Double Gameweek嘅賽程已經定好晒，亦即係話今季餘下嘅賽程都清楚晒喇。嚟緊嘅第32週、第34週同第35週都係Double Gameweek，而中間就夾住第33週係Blank Gameweek，咁樣排法令到FPL嘅球家都會好頭痛，因為好似每週都需要用唔同嘅陣。事實亦的確係咁，所以先至有唔同法寶（Chip）俾大家用。而今週筆者就會用Free Hit，盡量將資金押晒落11個幾乎肯定會一週雙賽嘅球員到。順便都講一講筆者諗住之後嘅法寶會點用。暫時嘅計劃係第33週會變返第31週個陣咁嘅樣，再加1個免費轉會（Free Transfer）。第34週就會用Wildcard，主要都係用嚟預備第34週同第35週嘅陣容。至於第35週，就會用Bench Boost，所以第34週要計劃得好好，要15個球員都肯定會出場，仲要大部份都係一週雙賽兼賽程唔差。而最後就係喺第36週用Triple Captain放落利物浦（Liverpool）嘅球員，因為佢哋嘅對手係暫時幾近降班兼排榜尾嘅哈特斯菲爾德（Huddersfield），同埋利物浦仲同曼城（Man City）鬥緊，必定唔會手軟，盡量爭取入球。不過，就到時先睇「埃及文明」邊個狀態好先至揀。咁依家先唔講咁遠，講返第32週先，咁俾大家睇一睇第32週嘅賽程係點先啦。第32週賽程
第32週總共有15場比賽，有10支球隊會踢2場嘅。咁筆者就列出個人認為賽程係比較有利嘅頭5支球隊：
第1位－曼城（Man City）毋庸置疑，曼城嘅賽程一定係最筍最正，有咩好得過連續2場對聯賽陷入降班漩渦嘅球隊。富咸（Fulham）今季失咗70球，係全英超最多，場均失2.26球；而卡迪夫城（Cardiff）今季就失咗57球，係英超第三多，場均失1.9球。
第2位－車路士（Chelsea）
車路士嘅賽程亦都係非常好，除咗同樣會對瀕臨降班嘅卡迪夫城之外，亦會對中下游嘅白禮頓（Brighton）。雖然車路士嘅賽程係非常唔錯，但佢哋依家最大嘅敵人都係自己，究竟佢哋能唔能夠團結一致踢返兩場好波？正路嚟講，車路士呢兩場都係食硬。不過，佢哋今季都不時輸俾比佢哋弱嘅對手，最令人大跌眼鏡嗰場就係慘吞般尼茅夫（Bournemouth）4比0。
第3位－曼聯（Man Utd）
曼聯嘅賽程都算唔錯，佢哋嘅對手都係僅次於Big 6，分別排聯賽第7位同第8位嘅狼隊（Wolves）同屈福特（Watford）。呢兩場照道理曼聯都應該贏到，畢竟佢哋都仲爭緊前4，但係呢兩場嘅難度必定比曼城同車路士高。第4位－熱刺（Spurs）
熱刺嘅賽程就一好一壞，對水晶宮（Crystal Palace）都尚算易打，但另一場就係對現時排緊榜首嘅利物浦。熱刺要力保前4位置，而利物浦就要繼續為捧盃而奮鬥。兩隊嘅戰意十足，但就真係好難估到邊隊會佔優，因為呢場比賽嘅勝負足以左右今季冠軍誰屬同前4嘅位置。
第5位－水晶宮（Crystal Palace）
水晶宮嘅賽程真係可以用「一啖砂糖，一啖屎」嚟形容，佢哋先對聯賽排榜尾嘅哈特斯菲爾德，之後就係對聯賽第3嘅熱刺。預計水晶宮球員大部份拎到嘅分都係嚟自對哈特斯菲爾德嘅比賽。
球隊配置
陣式：3-5-2/3-4-3
骨幹：曼城球員×3、車路士球員×2-3、曼聯球員×2-3、熱刺球員×1、水晶宮球員×1-2筆者今週嘅陣容雖然由定好咗賽程之後到寫緊文嗰陣都係不斷咁轉緊，但基本嘅骨幹同概念都係以上面定咗各隊嘅球員數目去砌個陣。大家不妨都可以用咁嘅方法去諗，咁就唔會陷入一個個都想買嘅困局。另外，因為用咗Free Hit，所以上面講緊嘅球員數目都係講緊正選11人，後備席都盡量揀返啲最平嘅球員嚟攝下位，留返多啲資金俾主力。曼城基本上就唔洗諗嫁喇，佢哋仲喺爭標行列，之後嘅比賽都一定會全力以赴，搏到盡，所以一定係全押！最多係諗前中後各一，定係押晒落曼城嘅中前場度。至於車路士同曼聯，就只會入2至3個，因為入咗3個車路士球員，應該就冇乜錢入曼聯球員，反之亦然。咁點解會用水晶宮嘅球員多過熱刺嘅球員？因為冇錢啊，隨時入2個水晶宮球員加埋都唔夠一個卡尼（Kane）貴。
暫定陣容
呢個陣容絕對唔係最終陣容，喺呢度大家都可以見到筆者呢幾日係執過幾多次個陣，但個腦海都係不外乎有幾個陣，唔知點配搭先係最好。同埋國際賽隨時都有球員受傷，甚至乎有領隊落穫，咁所以都好難呢一刻就砌得掂下星期個陣。下個星期先會公佈最終陣容，希望下星期拉舒福特（Rashford）嘅感歎號會冇咗啦。左欄二為買入（Transfer In）；右欄二為賣出（Transfer Out）
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 102.6M剩餘資金（In the bank）： 0.2M
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
第32週總共有15場比賽，有10支球隊會踢2場嘅。咁筆者就列出個人認為賽程係比較有利嘅頭5支球隊：
第1位－曼城（Man City）毋庸置疑，曼城嘅賽程一定係最筍最正，有咩好得過連續2場對聯賽陷入降班漩渦嘅球隊。富咸（Fulham）今季失咗70球，係全英超最多，場均失2.26球；而卡迪夫城（Cardiff）今季就失咗57球，係英超第三多，場均失1.9球。
第2位－車路士（Chelsea）
車路士嘅賽程亦都係非常好，除咗同樣會對瀕臨降班嘅卡迪夫城之外，亦會對中下游嘅白禮頓（Brighton）。雖然車路士嘅賽程係非常唔錯，但佢哋依家最大嘅敵人都係自己，究竟佢哋能唔能夠團結一致踢返兩場好波？正路嚟講，車路士呢兩場都係食硬。不過，佢哋今季都不時輸俾比佢哋弱嘅對手，最令人大跌眼鏡嗰場就係慘吞般尼茅夫（Bournemouth）4比0。
第3位－曼聯（Man Utd）
曼聯嘅賽程都算唔錯，佢哋嘅對手都係僅次於Big 6，分別排聯賽第7位同第8位嘅狼隊（Wolves）同屈福特（Watford）。呢兩場照道理曼聯都應該贏到，畢竟佢哋都仲爭緊前4，但係呢兩場嘅難度必定比曼城同車路士高。第4位－熱刺（Spurs）
熱刺嘅賽程就一好一壞，對水晶宮（Crystal Palace）都尚算易打，但另一場就係對現時排緊榜首嘅利物浦。熱刺要力保前4位置，而利物浦就要繼續為捧盃而奮鬥。兩隊嘅戰意十足，但就真係好難估到邊隊會佔優，因為呢場比賽嘅勝負足以左右今季冠軍誰屬同前4嘅位置。
第5位－水晶宮（Crystal Palace）
水晶宮嘅賽程真係可以用「一啖砂糖，一啖屎」嚟形容，佢哋先對聯賽排榜尾嘅哈特斯菲爾德，之後就係對聯賽第3嘅熱刺。預計水晶宮球員大部份拎到嘅分都係嚟自對哈特斯菲爾德嘅比賽。
球隊配置
陣式：3-5-2/3-4-3
骨幹：曼城球員×3、車路士球員×2-3、曼聯球員×2-3、熱刺球員×1、水晶宮球員×1-2筆者今週嘅陣容雖然由定好咗賽程之後到寫緊文嗰陣都係不斷咁轉緊，但基本嘅骨幹同概念都係以上面定咗各隊嘅球員數目去砌個陣。大家不妨都可以用咁嘅方法去諗，咁就唔會陷入一個個都想買嘅困局。另外，因為用咗Free Hit，所以上面講緊嘅球員數目都係講緊正選11人，後備席都盡量揀返啲最平嘅球員嚟攝下位，留返多啲資金俾主力。曼城基本上就唔洗諗嫁喇，佢哋仲喺爭標行列，之後嘅比賽都一定會全力以赴，搏到盡，所以一定係全押！最多係諗前中後各一，定係押晒落曼城嘅中前場度。至於車路士同曼聯，就只會入2至3個，因為入咗3個車路士球員，應該就冇乜錢入曼聯球員，反之亦然。咁點解會用水晶宮嘅球員多過熱刺嘅球員？因為冇錢啊，隨時入2個水晶宮球員加埋都唔夠一個卡尼（Kane）貴。
暫定陣容
呢個陣容絕對唔係最終陣容，喺呢度大家都可以見到筆者呢幾日係執過幾多次個陣，但個腦海都係不外乎有幾個陣，唔知點配搭先係最好。同埋國際賽隨時都有球員受傷，甚至乎有領隊落穫，咁所以都好難呢一刻就砌得掂下星期個陣。下個星期先會公佈最終陣容，希望下星期拉舒福特（Rashford）嘅感歎號會冇咗啦。左欄二為買入（Transfer In）；右欄二為賣出（Transfer Out）
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 102.6M剩餘資金（In the bank）： 0.2M
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊