英超第3週嘅比賽仲有一日就開波喇！今篇會同大家講下我嚟緊第3週嘅比賽會排咩陣。由於距離截止時間都仲有一日，陣容都有機會因球員受傷情況或有關出場嘅消息而改變。預計陣容：4-4-2
本週陣容
球隊價值（Squad value）： 99.9M剩餘資金（In the bank）： 1.0M
轉會
賣出：賓美（Mee）買入：馬高斯阿朗素（Marcos Alonso）
原因：般尼（Burnley）喺近6場於法定時間內嘅比賽不勝，近況認真麻麻，而賓美上場亦僅得1分。有見及此，我有需要買多個貴價後衛，發覺用4個平價後衛加羅拔臣係唔夠嘅，後防太弱，再加上4.0M嘅雲比沙卡（Wan-Bissaka）上場直接領紅，需要停賽3場，令到我條後防線更弱。由於我今週只得1個免費轉會（Free Transfer），同埋我個陣已經有3名曼城（Man City）球員，所以我都唔洗考慮班捷文文迪（Benjamin Mendy）喇。頭兩輪英超最標青嘅後衛，除咗羅拔臣同文迪之外，就係阿朗素。阿朗素兩輪比賽就已經交出1入球2助攻，同1場不失球，表現可人。詳細原因可以到上一篇文章（2018/19：第3週球員轉會清單 - 要爆佢！！）講阿朗素嗰部份睇返。另外，車路士（Chelsea）未來嘅4場比賽都算易踢，除咗般尼茅夫（Bournemouth）外，其餘3個對手都係處於聯賽榜嘅下半版。相信阿朗素呢幾場波都能夠帶嚟分數上嘅回報。
守門員
艾達臣（Ederson）
曼城（Man City）今場要面對升班馬嘅狼隊（Wolves），狼隊首場英超賽和愛華頓（Everton）2比2，上場就淨輸俾李斯特城（Leicester）2球。上場對李斯特城，狼隊都只係錄得3次射門命中目標，相信今場對住曼城，射門命中目標嘅次數將會更加少。曼城贏面就非常之大嫁喇，係睇下艾達臣可唔可以零封對手。同埋我揀艾達臣嘅原因並唔係搏佢拎到撲救分，而係睇中曼城以攻代守，傳控嘅踢法，因而令到防線唔會受壓，希望今場曼城可以保持不失球啦。
後衛
薛迪索拉斯（Cedric Soares）
選擇出薛迪索拉斯其實都算係一場賭博，又或者係冇辦法下嘅選擇。我嘅後備席只得兩位球員可以用，因為雲比沙卡（Wan-Bissaka）上場對利物浦（Liverpool）領紅要停賽，尼維斯（Neves）就要對曼城。由於我唔覺得狼隊今場可以破到曼城嘅大門，亦即係話，我估計今場尼維斯只會拎到2分。但係我又唔甘心出一個肯定只拎2分嘅球員，而既然我陣中又冇李斯特城嘅球員，何解我唔疊埋心水支持修咸頓（Southampton）能夠0比0守和李斯特城，甚至乎淨勝李斯特城呢？面對住有前鋒華迪（Vardy）停賽嘅李斯特城，加上修咸頓英超第一場就成功0比0主場守和般尼，而今場就正正係有主場之利，我相信配合天時地利人和，修咸頓至少都能夠0比0守和李斯特城。馬高斯阿朗素（Marcos Alonso）
喺上一篇買人清單同上面講到點解今週選擇買入阿朗素都講得好清楚我點解會揀佢，所以我都唔花太多筆墨再重複個原因，大家有興趣可以去睇返上一篇文章。簡單嚟講，阿朗素係暫時全英超得分最高嘅後衛，除咗車路士有好大機會喺今場作客對住紐卡素（Newcastle）能夠保持不失球外，阿朗素亦能夠喺進攻上帶嚟回報。紐卡素開季兩場都只係入得1球，上場對住升班馬卡迪夫城（Cardiff）更加係入唔到波，所以車路士真係有好大機會可以零封對手。
羅拔臣（Robertson）
利物浦係英超唯一一隊仍未失球嘅球隊，可見今季利物浦嘅防線真係穩陣咗好多。雖然羅拔臣喺第1週交出1個助攻，但上場對水晶宮（Crystal Palace）就未能帶嚟進攻上嘅回報，不過其實都只係差少少。今場期望利物浦主場對住白禮頓（Brighton）贏波或者能夠保持清白之身都只係基本，希望利物浦今場能夠淨勝對手啦。上場對水晶宮，其實羅拔臣都交出咗3次關鍵傳送，係全隊第二高，僅次於沙拿（Salah）兼同文尼（Mane）並列第二位，希望佢今場進攻上嘅付出會帶嚟回報啦。丹尼斯（Daniels）
般尼茅夫（Bournemouth）兩場英超全勝，表現令人驚喜。雖然今場般尼茅夫對住同樣係英超不敗嘅愛華頓（Everton），但係呢場波嘅賽果都算係比較難預計，究竟係般尼茅夫延續強勢定係李察利臣（Richarlison）繼續著晒火咁？我真係估唔到，所以會出埋丹尼斯同李察利臣睇下點。再加上我認為出佢拎到高分嘅機會點都比出富咸前鋒卡馬拉（Kamara）拎到高分嘅機會大。
中場
沙拿（Salah）- Captain
沙拿上場雖然冇入波，但佢喺場上嘅影響力依舊，上場交出2個助攻，包括1球搏到十二碼。另外，沙拿上場分別錄得6次射門同4次關鍵傳送，兩項數據都屬於全隊最高。正因為佢進攻上嘅參與度咁高，加上今場比賽係主場對白禮頓，我會選擇沙拿做隊長。
艾歷臣（Eriksen）艾歷臣上兩場嘅表現雖然令人失望，但過去嘅經驗話俾我聽，呢個時候一賣佢，佢下場就會入波，所以我係唔會賣佢嘅！不過，容忍都有個限度，如果佢今季頭4場都未能夠為熱刺（Spurs）帶嚟入球或助攻呢，咁第5週我就會即時賣佢，物色過另一位貴價嘅頂級中場。換句話說，即係艾歷臣仲有兩個星期喺我個陣度用表現爭取留低嘅機會。今場熱刺對住近況麻麻嘅曼聯（Man Utd），希望艾歷臣可以打返場好波啦。
李察利臣（Richarlison）
李察利臣係近排最炙手火熱嘅射手之一，佢喺FPL拎到23分，係全英超第三高分。佢頭兩場聯賽4射3中入3球，把握力奇高。今場愛華頓對住近況大勇嘅般尼茅夫，希望佢都可以繼續咁好嘅狀態啦。
貝拿度施華（Bernardo Silva）
雖然上場對住哈特斯菲爾德，曼城大勝6比1，但貝拿度施華並冇入球同交出助攻，希望佢今場對住都係比較弱嘅對手會表現好返啲啦。
前鋒
韋費特沙夏（Zaha）
韋費特沙夏上場對利物浦無法取得入球都係意料中事。不過，今場作客對住兩戰全勝嘅屈福特（Watford）都係另一場硬仗。不過，上場對利物浦，沙夏造出2射1中，同交出1次關鍵傳送，已經屬於全隊最好，可見水晶宮嘅進攻都相當倚賴沙夏嘅發揮。如果水晶宮有好表現，相信沙夏分數上都會有唔錯嘅回報。
阿古路（Aguero）
阿古路上場大演帽子戲法，暫時亦係全英超射門次數最高嘅球員，達到12次，同時佢都係射門命中目標同禁區內射門最多嘅球員。曼城今場只係對住狼隊，狼隊已經開季連續兩場失兩球，相信阿古路都可以對住狼隊入波嘅。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
本週陣容
球隊價值（Squad value）： 99.9M剩餘資金（In the bank）： 1.0M
轉會
賣出：賓美（Mee）買入：馬高斯阿朗素（Marcos Alonso）
原因：般尼（Burnley）喺近6場於法定時間內嘅比賽不勝，近況認真麻麻，而賓美上場亦僅得1分。有見及此，我有需要買多個貴價後衛，發覺用4個平價後衛加羅拔臣係唔夠嘅，後防太弱，再加上4.0M嘅雲比沙卡（Wan-Bissaka）上場直接領紅，需要停賽3場，令到我條後防線更弱。由於我今週只得1個免費轉會（Free Transfer），同埋我個陣已經有3名曼城（Man City）球員，所以我都唔洗考慮班捷文文迪（Benjamin Mendy）喇。頭兩輪英超最標青嘅後衛，除咗羅拔臣同文迪之外，就係阿朗素。阿朗素兩輪比賽就已經交出1入球2助攻，同1場不失球，表現可人。詳細原因可以到上一篇文章（2018/19：第3週球員轉會清單 - 要爆佢！！）講阿朗素嗰部份睇返。另外，車路士（Chelsea）未來嘅4場比賽都算易踢，除咗般尼茅夫（Bournemouth）外，其餘3個對手都係處於聯賽榜嘅下半版。相信阿朗素呢幾場波都能夠帶嚟分數上嘅回報。
守門員
艾達臣（Ederson）
曼城（Man City）今場要面對升班馬嘅狼隊（Wolves），狼隊首場英超賽和愛華頓（Everton）2比2，上場就淨輸俾李斯特城（Leicester）2球。上場對李斯特城，狼隊都只係錄得3次射門命中目標，相信今場對住曼城，射門命中目標嘅次數將會更加少。曼城贏面就非常之大嫁喇，係睇下艾達臣可唔可以零封對手。同埋我揀艾達臣嘅原因並唔係搏佢拎到撲救分，而係睇中曼城以攻代守，傳控嘅踢法，因而令到防線唔會受壓，希望今場曼城可以保持不失球啦。
後衛
薛迪索拉斯（Cedric Soares）
選擇出薛迪索拉斯其實都算係一場賭博，又或者係冇辦法下嘅選擇。我嘅後備席只得兩位球員可以用，因為雲比沙卡（Wan-Bissaka）上場對利物浦（Liverpool）領紅要停賽，尼維斯（Neves）就要對曼城。由於我唔覺得狼隊今場可以破到曼城嘅大門，亦即係話，我估計今場尼維斯只會拎到2分。但係我又唔甘心出一個肯定只拎2分嘅球員，而既然我陣中又冇李斯特城嘅球員，何解我唔疊埋心水支持修咸頓（Southampton）能夠0比0守和李斯特城，甚至乎淨勝李斯特城呢？面對住有前鋒華迪（Vardy）停賽嘅李斯特城，加上修咸頓英超第一場就成功0比0主場守和般尼，而今場就正正係有主場之利，我相信配合天時地利人和，修咸頓至少都能夠0比0守和李斯特城。馬高斯阿朗素（Marcos Alonso）
喺上一篇買人清單同上面講到點解今週選擇買入阿朗素都講得好清楚我點解會揀佢，所以我都唔花太多筆墨再重複個原因，大家有興趣可以去睇返上一篇文章。簡單嚟講，阿朗素係暫時全英超得分最高嘅後衛，除咗車路士有好大機會喺今場作客對住紐卡素（Newcastle）能夠保持不失球外，阿朗素亦能夠喺進攻上帶嚟回報。紐卡素開季兩場都只係入得1球，上場對住升班馬卡迪夫城（Cardiff）更加係入唔到波，所以車路士真係有好大機會可以零封對手。
羅拔臣（Robertson）
利物浦係英超唯一一隊仍未失球嘅球隊，可見今季利物浦嘅防線真係穩陣咗好多。雖然羅拔臣喺第1週交出1個助攻，但上場對水晶宮（Crystal Palace）就未能帶嚟進攻上嘅回報，不過其實都只係差少少。今場期望利物浦主場對住白禮頓（Brighton）贏波或者能夠保持清白之身都只係基本，希望利物浦今場能夠淨勝對手啦。上場對水晶宮，其實羅拔臣都交出咗3次關鍵傳送，係全隊第二高，僅次於沙拿（Salah）兼同文尼（Mane）並列第二位，希望佢今場進攻上嘅付出會帶嚟回報啦。丹尼斯（Daniels）
般尼茅夫（Bournemouth）兩場英超全勝，表現令人驚喜。雖然今場般尼茅夫對住同樣係英超不敗嘅愛華頓（Everton），但係呢場波嘅賽果都算係比較難預計，究竟係般尼茅夫延續強勢定係李察利臣（Richarlison）繼續著晒火咁？我真係估唔到，所以會出埋丹尼斯同李察利臣睇下點。再加上我認為出佢拎到高分嘅機會點都比出富咸前鋒卡馬拉（Kamara）拎到高分嘅機會大。
中場
沙拿（Salah）- Captain
沙拿上場雖然冇入波，但佢喺場上嘅影響力依舊，上場交出2個助攻，包括1球搏到十二碼。另外，沙拿上場分別錄得6次射門同4次關鍵傳送，兩項數據都屬於全隊最高。正因為佢進攻上嘅參與度咁高，加上今場比賽係主場對白禮頓，我會選擇沙拿做隊長。
艾歷臣（Eriksen）艾歷臣上兩場嘅表現雖然令人失望，但過去嘅經驗話俾我聽，呢個時候一賣佢，佢下場就會入波，所以我係唔會賣佢嘅！不過，容忍都有個限度，如果佢今季頭4場都未能夠為熱刺（Spurs）帶嚟入球或助攻呢，咁第5週我就會即時賣佢，物色過另一位貴價嘅頂級中場。換句話說，即係艾歷臣仲有兩個星期喺我個陣度用表現爭取留低嘅機會。今場熱刺對住近況麻麻嘅曼聯（Man Utd），希望艾歷臣可以打返場好波啦。
李察利臣（Richarlison）
李察利臣係近排最炙手火熱嘅射手之一，佢喺FPL拎到23分，係全英超第三高分。佢頭兩場聯賽4射3中入3球，把握力奇高。今場愛華頓對住近況大勇嘅般尼茅夫，希望佢都可以繼續咁好嘅狀態啦。
貝拿度施華（Bernardo Silva）
雖然上場對住哈特斯菲爾德，曼城大勝6比1，但貝拿度施華並冇入球同交出助攻，希望佢今場對住都係比較弱嘅對手會表現好返啲啦。
前鋒
韋費特沙夏（Zaha）
韋費特沙夏上場對利物浦無法取得入球都係意料中事。不過，今場作客對住兩戰全勝嘅屈福特（Watford）都係另一場硬仗。不過，上場對利物浦，沙夏造出2射1中，同交出1次關鍵傳送，已經屬於全隊最好，可見水晶宮嘅進攻都相當倚賴沙夏嘅發揮。如果水晶宮有好表現，相信沙夏分數上都會有唔錯嘅回報。
阿古路（Aguero）
阿古路上場大演帽子戲法，暫時亦係全英超射門次數最高嘅球員，達到12次，同時佢都係射門命中目標同禁區內射門最多嘅球員。曼城今場只係對住狼隊，狼隊已經開季連續兩場失兩球，相信阿古路都可以對住狼隊入波嘅。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊