今週矚目大戰必定係曼城（Man City）對車路士（Chelsea），兩隊都喺啱啱過去嘅比賽週順利贏波。而上半季就係車路士以2比0淨勝曼城，唔知哥迪奧拿今次有咩對策呢？有希古恩（Higuain）加盟嘅車路士又能唔能夠增強車路士嘅攻力呢？呢場大戰應該都會幾好睇。不過，再提提大家，今週當呢兩支球隊碰頭後，呢兩隊連同白禮頓（Brighton）同愛華頓（Everton）喺第27週都唔會有比賽，所以大家都要諗定下一週嘅陣容同轉會策略。有啲玩家可能會諗用Free Hit，但筆者就認為除非隊中出場嘅人係唔夠9人，用Free Hit至冇咁浪費。因為始終都仲有8場比賽，都多球隊俾大家選擇，可能留住法寶去之後有更少比賽嘅比賽週或者之後一週雙賽嘅比賽週會更能夠發揮Free Hit嘅效用。因為筆者都冇打算用Free Hit，所以今週都開始準備緊第27週。暫時嘅計劃係先賣走車路士嘅簡迪（Kante），下週再賣走上週拎到超高分嘅阿古路（Aguero）。咁依家就睇下筆者今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 102.7M剩餘資金（In the bank）： 1.3M
轉會
賣出：簡迪（Kante）
買入：摩天奴（Moutinho）
原因：
最主要嘅原因係因為原本個陣已經有5個第27週冇比賽嘅球員，所以我要清走啲喺第27週冇比賽嘅球員，入返啲會出嘅球員。所以今個星期就第一個賣走簡迪喇，用咗簡迪3個比賽週，佢嘅表現都算唔錯，啱啱嗰週先交出2個助攻。總結返佢呢3週嘅數據，呢3場佢交出2個助攻，喺FPL拎到13分，場均得分達到4.3分。不過，佢嘅代替者就仲犀利，近3場交出5個助攻，喺FPL拎到27分，場均得分達到9分。邊個咁犀利？就係狼隊（Wolves）中場摩天奴。狼隊除咗喺第27週有比賽之外，未來4週嘅賽程亦相當易踢，所有對手都係聯賽榜第10名或以下。摩天奴嘅狀態咁好，再加埋佢負責處理狼隊嘅死球，增加咗佢助攻嘅機會，而買入摩天奴只係用咗5.2M，相當抵買。我都好期待今場佢對紐卡素（Newcastle）嘅表現。
守門員艾法列治（Etheridge）
卡迪夫城（Cardiff）今場要作客對聯賽榜比佢哋僅僅高2分嘅修咸頓（Southampton）。雖然修咸頓同卡迪夫城嘅排名差唔多，但係修咸頓嘅近況就好好多。修咸頓近4場錄得2勝2和不敗嘅佳績，而卡迪夫城就近4場錄得1勝1和2負。不過，卡迪夫城喺呢4場入面都有2場能夠保持不失球，算係好唔錯，希望艾法列治今個星期繼續助球隊保持不失啦。
後衛
雲比沙卡（Wan-Bissaka）
今場水晶宮（Crystal Palace）會主場出擊對韋斯咸（West Ham），韋斯咸嘅近況普通，近4場取得1勝1和2負。不過，水晶宮都同樣係近4場取得1勝1和2負，唔同嘅係水晶宮近2場取得1勝1和。韋斯咸近4場只係入得2球，攻力疲弱，適逢水晶宮喺啱啱場聯賽先保持不失球，希望佢哋可以一鼓作氣繼續力保不失。賓納特（Bennett）
今場狼隊會主場對紐卡素，紐卡素近4場錄得2勝2負。而狼隊嘅狀態就更好，近4場錄得3勝1負，更加係聯賽3連勝。紐卡素近4場只係入6球，其進攻絕對係不容忽視，因為佢哋近排其中一場就係贏曼城。狼隊近4場只係得1場冇失波，希望今場狼隊都能夠保持不失球啦。
羅拔臣（Robertson）
今場利物浦（Liverpool）會主場迎戰般尼茅夫（Bournemouth）。般尼茅夫近4場錄得2勝2負，而利物浦近4場就錄得2勝2和。作為暫時英超失球最少嘅球隊，但好不幸地近4場只係得1場能夠保持不失。羅拔臣近4場交出1個助攻，希望佢即使未能助球隊保持清白之身，都可以喺進攻上帶嚟回報。
中場
沙拿（Salah）
利物浦經歷聯賽2連和，其榜首優勢已經進一步收窄。雖然般尼茅夫近4場失咗4球，但係佢哋有2場係能夠保持不失，其中一場更加係淨勝車路士，絕對唔可以睇小佢哋嘅防守。沙拿近4場攻入3球，但係近2場都食白果。沙拿對上一次連續2場冇入波或者助攻，要追溯到第7週同第8週，而呢2場冇進攻上嘅貢獻，都係今季第二次。希望佢今場能夠重拾射門鞋啦。普巴（Pogba）- Captain
曼聯（Man Utd）今場將會作客對富咸（Fulham），富咸近4場只係錄得1勝3負，而曼聯近4場就錄得3勝1和，狀態不俗。富咸係暫時英超失球最多嘅球隊，失咗55球，而佢哋近4場就每場都失2球。咁睇嚟曼聯今場至少都能夠入到2球或以上。普巴近4場交出2入球2助攻，而且仲係每場都有入波或助攻，咁曼聯有入波就應該都好大機會關佢事，咁我就放心揀普巴做隊長。
摩天奴（Moutinho）
上面嘅轉會原因都交代得好詳細，所以都唔再重複多講喇。
李察利臣（Richarlison）
今場愛華頓（Everton）會作客對屈福特（Watford），屈福特近4場錄得1勝2和1負，狀態一般。但愛華頓嘅狀態係更加差，近4場只係錄得1勝3負。李察利臣近排嘅狀態認真麻麻，近4場只係得1個入球。同埋預計今場入波應該都唔會多，屈福特近4場只係失咗3球，而愛華頓近4場只係入得3球。如果係咁，咁唔係應該出迪治尼（Digne）咩？因為愛華頓近4場輸咗3場，而且迪治尼嘅狀態極度唔穩定，費事失1球後防就冇4分不失球分，甚至拎負分添，咁倒不如搏李察利臣入到波或者交出助攻。夏薩特（Hazard）
今場車路士會作客曼城，曼城近況大勇，近4場錄得3勝1負，而車路士嘅近況就差少少，近4場錄得2勝2負。曼城近排防守唔差，近4場只失3球，仲有2場唔失波添。夏薩特近4場只係入咗2球，都係上場先至梅開二度，好在狀態及時回升。不過，唔好忘記，車路士上半季係以2比0淨勝曼城，而夏薩特喺嗰場比賽就貢獻2個助攻，希望今場佢都繼續有上乘嘅演出啦。
前鋒
阿古路（Aguero）
阿古路近4場交出4入球1助攻，狀態火熱，相信對住近4場失咗7球嘅車路士，入球機會都大。阿古路啱啱上週先喺對阿仙奴場波大演帽子戲法，證明咗佢絕對有能力喺強強對碰中爭取到入球。
占美利斯（Jimenez）
占美利斯近4場交出3入球1助攻，狀態好好。雖然今場嘅對手紐卡素近4場只係失咗4球，防守唔算太差，但占美利斯個態咁好，應該都夠入波嘅。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 102.7M剩餘資金（In the bank）： 1.3M
轉會
賣出：簡迪（Kante）
買入：摩天奴（Moutinho）
原因：
最主要嘅原因係因為原本個陣已經有5個第27週冇比賽嘅球員，所以我要清走啲喺第27週冇比賽嘅球員，入返啲會出嘅球員。所以今個星期就第一個賣走簡迪喇，用咗簡迪3個比賽週，佢嘅表現都算唔錯，啱啱嗰週先交出2個助攻。總結返佢呢3週嘅數據，呢3場佢交出2個助攻，喺FPL拎到13分，場均得分達到4.3分。不過，佢嘅代替者就仲犀利，近3場交出5個助攻，喺FPL拎到27分，場均得分達到9分。邊個咁犀利？就係狼隊（Wolves）中場摩天奴。狼隊除咗喺第27週有比賽之外，未來4週嘅賽程亦相當易踢，所有對手都係聯賽榜第10名或以下。摩天奴嘅狀態咁好，再加埋佢負責處理狼隊嘅死球，增加咗佢助攻嘅機會，而買入摩天奴只係用咗5.2M，相當抵買。我都好期待今場佢對紐卡素（Newcastle）嘅表現。
守門員艾法列治（Etheridge）
卡迪夫城（Cardiff）今場要作客對聯賽榜比佢哋僅僅高2分嘅修咸頓（Southampton）。雖然修咸頓同卡迪夫城嘅排名差唔多，但係修咸頓嘅近況就好好多。修咸頓近4場錄得2勝2和不敗嘅佳績，而卡迪夫城就近4場錄得1勝1和2負。不過，卡迪夫城喺呢4場入面都有2場能夠保持不失球，算係好唔錯，希望艾法列治今個星期繼續助球隊保持不失啦。
後衛
雲比沙卡（Wan-Bissaka）
今場水晶宮（Crystal Palace）會主場出擊對韋斯咸（West Ham），韋斯咸嘅近況普通，近4場取得1勝1和2負。不過，水晶宮都同樣係近4場取得1勝1和2負，唔同嘅係水晶宮近2場取得1勝1和。韋斯咸近4場只係入得2球，攻力疲弱，適逢水晶宮喺啱啱場聯賽先保持不失球，希望佢哋可以一鼓作氣繼續力保不失。賓納特（Bennett）
今場狼隊會主場對紐卡素，紐卡素近4場錄得2勝2負。而狼隊嘅狀態就更好，近4場錄得3勝1負，更加係聯賽3連勝。紐卡素近4場只係入6球，其進攻絕對係不容忽視，因為佢哋近排其中一場就係贏曼城。狼隊近4場只係得1場冇失波，希望今場狼隊都能夠保持不失球啦。
羅拔臣（Robertson）
今場利物浦（Liverpool）會主場迎戰般尼茅夫（Bournemouth）。般尼茅夫近4場錄得2勝2負，而利物浦近4場就錄得2勝2和。作為暫時英超失球最少嘅球隊，但好不幸地近4場只係得1場能夠保持不失。羅拔臣近4場交出1個助攻，希望佢即使未能助球隊保持清白之身，都可以喺進攻上帶嚟回報。
中場
沙拿（Salah）
利物浦經歷聯賽2連和，其榜首優勢已經進一步收窄。雖然般尼茅夫近4場失咗4球，但係佢哋有2場係能夠保持不失，其中一場更加係淨勝車路士，絕對唔可以睇小佢哋嘅防守。沙拿近4場攻入3球，但係近2場都食白果。沙拿對上一次連續2場冇入波或者助攻，要追溯到第7週同第8週，而呢2場冇進攻上嘅貢獻，都係今季第二次。希望佢今場能夠重拾射門鞋啦。普巴（Pogba）- Captain
曼聯（Man Utd）今場將會作客對富咸（Fulham），富咸近4場只係錄得1勝3負，而曼聯近4場就錄得3勝1和，狀態不俗。富咸係暫時英超失球最多嘅球隊，失咗55球，而佢哋近4場就每場都失2球。咁睇嚟曼聯今場至少都能夠入到2球或以上。普巴近4場交出2入球2助攻，而且仲係每場都有入波或助攻，咁曼聯有入波就應該都好大機會關佢事，咁我就放心揀普巴做隊長。
摩天奴（Moutinho）
上面嘅轉會原因都交代得好詳細，所以都唔再重複多講喇。
李察利臣（Richarlison）
今場愛華頓（Everton）會作客對屈福特（Watford），屈福特近4場錄得1勝2和1負，狀態一般。但愛華頓嘅狀態係更加差，近4場只係錄得1勝3負。李察利臣近排嘅狀態認真麻麻，近4場只係得1個入球。同埋預計今場入波應該都唔會多，屈福特近4場只係失咗3球，而愛華頓近4場只係入得3球。如果係咁，咁唔係應該出迪治尼（Digne）咩？因為愛華頓近4場輸咗3場，而且迪治尼嘅狀態極度唔穩定，費事失1球後防就冇4分不失球分，甚至拎負分添，咁倒不如搏李察利臣入到波或者交出助攻。夏薩特（Hazard）
今場車路士會作客曼城，曼城近況大勇，近4場錄得3勝1負，而車路士嘅近況就差少少，近4場錄得2勝2負。曼城近排防守唔差，近4場只失3球，仲有2場唔失波添。夏薩特近4場只係入咗2球，都係上場先至梅開二度，好在狀態及時回升。不過，唔好忘記，車路士上半季係以2比0淨勝曼城，而夏薩特喺嗰場比賽就貢獻2個助攻，希望今場佢都繼續有上乘嘅演出啦。
前鋒
阿古路（Aguero）
阿古路近4場交出4入球1助攻，狀態火熱，相信對住近4場失咗7球嘅車路士，入球機會都大。阿古路啱啱上週先喺對阿仙奴場波大演帽子戲法，證明咗佢絕對有能力喺強強對碰中爭取到入球。
占美利斯（Jimenez）
占美利斯近4場交出3入球1助攻，狀態好好。雖然今場嘅對手紐卡素近4場只係失咗4球，防守唔算太差，但占美利斯個態咁好，應該都夠入波嘅。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊