今個星期嘅焦點賽事一定係曼城（Man City）對利物浦（Liverpool），曼城啱啱先至贏波止止血，而利物浦就係上輪大炒阿仙奴（Arsenal），氣勢如虹。預計都應該會係利物浦被睇高一線。不過，今週最主要係想同大家講下我未來嘅陣容諗住會係點。
呢幅圖就顯示咗未來呢幾個星期我理想中嘅陣容係點，先講下一週個轉會先，必定係賣走法比安斯基（Fabianski），買卡迪夫城（Cardiff）嘅守門員艾法列治（Etheridge）。第一個原因係，韋斯咸（West Ham）嘅賽程會變得相當難打，過埋今場韋斯咸就要喺未來4場對2隊Big 6球隊，而下一場就係對阿仙奴（Arsenal）喇。相反，卡迪夫城捱過埋今週對熱刺（Spurs），由第22週去到第31週，都只係得第24週需要對阿仙奴一隊Big 6球隊，賽程可以話係相當好。第二個原因係，艾法列治只係4.5M，比法比安斯基仲要平0.3M，但佢已經係第二高分嘅守門員，僅次於今季僅失8球嘅艾利臣（Alisson）。而之後，因為孫興民（Son）要為韓國出戰亞洲盃，同埋韋斯咸嘅賽程麻麻，所以會賣走孫興民同安達臣（Anderson）佢哋兩個。之後就會買沙拿（Salah），因為沙拿近排嘅狀態真係非常好，我都怕買得佢遲，但冇計沙拿太貴，喺唔扣分嘅情況下，一定要逐個逐個比賽週咁轉會先至買到。之後就用淨返落嚟嘅5.8M揀下邊位平價而又賽程較好嘅中場，暫時就相中咗狼隊（Wolves）嘅摩天奴（Moutinho）。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 100.4M剩餘資金（In the bank）： 3.3M
轉會賣出：威爾遜（Wilson）
買入：占美尼斯（Jimenez）
原因：威爾遜自傷咗之後，就冇再喺進攻上作出貢獻。佢已經連續5個比賽週都冇入波或者助攻，表現低迷。而般尼茅夫（Bournemouth）嘅賽程又唔係話相當易踢，4個比賽週之後就要對車路士（Chelsea），而其他對手都係中游份子，所以賣走佢都係理所當然。至於代替威爾遜嘅人選，我就揀咗狼隊前鋒占美尼斯。睇返占美尼斯嘅數據，佢今季暫時收穫6入球6助攻，表現好穩定，每隔幾場就交到功課。而目狼隊嘅賽程亦變得相當易打，由第21週去到第29週，佢哋都只係需要喺第22週對曼城（Man City）呢1支Big 6球隊。
賣出：辛尼（Sane）
買入：普巴（Pogba）
原因：原因只得一個—狀態。辛尼近4場只係錄得2個助攻；而普巴近4場就錄得4入球4助攻。自摩連奴被炒後，普巴喺FPL就貢獻咗46分，係呢段時間得分最高嘅球員。而且曼聯（Man Utd）嘅賽程亦相對比曼城好。另外，今場曼聯嘅對手係紐卡素（Newcastle），級數同曼聯近幾場大炒對手嘅都差唔多，預計呢場都會係大手交易。
守門員
法比安斯基（Fabianski）
今場韋斯咸會主場迎戰近4場僅得1勝嘅白禮頓（Brighton），韋斯咸已經連續3場未能保持清白之身。不過，白禮頓近4場都只係入咗3球，攻力一般。無論如何，今個星期會係我最後一場用法比安斯基把關，因為過埋今場韋斯咸就要喺未來4場對2隊Big 6球隊，而下一場就會係對阿仙奴（Arsenal）。希望佢喺我用佢嘅最後一場入面能夠做返齣好戲啦。
後衛
阿歷山大阿諾（Alexander-Arnold）
今場利物浦會作客聯賽第二嘅曼城，雖然曼城係聯賽第二，但係近排就迎嚟一個小低潮。曼城近4場輸咗2場，喺聯賽更加比利物浦拋開7分。阿歷山大阿諾近2場交出1個助攻，喺FPL拎到13分，而佢嘅隊友羅拔臣（Robertson）就只係拎到7分，所以我相信出阿歷山大阿諾拎到高分嘅機會會比較高。賓納特（Bennett）
今場狼隊將會主場迎戰水晶宮（Crystal Palace），老實講，水晶宮嘅近況不俗，近4場錄得2勝1和1負，更加作客贏埋曼城添。而狼隊嘅近況都唔錯，同樣係近4場錄得2勝1和1負。狼隊嘅失球數字係英超第5少，算係好唔錯，希望佢哋今場可以唔失波啦。
迪治尼（Digne）
今場愛華頓（Everton）會主場迎戰李斯特城（Leicester），以近況嚟講，就李斯特城稍稍佔優，李斯特城近4場錄得2勝2負，而愛華頓近4場就只得1勝3負。不過，李斯特城近4場僅入3球，攻力麻麻，希望今場迪治尼能夠替球隊保持不失啦。
中場
李察利臣（Richarlison）
李察利臣近排嘅狀態都尚可接受，近4場交出1入球1助攻，而上場更加有一球中柱。希望佢今場可以取得入球啦。夏薩特（Hazard）
今場車路士（Chelsea）會主場迎戰聯賽2連敗嘅修咸頓（Southampton），佢哋近4場失咗8球，而夏薩特就近4場入咗3球並交出1個助攻，狀態都好好。希望佢今場會為車路士帶嚟進攻上嘅貢獻啦。
普巴（Pogba）- Captain
上面嘅轉會原因都交代得好詳細，所以都唔再重複多講喇。
安達臣（Anderson）
安達臣近4場交出2入球1助攻，表現尚算唔錯。今場韋斯咸嘅對手白禮頓近4場只係贏咗1場，希望今場安達臣能夠入到波或者交到助攻。
孫興民（Son）
熱刺今場會作客對卡迪夫城，卡迪夫城近4場錄得1勝1和2負，並且失咗8球。而熱刺就錄得聯賽5連勝後上場輸咗俾狼隊。不過，孫興民嘅狀態好好，近4場入咗4球同交出3個助攻。熱刺近2輪聯賽更加係大炒對手添，狂轟11球，而當中有超過一半都同孫興民有關，因為佢呢2場入咗4球兼交出2個助攻，表現驚入。佢近4場更加係入咗5球同交出3個助攻，喺FPL帶嚟49分，係呢4個星期最高得分嘅球員。試問佢狀態咁好，又點能夠唔揀佢做隊長呢？順手提一提大家，孫興民打完第22週對曼聯（Man Utd）嘅比賽之後就要代表南韓國家隊參加亞洲盃，趁有得用佢就好用喇。
前鋒
占美利斯（Jimenez）
上面嘅轉會原因都交代得好詳細，所以都唔再重複多講喇。
卡尼（Kane）
卡尼同孫興民都繼續係由第11週開始，只要係正選登場，就必定可以入到波或者交到助攻，卡尼近4場交出4入球1助攻，狀態好好。希望佢今場繼續擔正爭取入球啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
呢幅圖就顯示咗未來呢幾個星期我理想中嘅陣容係點，先講下一週個轉會先，必定係賣走法比安斯基（Fabianski），買卡迪夫城（Cardiff）嘅守門員艾法列治（Etheridge）。第一個原因係，韋斯咸（West Ham）嘅賽程會變得相當難打，過埋今場韋斯咸就要喺未來4場對2隊Big 6球隊，而下一場就係對阿仙奴（Arsenal）喇。相反，卡迪夫城捱過埋今週對熱刺（Spurs），由第22週去到第31週，都只係得第24週需要對阿仙奴一隊Big 6球隊，賽程可以話係相當好。第二個原因係，艾法列治只係4.5M，比法比安斯基仲要平0.3M，但佢已經係第二高分嘅守門員，僅次於今季僅失8球嘅艾利臣（Alisson）。而之後，因為孫興民（Son）要為韓國出戰亞洲盃，同埋韋斯咸嘅賽程麻麻，所以會賣走孫興民同安達臣（Anderson）佢哋兩個。之後就會買沙拿（Salah），因為沙拿近排嘅狀態真係非常好，我都怕買得佢遲，但冇計沙拿太貴，喺唔扣分嘅情況下，一定要逐個逐個比賽週咁轉會先至買到。之後就用淨返落嚟嘅5.8M揀下邊位平價而又賽程較好嘅中場，暫時就相中咗狼隊（Wolves）嘅摩天奴（Moutinho）。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 100.4M剩餘資金（In the bank）： 3.3M
轉會賣出：威爾遜（Wilson）
買入：占美尼斯（Jimenez）
原因：威爾遜自傷咗之後，就冇再喺進攻上作出貢獻。佢已經連續5個比賽週都冇入波或者助攻，表現低迷。而般尼茅夫（Bournemouth）嘅賽程又唔係話相當易踢，4個比賽週之後就要對車路士（Chelsea），而其他對手都係中游份子，所以賣走佢都係理所當然。至於代替威爾遜嘅人選，我就揀咗狼隊前鋒占美尼斯。睇返占美尼斯嘅數據，佢今季暫時收穫6入球6助攻，表現好穩定，每隔幾場就交到功課。而目狼隊嘅賽程亦變得相當易打，由第21週去到第29週，佢哋都只係需要喺第22週對曼城（Man City）呢1支Big 6球隊。
賣出：辛尼（Sane）
買入：普巴（Pogba）
原因：原因只得一個—狀態。辛尼近4場只係錄得2個助攻；而普巴近4場就錄得4入球4助攻。自摩連奴被炒後，普巴喺FPL就貢獻咗46分，係呢段時間得分最高嘅球員。而且曼聯（Man Utd）嘅賽程亦相對比曼城好。另外，今場曼聯嘅對手係紐卡素（Newcastle），級數同曼聯近幾場大炒對手嘅都差唔多，預計呢場都會係大手交易。
守門員
法比安斯基（Fabianski）
今場韋斯咸會主場迎戰近4場僅得1勝嘅白禮頓（Brighton），韋斯咸已經連續3場未能保持清白之身。不過，白禮頓近4場都只係入咗3球，攻力一般。無論如何，今個星期會係我最後一場用法比安斯基把關，因為過埋今場韋斯咸就要喺未來4場對2隊Big 6球隊，而下一場就會係對阿仙奴（Arsenal）。希望佢喺我用佢嘅最後一場入面能夠做返齣好戲啦。
後衛
阿歷山大阿諾（Alexander-Arnold）
今場利物浦會作客聯賽第二嘅曼城，雖然曼城係聯賽第二，但係近排就迎嚟一個小低潮。曼城近4場輸咗2場，喺聯賽更加比利物浦拋開7分。阿歷山大阿諾近2場交出1個助攻，喺FPL拎到13分，而佢嘅隊友羅拔臣（Robertson）就只係拎到7分，所以我相信出阿歷山大阿諾拎到高分嘅機會會比較高。賓納特（Bennett）
今場狼隊將會主場迎戰水晶宮（Crystal Palace），老實講，水晶宮嘅近況不俗，近4場錄得2勝1和1負，更加作客贏埋曼城添。而狼隊嘅近況都唔錯，同樣係近4場錄得2勝1和1負。狼隊嘅失球數字係英超第5少，算係好唔錯，希望佢哋今場可以唔失波啦。
迪治尼（Digne）
今場愛華頓（Everton）會主場迎戰李斯特城（Leicester），以近況嚟講，就李斯特城稍稍佔優，李斯特城近4場錄得2勝2負，而愛華頓近4場就只得1勝3負。不過，李斯特城近4場僅入3球，攻力麻麻，希望今場迪治尼能夠替球隊保持不失啦。
中場
李察利臣（Richarlison）
李察利臣近排嘅狀態都尚可接受，近4場交出1入球1助攻，而上場更加有一球中柱。希望佢今場可以取得入球啦。夏薩特（Hazard）
今場車路士（Chelsea）會主場迎戰聯賽2連敗嘅修咸頓（Southampton），佢哋近4場失咗8球，而夏薩特就近4場入咗3球並交出1個助攻，狀態都好好。希望佢今場會為車路士帶嚟進攻上嘅貢獻啦。
普巴（Pogba）- Captain
上面嘅轉會原因都交代得好詳細，所以都唔再重複多講喇。
安達臣（Anderson）
安達臣近4場交出2入球1助攻，表現尚算唔錯。今場韋斯咸嘅對手白禮頓近4場只係贏咗1場，希望今場安達臣能夠入到波或者交到助攻。
孫興民（Son）
熱刺今場會作客對卡迪夫城，卡迪夫城近4場錄得1勝1和2負，並且失咗8球。而熱刺就錄得聯賽5連勝後上場輸咗俾狼隊。不過，孫興民嘅狀態好好，近4場入咗4球同交出3個助攻。熱刺近2輪聯賽更加係大炒對手添，狂轟11球，而當中有超過一半都同孫興民有關，因為佢呢2場入咗4球兼交出2個助攻，表現驚入。佢近4場更加係入咗5球同交出3個助攻，喺FPL帶嚟49分，係呢4個星期最高得分嘅球員。試問佢狀態咁好，又點能夠唔揀佢做隊長呢？順手提一提大家，孫興民打完第22週對曼聯（Man Utd）嘅比賽之後就要代表南韓國家隊參加亞洲盃，趁有得用佢就好用喇。
前鋒
占美利斯（Jimenez）
上面嘅轉會原因都交代得好詳細，所以都唔再重複多講喇。
卡尼（Kane）
卡尼同孫興民都繼續係由第11週開始，只要係正選登場，就必定可以入到波或者交到助攻，卡尼近4場交出4入球1助攻，狀態好好。希望佢今場繼續擔正爭取入球啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊