第23週應該會係一個好難捱嘅一週，因為筆者都未諗掂賣走孫興民（Son）之後要入邊個，就已經見到3個紅色感歎號。除咗孫興民要代表韓國踢亞洲盃，下場唔出得之外，連卡尼（Kane）同阿歷山大阿諾（Alexander-Arnold）都鐵定長抖。根據FPL官方資料，阿歷山大阿諾要抖到2月24日；而卡尼更加係要抖到3月2日。不過，呢啲都只係參考，球員周不時都會提早復出或者延遲復出。雖然有2個傷兵，但我都無意今週用Wildcard，原因係留返Wildcard，等一週雙賽先用。好似上季咁，就有超過一次出現一週雙賽嘅情況。同埋，係今週出雲比沙卡（Wan-Bissaka）有啲冒險，但過後佢同賓納特（Bennett）嘅賽程都唔錯，應該都頂到一陣。所以轉會計劃依然冇變，今週先賣孫興民，入返個5.0M中場；下週入沙拿（Salah）；再之後先睇睇清咗卡尼定阿歷山大阿諾先。至於買咩後衛就要視乎買咗個咩前鋒，暫時前鋒就相中奧巴美揚（Aubameyang）、拉舒福特（Rashford）、費明奴（Firmino）同耶穌（Jesus）。由於佢哋每個嘅價格都差幾遠下，好彩我都仲有2個星期睇睇呢幾位前鋒嘅表現同出場時間至決定買邊個。咁依家就睇下筆者今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-5-1
本週陣容
球隊價值（Squad value）： 96.7M剩餘資金（In the bank）： 6.9M
轉會
賣出：孫興民（Son）
買入：簡迪（Kante）
原因：今個星期賣走孫興民係一早計劃好嫁喇，但因為遲遲都搵唔到一個大概5.0M嘅中場。睇返呢個價位，暫時拎到最高分嘅係般尼茅夫（Bournemouth）嘅布魯克斯（Brooks），有76分；而緊隨其後嘅係車路士（Chelsea）中場簡迪，有75分。所以我都係掙扎緊買邊個好，兩邊嘅賽程其實都唔好，般尼茅夫同車路士未來4場都要兩對Big 6球隊。而最終點解揀咗簡迪呢？就係車路士喺未來7場只係需要同3隊Big 6球隊對陣，但般尼茅夫就要喺7場比賽入面對4支Big 6球隊。喺車路士嘅賽程稍稍比般尼茅夫好嘅時候，就選擇咗簡迪。而要揀一個咁平嘅中場嘅原因就係要預留資金下週買沙拿。
守門員
艾法列治（Etheridge）
今場卡迪夫城（Cardiff）會作客依家聯賽榜第18位排嘅紐卡素（Newcastle），而卡迪夫城依家都只係排緊聯賽榜嘅第17位，比紐卡素高一位。紐卡素近4場錄得1和3負，相反卡迪夫城就近4場僅得1負，錄得1勝2和1負。卡迪夫城近4場有3場不失球，當中只有對熱刺（Spurs）先失咗3球，而紐卡素就近4場僅入2球，攻力疲弱。呢場護級大戰就睇好卡迪夫城，希望艾法列治能夠幫助球隊保持清白之身啦。
後衛
雲比沙卡（Wan-Bissaka）
水晶宮（Crystal Palace）今場會作客對聯賽一哥利物浦（Liverpool），點解會出雲比沙卡呢？因為卡尼受傷要抖到3月，再加埋阿歷山大阿諾有傷，變咗後備只係得雲比沙卡同瑟薩斯（Success）兩個揀。瑟薩斯長期係後備，只係拎到1分。於是，我就選擇雲比沙卡，希望好似上場咁，就算失2球，都依然拎到3分bonus。雖然呢個機會比較細，但都見到雲比沙卡嘅得分機會係比瑟薩斯高。
賓納特（Bennett）
狼隊（Wolves）今場會主場對李斯特城（Leicester），論近況，李斯特城就稍稍佔優，近4場錄得2勝2負，而狼隊近4場就錄得1勝1和1負。李斯特城近4場只係入咗4球，攻力普通，而狼隊就已經連續5場都有失波。希望狼隊今場唔失波啦。
迪治尼（Digne）今場愛華頓（Everton）將會作客對近4場僅得1勝嘅修咸頓（Southampton）。修咸頓近4場錄得1勝1和2負，而愛華頓就表現稍為好啲啲，近4場錄得2勝2負。修咸頓近4場只係入咗4球，攻力麻麻。雖然愛華頓近4場先得1場冇失波，但係迪治尼進攻上嘅表現真係冇得彈，近4場交出2入球1助攻，比一般嘅中場表現仲要好。即使愛華頓今場未能保持不失，迪治尼好大機會都能夠交出助攻，甚至入波。
羅拔臣（Robertson）
今場利物浦將會主場迎戰近4場僅得1勝嘅水晶宮。而利物浦近4場只係輸過1場俾曼城（Man City），其餘全勝。羅拔臣近4場交出1個助攻，拎咗4分bonus，得分能力唔錯，難怪佢依家已經超越車路士嘅阿朗素（Alonso），成為FPL得分最高嘅後衛。
中場
李察利臣（Richarlison）李察利臣近4場僅交出1個入球，表現麻麻。希望佢趁住愛華頓嘅賽程仍然係好嘅時候，盡快重拾季初嘅佳態啦。
普巴（Pogba）- Captain
曼聯（Man Utd）今場會主場鬥白禮頓（Brighton），白禮頓近4場錄得1勝2和1負，勢頭唔錯。而曼聯就更加係錄得聯賽5連勝，上場仲要贏埋近況大勇嘅熱刺（Spurs）。普巴近4場交出4入球2助攻，表現超好。上場對熱刺更加係全隊錄得中目標射門嘅球員，再加埋個助攻，所以都可以預計曼聯大部份嘅進攻都係圍繞普巴，咁揀佢做隊長就冇錯喇。
簡迪（Kante）
上面嘅轉會原因都交代咗，所以都唔多講喇。放簡迪出嚟，其實都只係期待奇蹟嘅發生。以佢咁嘅價錢，每幾場入到1球或者交到助攻，都已經收貨。今場阿仙奴（Arsenal）對車路士都唔期待啲咩，因為實在係冇咩人可以出至出。安達臣（Anderson）
韋斯咸（West Ham）今場會作客般尼茅夫，般尼茅夫近4場不勝，僅得1和3負，而韋斯咸近4場就錄得2勝1和1負。安達臣雖然近4場錄得2入球，但係佢已經連續3場冇波入，狀態有啲沉。希望佢今場對住後防穿窿，近4場失咗14球嘅般尼茅夫，可以入到波或者交出助攻。不過，如無意外，今週應該係我最後一場用安達臣，因為下一場我嘅計劃就係賣走安達臣，買入利物浦嘅沙拿。
夏薩特（Hazard）
今場車路士將會作客對近4場僅得1勝嘅阿仙奴，阿仙奴近4場錄得1勝1和2負，而車路士近4場就錄得3勝1和嘅不敗佳績。阿仙奴近4場失咗8球，更加於同利物浦強強對碰中輸5比1。阿仙奴總係於強強對碰中表現較差嘅一方，而夏薩特近4場就交出2入球1助攻，今場都好大機會能夠帶嚟進攻上嘅貢獻。
前鋒
占美利斯（Jimenez）
今週頭場狼隊主場迎戰李斯特城，雖然近排占美利斯狀態都比較沉，近4場僅入1球，但睇返佢今季嘅數據，佢嘅表現都算穩定，暫時今季過咗22輪比賽，佢已經交出咗6入球6助攻。即係大概每2場就能夠帶嚟進攻上嘅貢獻，所以近排嘅表現係佢嘅水準之下，今場好大機會係佢反彈嘅時候。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-5-1
本週陣容
球隊價值（Squad value）： 96.7M剩餘資金（In the bank）： 6.9M
轉會
賣出：孫興民（Son）
買入：簡迪（Kante）
原因：今個星期賣走孫興民係一早計劃好嫁喇，但因為遲遲都搵唔到一個大概5.0M嘅中場。睇返呢個價位，暫時拎到最高分嘅係般尼茅夫（Bournemouth）嘅布魯克斯（Brooks），有76分；而緊隨其後嘅係車路士（Chelsea）中場簡迪，有75分。所以我都係掙扎緊買邊個好，兩邊嘅賽程其實都唔好，般尼茅夫同車路士未來4場都要兩對Big 6球隊。而最終點解揀咗簡迪呢？就係車路士喺未來7場只係需要同3隊Big 6球隊對陣，但般尼茅夫就要喺7場比賽入面對4支Big 6球隊。喺車路士嘅賽程稍稍比般尼茅夫好嘅時候，就選擇咗簡迪。而要揀一個咁平嘅中場嘅原因就係要預留資金下週買沙拿。
守門員
艾法列治（Etheridge）
今場卡迪夫城（Cardiff）會作客依家聯賽榜第18位排嘅紐卡素（Newcastle），而卡迪夫城依家都只係排緊聯賽榜嘅第17位，比紐卡素高一位。紐卡素近4場錄得1和3負，相反卡迪夫城就近4場僅得1負，錄得1勝2和1負。卡迪夫城近4場有3場不失球，當中只有對熱刺（Spurs）先失咗3球，而紐卡素就近4場僅入2球，攻力疲弱。呢場護級大戰就睇好卡迪夫城，希望艾法列治能夠幫助球隊保持清白之身啦。
後衛
雲比沙卡（Wan-Bissaka）
水晶宮（Crystal Palace）今場會作客對聯賽一哥利物浦（Liverpool），點解會出雲比沙卡呢？因為卡尼受傷要抖到3月，再加埋阿歷山大阿諾有傷，變咗後備只係得雲比沙卡同瑟薩斯（Success）兩個揀。瑟薩斯長期係後備，只係拎到1分。於是，我就選擇雲比沙卡，希望好似上場咁，就算失2球，都依然拎到3分bonus。雖然呢個機會比較細，但都見到雲比沙卡嘅得分機會係比瑟薩斯高。
賓納特（Bennett）
狼隊（Wolves）今場會主場對李斯特城（Leicester），論近況，李斯特城就稍稍佔優，近4場錄得2勝2負，而狼隊近4場就錄得1勝1和1負。李斯特城近4場只係入咗4球，攻力普通，而狼隊就已經連續5場都有失波。希望狼隊今場唔失波啦。
迪治尼（Digne）今場愛華頓（Everton）將會作客對近4場僅得1勝嘅修咸頓（Southampton）。修咸頓近4場錄得1勝1和2負，而愛華頓就表現稍為好啲啲，近4場錄得2勝2負。修咸頓近4場只係入咗4球，攻力麻麻。雖然愛華頓近4場先得1場冇失波，但係迪治尼進攻上嘅表現真係冇得彈，近4場交出2入球1助攻，比一般嘅中場表現仲要好。即使愛華頓今場未能保持不失，迪治尼好大機會都能夠交出助攻，甚至入波。
羅拔臣（Robertson）
今場利物浦將會主場迎戰近4場僅得1勝嘅水晶宮。而利物浦近4場只係輸過1場俾曼城（Man City），其餘全勝。羅拔臣近4場交出1個助攻，拎咗4分bonus，得分能力唔錯，難怪佢依家已經超越車路士嘅阿朗素（Alonso），成為FPL得分最高嘅後衛。
中場
李察利臣（Richarlison）李察利臣近4場僅交出1個入球，表現麻麻。希望佢趁住愛華頓嘅賽程仍然係好嘅時候，盡快重拾季初嘅佳態啦。
普巴（Pogba）- Captain
曼聯（Man Utd）今場會主場鬥白禮頓（Brighton），白禮頓近4場錄得1勝2和1負，勢頭唔錯。而曼聯就更加係錄得聯賽5連勝，上場仲要贏埋近況大勇嘅熱刺（Spurs）。普巴近4場交出4入球2助攻，表現超好。上場對熱刺更加係全隊錄得中目標射門嘅球員，再加埋個助攻，所以都可以預計曼聯大部份嘅進攻都係圍繞普巴，咁揀佢做隊長就冇錯喇。
簡迪（Kante）
上面嘅轉會原因都交代咗，所以都唔多講喇。放簡迪出嚟，其實都只係期待奇蹟嘅發生。以佢咁嘅價錢，每幾場入到1球或者交到助攻，都已經收貨。今場阿仙奴（Arsenal）對車路士都唔期待啲咩，因為實在係冇咩人可以出至出。安達臣（Anderson）
韋斯咸（West Ham）今場會作客般尼茅夫，般尼茅夫近4場不勝，僅得1和3負，而韋斯咸近4場就錄得2勝1和1負。安達臣雖然近4場錄得2入球，但係佢已經連續3場冇波入，狀態有啲沉。希望佢今場對住後防穿窿，近4場失咗14球嘅般尼茅夫，可以入到波或者交出助攻。不過，如無意外，今週應該係我最後一場用安達臣，因為下一場我嘅計劃就係賣走安達臣，買入利物浦嘅沙拿。
夏薩特（Hazard）
今場車路士將會作客對近4場僅得1勝嘅阿仙奴，阿仙奴近4場錄得1勝1和2負，而車路士近4場就錄得3勝1和嘅不敗佳績。阿仙奴近4場失咗8球，更加於同利物浦強強對碰中輸5比1。阿仙奴總係於強強對碰中表現較差嘅一方，而夏薩特近4場就交出2入球1助攻，今場都好大機會能夠帶嚟進攻上嘅貢獻。
前鋒
占美利斯（Jimenez）
今週頭場狼隊主場迎戰李斯特城，雖然近排占美利斯狀態都比較沉，近4場僅入1球，但睇返佢今季嘅數據，佢嘅表現都算穩定，暫時今季過咗22輪比賽，佢已經交出咗6入球6助攻。即係大概每2場就能夠帶嚟進攻上嘅貢獻，所以近排嘅表現係佢嘅水準之下，今場好大機會係佢反彈嘅時候。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊