。希望今場阿仙奴可以唔洗失波啦。
中場
沙拿（Salah）
沙拿近排狀態回升，已經打破咗長達6場嘅入球荒，近4場交出1入球2助攻，所以我都繼續留住佢，冇賣佢走，入文尼（Mane）。車路士近4場只係失咗3球，防守唔差，所以今場沙拿要入波都唔易。不過，利物浦要贏英超，就一定要入波。
禾特包斯（Ward-Prowse）
今場修咸頓（Southampton）會主場對狼隊（Wolves），狼隊嘅近況表現唔錯，近4場錄得2勝1和1負。而修咸頓嘅狀態都唔係好輸蝕，近4場錄得2勝2負。狼隊近4場只係失咗4球，要攻入佢哋嘅大門都唔容易。而禾特包斯就近4場入咗2球，表現唔錯，希望佢今場都會入到波或者交到助攻。史達寧（Sterling）
今場曼城將會作客對水晶宮（Crystal Palace）。水晶宮近4場錄得2勝2負，表現不過不失。而曼城近4場就錄得全勝，表現極好。水晶宮近4場失咗4球，防守普通。史達寧近4場只係得3場正選，但佢一場入3球，表現都算唔錯，希望佢今場都會有正選同繼續入波啦。
孫興民（Son）
孫興民雖然近4場只係入得1球，但佢近況回勇，上場射入熱刺喺新主場嘅第一球，名留青史。再加上喺卡尼（Kane）受傷嘅關係，孫興民有機會再被推前一格，有更多嘅機會面對龍門，增加入球機會。今場熱刺嘅對手哈特斯菲爾德全季失球數字達到63球，係全英超第二多。另外，佢哋近4場失咗12球，場均失3球，係咁多隊當中嘅最多。希望孫興民嘅入球滾滾來啦。
前鋒
占美利斯（Jimenez）占美利斯近4場交出2入球3助攻，狀態非常好。修咸頓近4場失咗7球。希望佢今場都可以入到波或者交到助攻啦。
拿卡錫迪（Lacazette）
拿卡錫迪近4場交出1入球3助攻，表現幾好。屈福特近4場失咗4球，場場有失球，希望拿卡錫迪今場會有進賬啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
咁先講返今個星期，今週都係一個Double Gameweek，但只係得白禮頓（Brighton）同卡迪夫城（Cardiff）係踢兩場。而下個星期先係一個大嘅Double Gameweek。正因為咁，今個星期用Wild Card，就係為咗下個星期可以出Bench Boost，用盡晒15名球員。因為一週只可以使用一個法寶嘅關係，所以就要提早一個星期入定上陣時間比較多嘅球員，希望到第35週就可以人人都落場。咁所以筆者買人嘅策略最主要都係睇第34週同第35週嘅賽程，因為始終都用咗Wild Card，所以季尾嘅賽程都要睇，但相對就冇咁重要，到其時可以用免費轉會買人。另外，咁梗係盡量入啲一週雙賽嘅球員啦，試諗下，到時用Bench Boost，如果15名球員都踢足兩場，淨係出場基本分都每位有4分，總分就已經有60分。除此之外，都可能要諗下冇一週雙賽嘅球員，例如係利物浦嘅球員，亦都要考慮下賽程極難打嘅球員，例如曼城嘅球員。原因係佢哋仲有嘢爭緊，仲有個要搏命嘅目標。再加上佢哋排得喺聯賽頭二，都唔會怕咩球隊嫁喇。無論對手係點，佢哋都要贏出，先至有機會捧盃。簡單嚟講，筆者嘅買人嘅策略係希望買啲喺呢兩週俾到我最高分嘅球員，例如白禮頓咁，雖然佢哋下週要對熱刺（Spurs），但佢哋兩週要踢四場，我相信靠「量」都可以取勝。另外想講嘅就係屈福特（Watford），雖然佢哋今週要對阿仙奴（Arsenal），但我都照買入3名屈福特球員，原因係佢哋第35週嘅賽程實在太正喇，一週雙賽嘅對手分別係已經篤定降班嘅哈特斯菲爾德（Huddersfield）同修咸頓（Southampton）。雖然今週屈福特嘅賽程唔好，但我大可以將佢哋放晒喺後備席，留返下週先出。咁依家就睇下筆者今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2
本週陣容
球隊價值（Squad value）： 102.0M剩餘資金（In the bank）： 0.5M
守門員
賴恩（Ryan）
今週白禮頓會踢兩場比賽，先係主場對般尼茅夫（Bournemouth），然後再主場對卡迪夫城。兩個對手嘅近況都麻麻，般尼茅夫近4場錄得1勝1和2負，而卡迪夫城近4場就錄得1勝3負。白禮頓嘅近況就稍稍比佢哋好，近4場錄得2勝2負。般尼茅夫近4場攻入5球，而卡迪夫城近4場就只係攻入3球，兩隊嘅攻力都係一般。不過，白禮頓近4場失咗5球，只係得1場能夠保持不失球。希望白禮頓兩場裏面都有至少一場唔失波啦。
後衛
查比亞（Trippier）
今場熱刺（Spurs）會主場出擊對已經篤定降班嘅哈特斯菲爾德，兩支球隊嘅近況都唔係太好，哈特斯菲爾德近4場全敗，而熱刺就近4場錄得1勝2和1負。哈特斯菲爾德近4場入咗4球，攻力一般。熱刺近4場只係得1場冇失波，同埋近4場失咗5球，希望佢哋今場對住暫時今季聯賽入球最少嘅球隊可以唔失波啦。杜菲（Duffy）- Captain
杜菲雖然係一名後衛，但今季入咗5球嘅佢就已經係球隊嘅次席射手。喺2019年，杜菲總共作出咗19次射門，係射門次數最多嘅後衛。入佢嘅一大原因就係睇中佢嘅入球能力，今週佢有兩場比賽，咁即係有多一個機會俾佢爭取入球，所以搏一鋪揀埋佢做隊長。
羅拔臣（Robertson）
今場利物浦會主場對車路士（Chelsea），呢一場嘅賽果就關鍵喇，因為利物浦對Big 6球隊嘅比賽就只係淨返呢場，只要佢哋贏到，奪冠機會就大增。相反，曼城就仲要對熱刺同曼聯（Man Utd），難度比利物浦高。講返今場，兩隊嘅近況都好唔錯，車路士近4場錄得3勝1負，而利物浦近4場就錄得全勝。修咸頓近4場攻入7球，攻力唔差。利物浦嘅防守就一般喇，近4場失咗5球，場場有失波，希望佢哋為咗英超冠軍可以做好防守，唔失波啦。
高拿仙歷（Kolasinac）今場阿仙奴會作客對屈福特，屈福特近4場錄得2勝2負，表現不過不失。而阿仙奴近4場就錄得2勝1和1負，表現稍稍比屈福特好。屈福特近4場攻入8球，攻力絕對不容忽視。阿仙奴近4場只係失咗2球，防守幾好。希望今場阿仙奴可以唔洗失波啦。
中場
沙拿（Salah）
沙拿近排狀態回升，已經打破咗長達6場嘅入球荒，近4場交出1入球2助攻，所以我都繼續留住佢，冇賣佢走，入文尼（Mane）。車路士近4場只係失咗3球，防守唔差，所以今場沙拿要入波都唔易。不過，利物浦要贏英超，就一定要入波。
禾特包斯（Ward-Prowse）
今場修咸頓（Southampton）會主場對狼隊（Wolves），狼隊嘅近況表現唔錯，近4場錄得2勝1和1負。而修咸頓嘅狀態都唔係好輸蝕，近4場錄得2勝2負。狼隊近4場只係失咗4球，要攻入佢哋嘅大門都唔容易。而禾特包斯就近4場入咗2球，表現唔錯，希望佢今場都會入到波或者交到助攻。史達寧（Sterling）
今場曼城將會作客對水晶宮（Crystal Palace）。水晶宮近4場錄得2勝2負，表現不過不失。而曼城近4場就錄得全勝，表現極好。水晶宮近4場失咗4球，防守普通。史達寧近4場只係得3場正選，但佢一場入3球，表現都算唔錯，希望佢今場都會有正選同繼續入波啦。
孫興民（Son）
孫興民雖然近4場只係入得1球，但佢近況回勇，上場射入熱刺喺新主場嘅第一球，名留青史。再加上喺卡尼（Kane）受傷嘅關係，孫興民有機會再被推前一格，有更多嘅機會面對龍門，增加入球機會。今場熱刺嘅對手哈特斯菲爾德全季失球數字達到63球，係全英超第二多。另外，佢哋近4場失咗12球，場均失3球，係咁多隊當中嘅最多。希望孫興民嘅入球滾滾來啦。
前鋒
占美利斯（Jimenez）占美利斯近4場交出2入球3助攻，狀態非常好。修咸頓近4場失咗7球。希望佢今場都可以入到波或者交到助攻啦。
拿卡錫迪（Lacazette）
拿卡錫迪近4場交出1入球3助攻，表現幾好。屈福特近4場失咗4球，場場有失球，希望拿卡錫迪今場會有進賬啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊