依家正式確定第31週唔用Free Hit，淨係靠轉會湊夠腳，Free Hit就留返第32週先至用。不過，就仲未有定案到時需唔需要靠扣分換人湊夠11人定10人應戰就算。今週呢兩個轉會都係要買入一啲除咗今週賽程唔錯嘅球員，都仲要佢哋第31週有比賽。就第31週嚟講，今個星期就執好中後場嫁喇，下週嘅轉會就輪到前鋒。咁前鋒其實都冇幾多個好揀嘅，但係就等多一個星期睇睇邊個狀態好同埋冇受傷。原本係有諗過下星期入李斯特城（Leicester）嘅華迪（Vardy），但頭先先發現佢頭部受傷。咁都係唔好諗咁多住，下個星期嘅轉會，留返下個星期至決定。咁依家就睇下筆者今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2
本週陣容
球隊價值（Squad value）： 103.4M剩餘資金（In the bank）： 1.0M
轉會
賣出：畢頓（Button）
買入：保路錫（Boruc）
原因：
買入保路錫兩大嘅考慮因素係價錢同第31週嘅賽程。首先，我希望2個門將當中，有其中一個只係價值4.0M，因為每個星期都只係會出1個門將，所以無謂放咁多資金落守門員身上。咁價值4.0M而又恆常上陣嘅龍門就只係得效力般尼茅夫（Bournemouth）嘅保路錫一個。另外，就係般尼茅夫喺第31週有比賽，咁就更加要入佢啦，係咪？今週般尼茅夫會作客對哈特斯菲爾德（Huddersfield），兩隊近況都好濕滯。哈特斯菲爾德近4場錄得1勝3負，而般尼茅夫就近4場錄得1和3負。雖然就咁睇般尼茅夫係頹好多，但係要留意返，佢哋輸嘅3場都係對住Big 6球隊。今場佢哋對住近4場僅入2球嘅哈特斯菲爾德，相信都唔難保持不失球。
賣出：摩天奴（Moutinho）
買入：辛迪加斯（Snodgrass）
原因：
狼隊（Wolves）今週要硬撼車路士（Chelsea），而且狼隊喺第31週同第33週都係冇比賽，咁我都唔洗留摩天奴喺隊喇。至於買入辛迪加斯，就係睇中韋斯咸（West Ham）嘅賽程同近況。韋斯咸喺第30週同第31週嘅對手都係處於降班區，分別係卡迪夫城（Cardiff）同哈特斯菲爾德，賽程筍到咁，唔係唔入啊？至於近況呢，韋斯咸近4場錄得2勝1和1負，輸嘅只係以1球輸俾曼城（Man City），表現算係唔錯啦。至於佢哋今場嘅對手卡迪夫城就近4場錄得1勝3負，表現都真係幾差下，相信呢個係韋斯咸搶分嘅好機會。至於揀辛迪加斯嘅原因，最主要都係價錢，賣走摩天奴得到5.3M，就入返個5.0M嘅辛迪加斯。另外，辛迪加斯近4場交出2個助攻，表現唔錯。再加上佢負責處理韋斯咸嘅角球，咁亦增加咗佢助攻得分嘅機會。
守門員
保路錫（Boruc）
上面嘅轉會原因都交代得好詳細，所以都唔再重複多講喇。
後衛
彭利拿（Pereira）
今場李斯特城會主場出擊對排尾二嘅富咸（Fulham），兩支球隊近排都係頹到爆炸，富咸近4場全敗，而李斯特城就近4場錄得1勝3負。富咸近4場僅入2球，攻力疲弱。雖然李斯特城近4場勁失10球，但今場對住今季聯賽入球第三少嘅球隊，應該都可以唔失波嘅。
阿歷山大阿諾（Alexander-Arnold）＆ 羅拔臣（Robertson）
今場利物浦（Liverpool）會主場迎戰般尼（Burnley）。般尼近4場錄得2勝2負，普普通通啦，而利物浦近4場就錄得2勝2和，雖然係不敗，但以一隊爭標球隊嚟講就近況唔算好。屈福特近4場攻入6球，攻力唔差，其中一場仲贏過熱刺添。不過，利物浦嘅防守就相當厲害，已經連續4場冇失波，所以我都唔太擔心佢哋嘅防守，放心出晒阿歷山大阿諾同羅拔臣。佢哋兩個近排都好弗，各自近4場都交出咗3個助攻。舒哈（Schar）
今場紐卡素（Newcastle）會主場對愛華頓（Everton），愛華頓近4場錄得1勝1和2負，近況一般。而紐卡素近4場就錄得2勝1和1負，表現唔錯。愛華頓近4場只係入得3球，當中有3場係0入球，可見佢哋近排嘅攻力麻麻。紐卡素近4場失咗3球，但當中有2場比賽係能夠保持0失球，防守算係唔錯。
中場
沙拿（Salah）
沙拿近排狀態低迷，近4場只係入得1球。般尼近4場只係失咗7球，防守一啲都唔穩健，希望佢今場能夠打破入球荒啦。
普巴（Pogba）
今場曼聯（Man Utd）將會作客硬撼阿仙奴（Arsenal），兩隊嘅近況都係咁頂呱呱，兩支球隊近4場都係錄得3勝1和，保持不敗。阿仙奴近4場只係失咗3球，防守都算唔錯。而曼聯就近4場入咗9球，而當中普巴就交出咗2入球1助攻，表現唔錯，係上週做咗敗家仔，射失十二碼。辛迪加斯（Snodgrass）
上面嘅轉會原因都交代得好詳細，所以都唔再重複多講喇。
夏薩特（Hazard）
今場車路士將會主場迎戰狼隊，狼隊近4場錄得1勝2和1負，而車路士就近4場錄得3勝1負，表現有所回勇。狼隊近4場只係失咗3球，要入佢哋波都有一定嘅難度。夏薩特近4場只係交出2入球1助攻，表現唔錯，希望佢今場都會入到波或者交到助攻。
前鋒
阿古路（Aguero）- Captain
今場曼城（Man City）將會主場對屈福特（Watford），屈福特近況絕對唔差，近4場錄得3勝1負，輸嘅都只係輸俾利物浦。而曼城就更加冇得彈啦，近4場錄得全勝。屈福特近4場失咗7球，有3場都有失波。而曼城就近4場就入咗10球，雖然近2場都係以1比0擊退對手，但相信佢哋對住成日失波嘅屈福特會搵到破門機會。阿古路近4場入咗4球，表現非常好，而且今場係曼城主場，咁梗係揀佢做隊長啦。占美利斯（Jimenez）
占美利斯近4場交出2入球1助攻，表現穩定。車路士近4場失咗7球，不過當中係有一場俾曼城血洗6球，希望佢今場都有機會入波或者助攻啦。值得一提嘅係，上半季狼隊係以2比1贏咗車路士，占美利斯仲要有1個入球添。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2
本週陣容
球隊價值（Squad value）： 103.4M剩餘資金（In the bank）： 1.0M
轉會
賣出：畢頓（Button）
買入：保路錫（Boruc）
原因：
買入保路錫兩大嘅考慮因素係價錢同第31週嘅賽程。首先，我希望2個門將當中，有其中一個只係價值4.0M，因為每個星期都只係會出1個門將，所以無謂放咁多資金落守門員身上。咁價值4.0M而又恆常上陣嘅龍門就只係得效力般尼茅夫（Bournemouth）嘅保路錫一個。另外，就係般尼茅夫喺第31週有比賽，咁就更加要入佢啦，係咪？今週般尼茅夫會作客對哈特斯菲爾德（Huddersfield），兩隊近況都好濕滯。哈特斯菲爾德近4場錄得1勝3負，而般尼茅夫就近4場錄得1和3負。雖然就咁睇般尼茅夫係頹好多，但係要留意返，佢哋輸嘅3場都係對住Big 6球隊。今場佢哋對住近4場僅入2球嘅哈特斯菲爾德，相信都唔難保持不失球。
賣出：摩天奴（Moutinho）
買入：辛迪加斯（Snodgrass）
原因：
狼隊（Wolves）今週要硬撼車路士（Chelsea），而且狼隊喺第31週同第33週都係冇比賽，咁我都唔洗留摩天奴喺隊喇。至於買入辛迪加斯，就係睇中韋斯咸（West Ham）嘅賽程同近況。韋斯咸喺第30週同第31週嘅對手都係處於降班區，分別係卡迪夫城（Cardiff）同哈特斯菲爾德，賽程筍到咁，唔係唔入啊？至於近況呢，韋斯咸近4場錄得2勝1和1負，輸嘅只係以1球輸俾曼城（Man City），表現算係唔錯啦。至於佢哋今場嘅對手卡迪夫城就近4場錄得1勝3負，表現都真係幾差下，相信呢個係韋斯咸搶分嘅好機會。至於揀辛迪加斯嘅原因，最主要都係價錢，賣走摩天奴得到5.3M，就入返個5.0M嘅辛迪加斯。另外，辛迪加斯近4場交出2個助攻，表現唔錯。再加上佢負責處理韋斯咸嘅角球，咁亦增加咗佢助攻得分嘅機會。
守門員
保路錫（Boruc）
上面嘅轉會原因都交代得好詳細，所以都唔再重複多講喇。
後衛
彭利拿（Pereira）
今場李斯特城會主場出擊對排尾二嘅富咸（Fulham），兩支球隊近排都係頹到爆炸，富咸近4場全敗，而李斯特城就近4場錄得1勝3負。富咸近4場僅入2球，攻力疲弱。雖然李斯特城近4場勁失10球，但今場對住今季聯賽入球第三少嘅球隊，應該都可以唔失波嘅。
阿歷山大阿諾（Alexander-Arnold）＆ 羅拔臣（Robertson）
今場利物浦（Liverpool）會主場迎戰般尼（Burnley）。般尼近4場錄得2勝2負，普普通通啦，而利物浦近4場就錄得2勝2和，雖然係不敗，但以一隊爭標球隊嚟講就近況唔算好。屈福特近4場攻入6球，攻力唔差，其中一場仲贏過熱刺添。不過，利物浦嘅防守就相當厲害，已經連續4場冇失波，所以我都唔太擔心佢哋嘅防守，放心出晒阿歷山大阿諾同羅拔臣。佢哋兩個近排都好弗，各自近4場都交出咗3個助攻。舒哈（Schar）
今場紐卡素（Newcastle）會主場對愛華頓（Everton），愛華頓近4場錄得1勝1和2負，近況一般。而紐卡素近4場就錄得2勝1和1負，表現唔錯。愛華頓近4場只係入得3球，當中有3場係0入球，可見佢哋近排嘅攻力麻麻。紐卡素近4場失咗3球，但當中有2場比賽係能夠保持0失球，防守算係唔錯。
中場
沙拿（Salah）
沙拿近排狀態低迷，近4場只係入得1球。般尼近4場只係失咗7球，防守一啲都唔穩健，希望佢今場能夠打破入球荒啦。
普巴（Pogba）
今場曼聯（Man Utd）將會作客硬撼阿仙奴（Arsenal），兩隊嘅近況都係咁頂呱呱，兩支球隊近4場都係錄得3勝1和，保持不敗。阿仙奴近4場只係失咗3球，防守都算唔錯。而曼聯就近4場入咗9球，而當中普巴就交出咗2入球1助攻，表現唔錯，係上週做咗敗家仔，射失十二碼。辛迪加斯（Snodgrass）
上面嘅轉會原因都交代得好詳細，所以都唔再重複多講喇。
夏薩特（Hazard）
今場車路士將會主場迎戰狼隊，狼隊近4場錄得1勝2和1負，而車路士就近4場錄得3勝1負，表現有所回勇。狼隊近4場只係失咗3球，要入佢哋波都有一定嘅難度。夏薩特近4場只係交出2入球1助攻，表現唔錯，希望佢今場都會入到波或者交到助攻。
前鋒
阿古路（Aguero）- Captain
今場曼城（Man City）將會主場對屈福特（Watford），屈福特近況絕對唔差，近4場錄得3勝1負，輸嘅都只係輸俾利物浦。而曼城就更加冇得彈啦，近4場錄得全勝。屈福特近4場失咗7球，有3場都有失波。而曼城就近4場就入咗10球，雖然近2場都係以1比0擊退對手，但相信佢哋對住成日失波嘅屈福特會搵到破門機會。阿古路近4場入咗4球，表現非常好，而且今場係曼城主場，咁梗係揀佢做隊長啦。占美利斯（Jimenez）
占美利斯近4場交出2入球1助攻，表現穩定。車路士近4場失咗7球，不過當中係有一場俾曼城血洗6球，希望佢今場都有機會入波或者助攻啦。值得一提嘅係，上半季狼隊係以2比1贏咗車路士，占美利斯仲要有1個入球添。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊