今週我決定用今季第一張Wildcard，亦即係意味住我今次大執完個陣之後，就要去到下半季先可以再大執。嚟緊呢十幾個星期，我都主要會靠呢個架構去闖關，想執多少少亦只能夠儲兩個星期嘅轉會名額去換人。講下今次係咩驅使我去用Wildcard啦，係愛呀？定係責任啊？係低分啊！雖然我個陣又唔可以話好低分，而且每週嘅分數都係高過平均分嘅，但係就發現好似去咗一個樽頸位咁。第一，除咗頭兩個星期嘅分數係達到80+之外，近三個星期都只係得50分左右，係一個好普通嘅分數。第二，陣中嘅貝拿度施華（Bernardo Silva）同米希達恩（Mkhitaryan）都淪為球隊邊緣人，唔再係球隊嘅必然正選，再加上艾歷臣（Eriksen）今季比較慢熱，頭五輪比賽都顆粒無收，係近兩場先收穫2個助攻。另外，沙拿（Salah）貴為FPL最高價球員，近兩場竟然冇入波同助攻，都係一大原因促使我要大執個陣。今篇會同大家講下我嚟緊第6週嘅比賽會排咩陣同埋點解換呢堆球員。今次大執，總共換咗8個人，只保留7個人。基本上我嘅策略都冇變，都係主力用12個球員，放重資金落常規主力度。由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2本週陣容
球隊價值（Squad value）： 101.1M剩餘資金（In the bank）： 0.1M
守門員
艾達臣（Ederson）曼城（Man City）今季5場僅失3球，係全英超第二佳，僅次於利物浦（Liverpool）。雖然曼城不失球場數只係得兩場，但係佢哋冇一場失波係會超過一球，亦即係話今季曼城嘅後衛同龍門未試過因為失2球或以上而喺FPL度被扣分。已經連續三場賽事都有失波，不幸嘅係三場都係失一球。亦因為我冇買到曼城嘅後衛，為咗都因為曼城唔失波而得益，所以我會繼續用艾達臣。嚟緊呢場只係對住升班馬卡迪夫城（Cardiff），而卡迪夫城開季5場有2場係0入球，令到曼城今場不失球嘅機率大增。
後衛
雲比沙卡（Wan-Bissaka）
上場水晶宮（Crystal Palace）作客對哈特斯菲爾德（Huddersfield）小勝1比0，成功保持清白之身。今場就會主場對紐卡素（Newcastle），紐卡素今季兩次作客僅入1球，所以水晶宮不失球應該都冇咩問題。馬高斯阿朗素（Marcos Alonso）
今場車路士（Chelsea）嘅對手係上場先打開勝利之門嘅韋斯咸（West Ham）。韋斯咸今季5場比賽有2場冇入波，而車路士就5場波裏面有2場不失球同2場只失1球，防守都算唔錯。預計車路士即使未能保持不失球，阿朗素都會喺進攻上帶嚟貢獻。
羅拔臣（Robertson）
利物浦（Liverpool）係今季失球最少嘅球隊，5場僅失2球，所以陣入面有一個利物浦嘅球員都係必須。羅拔臣係利物浦一眾後衛中，唯一一位今季曾經交出助攻嘅，累計已經有2個助攻。今場利物浦主場對住中下游嘅修咸頓（Southampton），贏波就冇問題嫁喇，應該都可以保持不失球嘅。
中場
盧卡斯摩拉（Lucas Moura）
熱刺（Spurs）嚟緊嘅賽程都唔錯，過多4個星期至會對曼城，中間嘅對手全部都係聯賽榜嘅下半版。由於性價比嘅關係，我放咗艾歷臣而買入盧卡斯摩拉，盧卡斯摩拉係暫時熱刺隊中表現最好嘅球員，總共3入球1助攻；而艾歷臣只係得2個助攻。更仲要嘅係盧卡斯摩拉比艾歷臣仲要平2.0M，咁梗係買盧卡斯摩拉啦。藍斯（Ramsey）
由於米希達恩近排開始被貶做後備，兼喺場上冇乜建樹，所以就要賣米希達恩走喇。但因為阿仙奴未來嘅賽程，可以話係咁多隊當中最好嘅，要去到第11週先至會遇上Big 6球隊，所以我就買入藍斯喇。
大衛施華（David Silva）
貝拿度施華同米希達恩嘅處境都係差唔多，都係近排被貶為後備。不過，因為曼城不嬲攻力有保證，所以都要入返個曼城中場，而我嘅選擇就係大衛施華。點解揀大衛施華呢？第一，曼城上季都係靠雙核進攻，分別係奇雲迪布尼（Kevin De Bruyne）同大衛施華，而因為迪布尼要長抖，曼城嘅進攻就會更加倚賴大衛施華嘅發揮。換句話說，即係曼城表現好，大衛施華嘅表現都唔會差得去邊。第二，近4場賽事裏面，大衛施華總共交出咗16次關鍵傳送，即係每場平均4次，係全隊之冠。雖然佢今季仲未為隊友送出助攻，但咁嘅數據，助攻只係時間問題。文尼（Mane）
賣走沙拿入文尼絕對係搏一鋪，雖然今季文尼（10.0M）嘅表現更勝沙拿（13.0M），比起沙拿拎多12分，仲要比佢平咁多添，但沙拿始終都係上季FPL嘅得分王，賣走佢，我都有啲擔心。不過唔賣走沙拿，我又冇錢買車路士嘅頭號球星喎。
夏薩特（Hazard）- Captain
就係為咗買夏薩特，我一定要賣沙拿。我認為呢排夏薩特係必買，除咗因為上場佢大演帽子戲法，仲有佢係目前FPL得分最高嘅球員，已經超越咗隊友阿朗素。更重要嘅係，佢今季無論正選定後備落場，都入到波或者交到助攻，依家踢咗5場已經收穫5入球2助攻，弗到漏油。試問今週對住上場先至識贏波嘅韋斯咸，又點可以唔揀佢做隊長呢？
前鋒
哥林威爾遜（Wilson）今場般尼茅夫（Bournemouth）只係作客榜尾嘅般尼（Burnley），般尼已經連輸4場，兼未贏過波，所以今週哥林威爾遜取得入球嘅機會相當大。
阿古路（Aguero）
曼城今場作客對英超排緊第17位嘅卡迪夫城（Cardiff），雖然卡迪夫城都仍然未打開勝利之門，但都有兩場能夠保持不失。同埋阿古路不嬲都係先有表現，今季佢入嘅3個入球同交出嘅4個助都係喺主場收穫嘅。今季佢作客就仲未入過波同助攻，亦因為咁我唔揀佢做隊長，雖然阿古路嘅狀態係好弗，今場入波嘅機會都大，近2場交出3個助攻，但數據唔呃人嘅。
後備
後備分別係哈特斯菲爾德嘅賓希姆（Ben Hamer）、狼隊（Wolves）嘅賓納特（Bennett）、水晶宮嘅馬田基利（Martin Kelly）同屈福特（Watford）嘅瑟薩斯（Success）。賓希姆自從肩膀受傷之後，就失去咗正選，實在係非常可惜，但係佢只係值4.0M。倘若佢復任正選嘅話，呢個價錢有一個會出嘅龍門絕對係超值，所以我會留佢喺度。而揀3.9M嘅馬田基利嘅用意都相當明顯，就係留返啲資金俾其他位置，因為3.9M已經係最低價嘅球員。另外，仲有一個好處，因為雲比沙卡同馬田基利都係右閘，所以如果雲比沙卡冇得出嘅時候，馬田基利應該都可以頂上。價值4.1M而又會出嘅狼隊中堅賓納特係非常抵嘅，佢最主要都係用嚟同雲比沙卡輪換。而最後一個後備—瑟薩斯，睇中佢嘅原因就係佢係最平嘅前鋒之一（4.5M），仲要每場都有得後備落場拎1分，佢喺必要時亦可以後備出嚟拎1分，好過隊入面有個位置0分。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
球隊價值（Squad value）： 101.1M剩餘資金（In the bank）： 0.1M
守門員
艾達臣（Ederson）曼城（Man City）今季5場僅失3球，係全英超第二佳，僅次於利物浦（Liverpool）。雖然曼城不失球場數只係得兩場，但係佢哋冇一場失波係會超過一球，亦即係話今季曼城嘅後衛同龍門未試過因為失2球或以上而喺FPL度被扣分。已經連續三場賽事都有失波，不幸嘅係三場都係失一球。亦因為我冇買到曼城嘅後衛，為咗都因為曼城唔失波而得益，所以我會繼續用艾達臣。嚟緊呢場只係對住升班馬卡迪夫城（Cardiff），而卡迪夫城開季5場有2場係0入球，令到曼城今場不失球嘅機率大增。
後衛
雲比沙卡（Wan-Bissaka）
上場水晶宮（Crystal Palace）作客對哈特斯菲爾德（Huddersfield）小勝1比0，成功保持清白之身。今場就會主場對紐卡素（Newcastle），紐卡素今季兩次作客僅入1球，所以水晶宮不失球應該都冇咩問題。馬高斯阿朗素（Marcos Alonso）
今場車路士（Chelsea）嘅對手係上場先打開勝利之門嘅韋斯咸（West Ham）。韋斯咸今季5場比賽有2場冇入波，而車路士就5場波裏面有2場不失球同2場只失1球，防守都算唔錯。預計車路士即使未能保持不失球，阿朗素都會喺進攻上帶嚟貢獻。
羅拔臣（Robertson）
利物浦（Liverpool）係今季失球最少嘅球隊，5場僅失2球，所以陣入面有一個利物浦嘅球員都係必須。羅拔臣係利物浦一眾後衛中，唯一一位今季曾經交出助攻嘅，累計已經有2個助攻。今場利物浦主場對住中下游嘅修咸頓（Southampton），贏波就冇問題嫁喇，應該都可以保持不失球嘅。
中場
盧卡斯摩拉（Lucas Moura）
熱刺（Spurs）嚟緊嘅賽程都唔錯，過多4個星期至會對曼城，中間嘅對手全部都係聯賽榜嘅下半版。由於性價比嘅關係，我放咗艾歷臣而買入盧卡斯摩拉，盧卡斯摩拉係暫時熱刺隊中表現最好嘅球員，總共3入球1助攻；而艾歷臣只係得2個助攻。更仲要嘅係盧卡斯摩拉比艾歷臣仲要平2.0M，咁梗係買盧卡斯摩拉啦。藍斯（Ramsey）
由於米希達恩近排開始被貶做後備，兼喺場上冇乜建樹，所以就要賣米希達恩走喇。但因為阿仙奴未來嘅賽程，可以話係咁多隊當中最好嘅，要去到第11週先至會遇上Big 6球隊，所以我就買入藍斯喇。
大衛施華（David Silva）
貝拿度施華同米希達恩嘅處境都係差唔多，都係近排被貶為後備。不過，因為曼城不嬲攻力有保證，所以都要入返個曼城中場，而我嘅選擇就係大衛施華。點解揀大衛施華呢？第一，曼城上季都係靠雙核進攻，分別係奇雲迪布尼（Kevin De Bruyne）同大衛施華，而因為迪布尼要長抖，曼城嘅進攻就會更加倚賴大衛施華嘅發揮。換句話說，即係曼城表現好，大衛施華嘅表現都唔會差得去邊。第二，近4場賽事裏面，大衛施華總共交出咗16次關鍵傳送，即係每場平均4次，係全隊之冠。雖然佢今季仲未為隊友送出助攻，但咁嘅數據，助攻只係時間問題。文尼（Mane）
賣走沙拿入文尼絕對係搏一鋪，雖然今季文尼（10.0M）嘅表現更勝沙拿（13.0M），比起沙拿拎多12分，仲要比佢平咁多添，但沙拿始終都係上季FPL嘅得分王，賣走佢，我都有啲擔心。不過唔賣走沙拿，我又冇錢買車路士嘅頭號球星喎。
夏薩特（Hazard）- Captain
就係為咗買夏薩特，我一定要賣沙拿。我認為呢排夏薩特係必買，除咗因為上場佢大演帽子戲法，仲有佢係目前FPL得分最高嘅球員，已經超越咗隊友阿朗素。更重要嘅係，佢今季無論正選定後備落場，都入到波或者交到助攻，依家踢咗5場已經收穫5入球2助攻，弗到漏油。試問今週對住上場先至識贏波嘅韋斯咸，又點可以唔揀佢做隊長呢？
前鋒
哥林威爾遜（Wilson）今場般尼茅夫（Bournemouth）只係作客榜尾嘅般尼（Burnley），般尼已經連輸4場，兼未贏過波，所以今週哥林威爾遜取得入球嘅機會相當大。
阿古路（Aguero）
曼城今場作客對英超排緊第17位嘅卡迪夫城（Cardiff），雖然卡迪夫城都仍然未打開勝利之門，但都有兩場能夠保持不失。同埋阿古路不嬲都係先有表現，今季佢入嘅3個入球同交出嘅4個助都係喺主場收穫嘅。今季佢作客就仲未入過波同助攻，亦因為咁我唔揀佢做隊長，雖然阿古路嘅狀態係好弗，今場入波嘅機會都大，近2場交出3個助攻，但數據唔呃人嘅。
後備
後備分別係哈特斯菲爾德嘅賓希姆（Ben Hamer）、狼隊（Wolves）嘅賓納特（Bennett）、水晶宮嘅馬田基利（Martin Kelly）同屈福特（Watford）嘅瑟薩斯（Success）。賓希姆自從肩膀受傷之後，就失去咗正選，實在係非常可惜，但係佢只係值4.0M。倘若佢復任正選嘅話，呢個價錢有一個會出嘅龍門絕對係超值，所以我會留佢喺度。而揀3.9M嘅馬田基利嘅用意都相當明顯，就係留返啲資金俾其他位置，因為3.9M已經係最低價嘅球員。另外，仲有一個好處，因為雲比沙卡同馬田基利都係右閘，所以如果雲比沙卡冇得出嘅時候，馬田基利應該都可以頂上。價值4.1M而又會出嘅狼隊中堅賓納特係非常抵嘅，佢最主要都係用嚟同雲比沙卡輪換。而最後一個後備—瑟薩斯，睇中佢嘅原因就係佢係最平嘅前鋒之一（4.5M），仲要每場都有得後備落場拎1分，佢喺必要時亦可以後備出嚟拎1分，好過隊入面有個位置0分。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊