筆者嘅陣近排迎嚟一個小低潮，係開季咁耐第一次連續2個星期都排名下跌，最主要嘅原因都係揀錯隊長同估邊隊贏邊隊輸估錯，以致出錯球員，將高分嘅球員收晒喺後備，希望今個星期唔會再犯呢啲錯。同埋希望大家都唔好犯呢啲錯，因為真係好唔抵。今個星期嘅話題一定係圍繞住熱刺（Spurs）對曼聯（Man Utd）。不過好彩，呢場對我嘅影響有別於上輪曼城（Man City）對利物浦（Liverpool），因為上場我係有2個利物浦後衛，但今場我係有2個熱刺中前場同1個曼聯中場，就算佢哋入幾多球都好，我坐底都會每人有2分，唔同上場一失夠2球就要扣分，仲要估錯後衛交助攻，損失更為慘重。但今場佢哋只要狂入波就得，有入波代表我嘅進攻球員入波同交助攻嘅機會亦相應提高。近4場熱刺狂轟15球，而曼聯就入咗14球，2隊都分別場均入接近4球，火力驚人。咁依家就睇下筆者今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2
本週陣容
球隊價值（Squad value）： 100.4M剩餘資金（In the bank）： 3.4M
轉會
賣出：法比安斯基（Fabianski）
買入：艾法列治（Etheridge）
原因：韋斯咸（West Ham）嘅賽程變得艱難，而且今個星期仲要對阿仙奴（Arsenal），再加埋法比安斯基已經連續4場都有失波，令到呢個時候就變成賣佢嘅最佳時機。由於要預留資金俾重磅轉會嘅沙拿（Salah），所以都仍然會用4.5M嘅守門員。而我就睇中咗卡迪夫城（Cardiff）嘅艾法列治，卡迪夫城未來嘅賽程非常好，由第21週開始，直到第31週，中間都只係得第24週需要對阿仙奴一支Big 6球隊。
守門員
艾法列治（Etheridge）
今場卡迪夫城會主場迎戰目前排榜尾嘅哈特斯菲爾德（Huddersfield），卡迪夫城近4場只係錄得1勝1和2負，近況可以話係差，如果唔係又點會依家排喺第17位。只不過今週佢哋遇到嘅對手比佢哋更差，哈特斯菲爾德已經連輸8場，而且佢哋經過21場聯賽都只係入咗13球，係20隊中嘅最少。如果卡迪夫城呢場都保持唔到清白之身，咁邊場可以呢？所以今個星期我對艾法列治嘅期望都幾高。
後衛
阿歷山大阿諾（Alexander-Arnold）＆ 羅拔臣（Robertson）
今場利物浦會作客白禮頓（Brighton），雖然利物浦上輪先首次輸波，但係佢哋都係僅僅輸1球俾聯賽二哥嘅曼城，都情有可原。白禮頓近4場僅得1敗，錄得1勝2和1負，近況唔差。白禮頓近4場只係入咗4球，而利物浦近4場只係失咗3球，全季僅失10球，係全英超最少。阿歷山大阿諾同羅拔臣近4場都各自交出1個助攻，所以今場我都好放心同時派佢哋兩個上陣。
雲比沙卡（Wan-Bissaka）
水晶宮（Crystal Palace）今場會主場對屈福特（Watford），兩支球隊嘅近況都差唔多，水晶宮近4場錄得2勝1和1負，而屈福特近4場就錄得1勝2和1負。雖然屈福特近4場都入咗7球，但水晶宮嘅防守都唔差，近4場有2場都冇失波。所以今場我投水晶宮一票，希望佢哋能夠保持清白之身。迪治尼（Digne）
今場愛華頓（Everton）將會主場出擊對近4場僅得1勝嘅般尼茅夫（Bournemouth）。兩隊都同時處於低潮期，因為愛華頓近4場都只係贏得1場。呢場我都唔太期望愛華頓能夠唔失波，但我比較期待迪治尼進攻上帶嚟嘅回報，因為近4場就有一場比賽梅開二度。
中場
李察利臣（Richarlison）
李察利臣近4場交出1入球1助攻，狀態都叫做不過不失，唔可以話好差，但又唔係話好好。不過，佢嘅表現其實就一直都欠缺咗啲穩定性，有時可以好好表現，拎到十幾分，但有時又真係冇表現得好緊要，所以佢唔能夠成為FPL可靠嘅隊長。今場唯有希望佢生生性性喺般尼茅夫身上取得入球。
夏薩特（Hazard）
今場車路士（Chelsea）將會主場對近4場不勝嘅紐卡素（Newcastle），紐卡素近4場失咗7球，但係車路士嘅表現都唔係幾好，近4場僅入3球。不過有個幾有利嘅數據，就係呢3球當中有2球係夏薩特入嘅，咁即係話車路士大部份嘅入波都係要靠夏薩特，只要車路士有波入，係夏薩特入嘅機會就大增喇，希望夏薩特今場會有波入啦。普巴（Pogba）
曼聯今場會作客鬥熱刺，盛傳普巴有傷，上陣成疑，但如果佢能夠上場，佢將會主宰住曼聯嘅進攻命脈，事關曼聯近4場攻入14球，而當中有8球係普巴入或者助攻嘅。超過一半嘅入波都同普巴有關，假如曼聯入到波而普巴有上陣，相信佢都可以拎到好高分。普巴近4場喺FPL就拎咗49分，只係僅次於今場對手嘅紅人孫興民（Son）。
孫興民（Son）- Captain
熱刺今場會主場硬撼曼聯，兩隊嘅近況都唔錯，熱刺就近4場錄得3勝1負，而曼聯就錄得聯賽4連勝。我近4場有2場揀孫興民做隊長，都有唔錯嘅回報，可惜嘅係我冇場場揀佢做隊長，因為佢近4場喺FPL就拎咗52分，係全英超最高。佢近排嘅狀態亦都好火熱，近4場交出5入球4助攻兼保持住由第11週開始，只要佢係正選落場，就必定可以入到波或者交到助攻。因為孫興民踢埋今場就要代表韓國踢亞洲盃，所以今週決定揀佢做隊長，以表對佢嘅支持，同埋呢場我都係估入球大嘅。
前鋒
占美利斯（Jimenez）
狼隊（Wolves）今場要作客曼城，雖然狼隊近4場僅得1勝1和2負，但曼城都唔係好得去邊，只係得2勝2負。不過，曼城上場先打破利物浦嘅不敗身，再加埋牌面，必然係被睇高一線。不過，狼隊今季7次對Big 6球隊表現一啲都唔失禮，錄得2勝3和2負，對上一次對曼城更加係能夠守和1比1。雖然占美利斯嘅近況有啲低迷，近4場只係入得1球，希望佢今場可以重拾射門鞋啦。
卡尼（Kane）
卡尼近況大勇，雖然風頭就唔及隊友孫興民，但都好好，近4場交出5入球2助攻。近4場喺FPL，更加係冇前鋒比卡尼拎得多分，佢拎咗39分。希望佢今場會繼續佢嘅勇態。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2
本週陣容
球隊價值（Squad value）： 100.4M剩餘資金（In the bank）： 3.4M
轉會
賣出：法比安斯基（Fabianski）
買入：艾法列治（Etheridge）
原因：韋斯咸（West Ham）嘅賽程變得艱難，而且今個星期仲要對阿仙奴（Arsenal），再加埋法比安斯基已經連續4場都有失波，令到呢個時候就變成賣佢嘅最佳時機。由於要預留資金俾重磅轉會嘅沙拿（Salah），所以都仍然會用4.5M嘅守門員。而我就睇中咗卡迪夫城（Cardiff）嘅艾法列治，卡迪夫城未來嘅賽程非常好，由第21週開始，直到第31週，中間都只係得第24週需要對阿仙奴一支Big 6球隊。
守門員
艾法列治（Etheridge）
今場卡迪夫城會主場迎戰目前排榜尾嘅哈特斯菲爾德（Huddersfield），卡迪夫城近4場只係錄得1勝1和2負，近況可以話係差，如果唔係又點會依家排喺第17位。只不過今週佢哋遇到嘅對手比佢哋更差，哈特斯菲爾德已經連輸8場，而且佢哋經過21場聯賽都只係入咗13球，係20隊中嘅最少。如果卡迪夫城呢場都保持唔到清白之身，咁邊場可以呢？所以今個星期我對艾法列治嘅期望都幾高。
後衛
阿歷山大阿諾（Alexander-Arnold）＆ 羅拔臣（Robertson）
今場利物浦會作客白禮頓（Brighton），雖然利物浦上輪先首次輸波，但係佢哋都係僅僅輸1球俾聯賽二哥嘅曼城，都情有可原。白禮頓近4場僅得1敗，錄得1勝2和1負，近況唔差。白禮頓近4場只係入咗4球，而利物浦近4場只係失咗3球，全季僅失10球，係全英超最少。阿歷山大阿諾同羅拔臣近4場都各自交出1個助攻，所以今場我都好放心同時派佢哋兩個上陣。
雲比沙卡（Wan-Bissaka）
水晶宮（Crystal Palace）今場會主場對屈福特（Watford），兩支球隊嘅近況都差唔多，水晶宮近4場錄得2勝1和1負，而屈福特近4場就錄得1勝2和1負。雖然屈福特近4場都入咗7球，但水晶宮嘅防守都唔差，近4場有2場都冇失波。所以今場我投水晶宮一票，希望佢哋能夠保持清白之身。迪治尼（Digne）
今場愛華頓（Everton）將會主場出擊對近4場僅得1勝嘅般尼茅夫（Bournemouth）。兩隊都同時處於低潮期，因為愛華頓近4場都只係贏得1場。呢場我都唔太期望愛華頓能夠唔失波，但我比較期待迪治尼進攻上帶嚟嘅回報，因為近4場就有一場比賽梅開二度。
中場
李察利臣（Richarlison）
李察利臣近4場交出1入球1助攻，狀態都叫做不過不失，唔可以話好差，但又唔係話好好。不過，佢嘅表現其實就一直都欠缺咗啲穩定性，有時可以好好表現，拎到十幾分，但有時又真係冇表現得好緊要，所以佢唔能夠成為FPL可靠嘅隊長。今場唯有希望佢生生性性喺般尼茅夫身上取得入球。
夏薩特（Hazard）
今場車路士（Chelsea）將會主場對近4場不勝嘅紐卡素（Newcastle），紐卡素近4場失咗7球，但係車路士嘅表現都唔係幾好，近4場僅入3球。不過有個幾有利嘅數據，就係呢3球當中有2球係夏薩特入嘅，咁即係話車路士大部份嘅入波都係要靠夏薩特，只要車路士有波入，係夏薩特入嘅機會就大增喇，希望夏薩特今場會有波入啦。普巴（Pogba）
曼聯今場會作客鬥熱刺，盛傳普巴有傷，上陣成疑，但如果佢能夠上場，佢將會主宰住曼聯嘅進攻命脈，事關曼聯近4場攻入14球，而當中有8球係普巴入或者助攻嘅。超過一半嘅入波都同普巴有關，假如曼聯入到波而普巴有上陣，相信佢都可以拎到好高分。普巴近4場喺FPL就拎咗49分，只係僅次於今場對手嘅紅人孫興民（Son）。
孫興民（Son）- Captain
熱刺今場會主場硬撼曼聯，兩隊嘅近況都唔錯，熱刺就近4場錄得3勝1負，而曼聯就錄得聯賽4連勝。我近4場有2場揀孫興民做隊長，都有唔錯嘅回報，可惜嘅係我冇場場揀佢做隊長，因為佢近4場喺FPL就拎咗52分，係全英超最高。佢近排嘅狀態亦都好火熱，近4場交出5入球4助攻兼保持住由第11週開始，只要佢係正選落場，就必定可以入到波或者交到助攻。因為孫興民踢埋今場就要代表韓國踢亞洲盃，所以今週決定揀佢做隊長，以表對佢嘅支持，同埋呢場我都係估入球大嘅。
前鋒
占美利斯（Jimenez）
狼隊（Wolves）今場要作客曼城，雖然狼隊近4場僅得1勝1和2負，但曼城都唔係好得去邊，只係得2勝2負。不過，曼城上場先打破利物浦嘅不敗身，再加埋牌面，必然係被睇高一線。不過，狼隊今季7次對Big 6球隊表現一啲都唔失禮，錄得2勝3和2負，對上一次對曼城更加係能夠守和1比1。雖然占美利斯嘅近況有啲低迷，近4場只係入得1球，希望佢今場可以重拾射門鞋啦。
卡尼（Kane）
卡尼近況大勇，雖然風頭就唔及隊友孫興民，但都好好，近4場交出5入球2助攻。近4場喺FPL，更加係冇前鋒比卡尼拎得多分，佢拎咗39分。希望佢今場會繼續佢嘅勇態。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊